പാരീസ്: ആമുഖ വീഡിയോ പ്രദർശനത്തോടെ പാരീസിൽ ഒളിമ്പിക്സ് 2024 ന് വർണാഭമായ തുടക്കം. ഒരു മിനിറ്റിലധികം നീണ്ടുനിന്ന ആമുഖ വീഡിയോ പ്രദർശനത്തോടെയാണ് ചടങ്ങ് ആരംഭിച്ചത്.
ഫ്രഞ്ച് മൊറോക്കൻ നടൻ ജമെൽ ഡെബ്ബൗസ് വീഡിയോയിൽ ഒളിമ്പിക്സ് ദീപശിഖയുമായി ആദ്യം പ്രത്യക്ഷപ്പെട്ടു. തുടർന്ന് ഫ്രാൻസ് ഫുട്ബോൾ ഇതിഹാസം സിനദിൻ സിദാൻ വീഡിയോയിൽ ഒളിമ്പിക്സ് ദീപശിഖയുമായി പ്രത്യക്ഷപ്പെട്ടു.
ആമുഖ വീഡിയോയ്ക്ക് ശേഷം ഓരോ രാജ്യങ്ങളുടെയും താരങ്ങളുമായി മാർച്ച് പാസ്റ്റ് ആരംഭിച്ചു. ഗ്രീസ് താരങ്ങളുടെ വരവോടെയാണ് മാർച്ച് പാസ്റ്റിന് തുടക്കമിട്ടത്. പിന്നാലെ ദക്ഷിണാഫ്രിക്ക, അങ്കോള, അർജന്‍റീന, ബഹ്റൈൻ എന്നീ രാജ്യങ്ങളുടെ താരങ്ങളും എത്തി.
തൊട്ടു പിന്നാലെ ആദ്യ സംഗീതാവിഷ്കരണം ഉണ്ടായി. അമേരിക്കൻ പോപ് ഗായിക ലേഡി ഗാഗയുടെ നൃത്ത പ്രകടനം വേദിയിൽ അരങ്ങേറി.