ഗു​രു​വാ​യൂ​ര​പ്പ​ൻ ക്ഷേ​ത്ര​ത്തി​ൽ ച​ര​പ്ര​തി​ഷ്ഠാ​ക​ർ​മ്മം ന​ട​ത്തി
Monday, December 11, 2017 11:44 AM IST
ടൊറോന്‍റോ: ബ്രാം​പ്ട​ണി​ൽ പു​തി​യ​താ​യി പ​ണി തീ​ർ​ത്ത ഗു​രു​വാ​യൂ​ര​പ്പ​ൻ ക്ഷേ​ത്ര​ത്തി​ൽ ച​ര​പ്ര​തി​ഷ്ഠാ ക​ർ​മ്മം ന​ട​ത്തി. ആ​ചാ​രാ​നു​ഷ്ഠാ​ന​ങ്ങ​ളോ​ടെ നി​ര​വ​ധി ഭ​ക്ത​ജ​ന​ങ്ങ​ളു​ടെ സാ​ന്നി​ധ്യ​ത്തി​ൽ ത​ന്ത്രി ദി​വാ​ക​ര​ൻ ന​ന്പൂ​തി​രി, മ​നോ​ജ് തി​രു​മേ​നി എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പൂ​ജാ​രി സം​ഘം ച​ട​ങ്ങു​ക​ൾ​ക്ക് കാ​ർ​മ്മി​ക​ത്വം വ​ഹി​ച്ചു. കേ​ര​ളീ​യ ശി​ൽ​പ​ക​ലാ മാ​തൃ​ക​യി​ൽ വി​സ്തൃ​ത​മാ​യ സ്ഥ​ല​ത്ത് എ​ല്ലാ​വി​ധ സൗ​ക​ര്യ​ങ്ങ​ളോ​ടും കൂ​ടി പ​ണി​ക​ഴി​പ്പി​ച്ച പു​തി​യ ക്ഷേ​ത്രം ക​ട​ൽ ക​ട​ന്നു​ള്ള മ​റ്റൊ​രു ഗു​രു​പ​വ​ന​പു​രി​യാ​യി നി​ല​കൊ​ള്ളു​ന്നു.

കാ​ന​ഡ​യി​ൽ എ​ന്ന​ല്ല വ​ട​ക്കേ അ​മേ​രി​ക്ക​യി​ലെ എ​ല്ലാ ഭാ​ര​തീ​യ​ർ​ക്കും വി​ശേ​ഷി​ച്ചു മ​ല​യാ​ളി​ക​ൾ​ക്ക് ഒ​രു ച​രി​ത്ര മു​ഹൂ​ർ​ത്ത​മാ​യി​ത്തീ​ർ​ന്ന ച​ട​ങ്ങു​ക​ൾ​ക്കാ​ണ് നാ​ലു ദി​വ​സം സാ​ക്ഷ്യം വ​ഹി​ച്ച​ത്. കാ​ന​ഡ​യി​ലും അ​മേ​രി​ക്ക​യി​ൽ നി​ന്നും നി​ര​വ​ധി ഭ​ക്ത​ർ ച​ട​ങ്ങി​ൽ പ​ങ്കെ​ടു​ക്കാ​ൻ എ​ത്തി​ച്ചേ​ർ​ന്നു. ഗ​ണ​പ​തി​ഹോ​മം, ഭ​ഗ​വ​തി​സേ​വ, അ​ഖ​ണ്ഡ​നാ​മ ജ​പം, മ​ഹാ​സു​ദ​ർ​ശ​ന ഹോ​മം എ​ന്നീ ച​ട​ങ്ങു​ക​ൾ ച​ര​പ്ര​തി​ഷ്ഠ​യോ​ട​നു​ബ​ന്ധി​ച്ച് മൂ​ന്നു ദി​വ​സ​ങ്ങ​ളി​ലാ​യി ന​ട​ന്നു. പ്ര​തി​ഷ്ഠാ ദി​നം മു​ത​ൽ നാ​മ​ജ​പ മ​ന്ത്രോ​ച്ചാ​ര​ണ​ങ്ങ​ൾ കൊ​ണ്ട് മു​ഖ​രി​ത​മാ​യ ക്ഷേ​ത്രാ​ന്ത​രീ​ക്ഷം മ​റ്റൊ​രു ദ്വാ​ര​കാ​പു​രി​യാ​യി മാ​റി.


16 വ​ർ​ഷം മു​ൻ​പ് ഒ​രു ചെ​റി​യ മ​ല​യാ​ളി കൂ​ട്ടാ​യ്മ​യി​ൽ ഉ​രു​ത്തി​രി​ഞ്ഞ ക്ഷേ​ത്ര​മെ​ന്ന ആ​ശ​യ​സ്വ​പ്നം നി​ര​വ​ധി ക​ട​ന്പ​ക​ൾ ക​ട​ന്ന് ഇ​ന്നു പൂ​വ​ണി​ഞ്ഞ ചാ​രി​താ​ർ​ഥ്യ​ത്തി​ലാ​ണ് കാ​ന​ഡ​യി​ലെ മ​ല​യാ​ളി​ക​ൾ ഏ​വ​രും. നി​ര​വ​ധി പേ​രു​ടെ സാ​ന്പ​ത്തി​ക, ഭൗ​തി​ക സ​ഹ​ക​ര​ണ​ങ്ങ​ളും ആ​ത്മാ​ർ​പ്പ​ണ​വു​മാ​ണ് ഇ​തി​നു പി​ന്നി​ൽ.

കേ​ര​ളീ​യ സാം​സ്കാ​രി​ക പൈ​തൃ​കം ത​ല​മു​റ​യ്ക്ക് പ​ക​ർ​ന്നു ന​ൽ​കു​വാ​നും, മാ​ന​വീ​യ ഐ​ക്യ​ത്തി​നും, ശാ​ന്തി​ക്കും വേ​ണ്ടി​യു​ള്ള ക്ഷേ​ത്ര​വും പ്ര​വ​ർ​ത്ത​ന​ങ്ങ​ളും നി​ല​കൊ​ള്ളു​മെ​ന്ന് ഡോ. ​പി.​കെ.​കു​ട്ടി ട്ര​സ്റ്റ് ചെ​യ​ർ​മാ​ൻ പ​റ​ഞ്ഞു. വ​രും​ദി​ന​ങ്ങ​ളി​ൽ വി​പു​ല​മാ​യ പൂ​ജാ​വി​ധി​ക​ളും ഹൈ​ന്ദ​വ വി​ശേ​ഷ​ച​ട​ങ്ങു​ക​ളും ക്ഷേ​ത്ര​ത്തി​ൽ ഉ​ണ്ടാ​യി​രി​ക്കും. പ്ര​തി​ഷ്ഠാ ക​ർ​മ്മ​ത്തോ​ട​നു​ബ​ന്ധി​ച്ച് നി​ര​വ​ധി പ്ര​തി​ഭ​ക​ൾ, ക​ഥ​ക​ളി, കു​ച്ചു​പ്പു​ടി, സം​ഗീ​ത വി​രു​ന്ന് എ​ന്നി​വ ക്ഷേ​ത്രാ​ങ്ക​ണ​ത്തി​ൽ ന​ട​ത്തി. തു​ട​ർ​ച്ച​യാ​യി മൂ​ന്നു ദി​വ​സ​ങ്ങ​ളി​ലും കു​ട്ടി​ക​ളു​ടെ സം​ഗീ​താ​ർ​ച്ച​ന​യും സ​ന്നി​ധി​യി​ൽ ന​ട​ന്നു.

എ​ല്ലാ ദി​വ​സ​വും പ്ര​സാ​ദ​വി​ത​ര​ണം, ല​ഘു​ഭ​ക്ഷ​ണം എ​ന്നി​വ​യും ന​ട​ത്തി. ദി​വ​സേ​ന​യു​ള്ള പൂ​ജ​ക​ൾ​ക്കാ​യും ക്ഷേ​ത്ര ദ​ർ​ശ​ന​ത്തി​നാ​യും എ​ല്ലാ ദി​വ​സ​വും നി​ര​വ​ധി ഭ​ക്ത​ർ വ​ന്നു കൊ​ണ്ടി​രി​ക്കു​ന്നു.

ക്ഷേ​ത്ര​ത്തി​ന്‍റെ കൂ​ടു​ത​ൽ വി​വ​ര​ങ്ങ​ൾ​ക്ക് സ​ന്ദ​ർ​ശി​ക്കു​ക.
Www.guruvayur.ca
Ph-105 799 0900

റി​പ്പോ​ർ​ട്ട്: ഹ​രി​കു​മാ​ർ മാ​ന്നാ​ർ
Copyright @ 2022 , Rashtra Deepika Ltd.