കുസാറ്റ് പ്രവേശന പരീക്ഷ: 26 വരെ അപേക്ഷിക്കാം
കളമശേരി: കൊച്ചി ശാസ്ത്ര സാങ്കേതിക സര്വകലാശാല(കുസാറ്റ്)യുടെ 2023 അധ്യയന വര്ഷത്തെ ബിരുദ, ബിരുദാനന്തര കോഴ്സുകളിലേക്കുള്ള പൊതു പ്രവേശന പരീക്ഷയ്ക്ക് (കുസാറ്റ് ക്യാറ്റ്2023) പിഴയില്ലാതെ ഈ മാസം 26 വരെയും പിഴയോടു കൂടി മാര്ച്ച് ആറുവരെയും ഓണ്ലൈനായി അപേക്ഷിക്കാം.
എംബിഎയ്ക്കുള്ള അപേക്ഷകള് പിഴകൂടാതെ 26 വരെയും പിഴയോടുകൂടി മാര്ച്ച് ആറുവരെയും സമര്പ്പിക്കാം. എംടെക് കോഴ്സിലേക്ക് രജിസ്റ്റര് ചെയ്യാനുള്ള അവസാന തീയതി ഏപ്രില് എട്ടുവരെയും (പിഴയില്ലാതെ) പിഎച്ച്ഡി, ഡിപ്ലോമ പ്രോഗ്രാമുകള് ഏപ്രില് 17 വരെയുമാണ്.
ബിരുദ, ബിരുദാനന്തര കോഴ്സുകള്ക്കുള്ള അഡ്മിറ്റ് കാര്ഡുകള് ഏപ്രില് 18 മുതല് ഡൗണ്ലോഡ് ചെയ്യാം. കംപ്യൂട്ടര് അധിഷ്ഠിത ടെസ്റ്റ് (സിബിടി) പരീക്ഷ ഏപ്രില് 29, 30, മേയ് ഒന്ന് തീയതികളില് നടക്കും.
കൂടുതല് വിവരങ്ങള്ക്ക് https://admissions.cusat.ac.in സന്ദര്ശിക്കുക.