തിരുവനന്തപുരം: മുതലപ്പൊഴി സന്ദര്‍ശിക്കാനെത്തിയ കേന്ദ്രമന്ത്രി ജോര്‍ജ് കുര്യനെതിരേ പ്രതിഷേധവുമായി കോണ്‍ഗ്രസ് പ്രവര്‍ത്തകര്‍. മന്ത്രിയുടെ വാഹനം തടഞ്ഞ പ്രവര്‍ത്തകര്‍ റോഡില്‍ കുത്തിയിരുന്ന് പ്രതിഷേധിച്ചു.
മുതലപ്പൊഴിയിലെ മത്സ്യതൊഴിലാളികളുടെ പ്രശ്നങ്ങളുമായി ബന്ധപ്പെട്ട യോഗം കഴിഞ്ഞ് മന്ത്രി പുറത്തേക്കു വന്നപ്പോഴായിരുന്നു സംഭവം. യോഗത്തില്‍ അനുകൂല തീരുമാനമുണ്ടായില്ലെന്നും മന്ത്രിയെ കാണാന്‍ കോണ്‍ഗ്രസ് പ്രവര്‍ത്തകരെ അനുവദിച്ചില്ലെന്നും പ്രതിഷേധക്കാര്‍ ആരോപിച്ചു.
മന്ത്രിയുടെ സന്ദർശനം പ്രഹസനമാണെന്ന് ആരോപിച്ച് വനിതാ പ്രവര്‍ത്തകര്‍ അടക്കം റോഡിൽ
കിടന്ന് പ്രതിഷേധിക്കുകയായിരുന്നു. പിന്നീട് പ്രവര്‍ത്തകരെ പൊലീസ് ബലം പ്രയോഗിച്ചു പ്രതിഷേധക്കാരെ നീക്കിയ ശേഷമാണ് മന്ത്രിയെ കടത്തിവിട്ടത്.