കോൽക്കത്ത: സംവിധായകൻ രഞ്ജിത്തിനെതിരായ ലൈംഗീകാതിക്രമ പരാതിയിൽ ബംഗാളി നടി യുടെ മൊഴി രേഖപ്പെടുത്തി. കോൽക്കത്ത സെഷൻസ് കോടതിയിലാണ് നടി രഹസ്യ മൊഴി നല്‍കിയത്.
പാലേരി മാണിക്യം എന്ന സിനിമയിൽ അഭിനയിക്കാന്‍ എത്തിയപ്പോളാണ് തനിക്ക് ദുരനുഭവമുണ്ടായതെന്ന് നടി പറഞ്ഞിരുന്നു. കടവന്ത്രയിലെ പ്ലാറ്റിൽവച്ച് സംവിധായകൻ രഞ്ജിത്ത് മോശമായി പെരുമാറിയതായാണ് നടിയുടെ പരാതി.
മോശം അനുഭവം നേരിട്ടതോടെ ഫ്ലാറ്റിൽനിന്ന് രക്ഷപ്പെടുകയായിരുന്നുവെന്നും നടി വ്യക്തമാക്കി. നടിയുടെ വെളിപ്പെടുത്തൽ വിവാദമായതോടെ സമൂഹമാധ്യമത്തിൽ നിന്ന് താൻ കുറച്ചു നാൾ വിട്ടു നിൽക്കുകയാണെന്ന് വ്യക്തമാക്കി ബംഗാളി നടി രംഗത്തെത്തിയിരുന്നു.