ഗാമ ടെന്നീസ് ടൂർണമെന്‍റിൽ നീരജ് ചാന്പ്യൻ
Tuesday, November 21, 2017 6:30 AM IST
ഓസ്റ്റിൻ: ഗ്രേറ്റർ ഓസ്റ്റിൻ മലയാളി അസോസിയേഷന്‍റെ (GAMA) ആഭിമുഖ്യത്തിൽ നടന്ന ടെന്നീസ് ടൂർണമെന്‍റിൽ കെ.എം. നീരജിന് ചാന്പ്യൻപട്ടം. ഫൈനലിൽ മനേഷ് ശശിധരനെ ഒന്നിനെതിരെ രണ്ടു സെറ്റുകൾക്കാണ് നീരജ് തോല്പിച്ചത്. സ്കോർ: 3 - 6, 6 - 4, 6-4. ആദ്യ സെറ്റ് മനേഷ് നേടിയെങ്കിലും ശക്തമായ തിരിച്ചു വരവിലൂടെ നീരജ് വിജയം കരസ്ഥമാക്കുകയായിരുന്നു.

ഡബിൾസ് വിഭാഗത്തിൽ അനിമോൻ ജോസ് - രാജേഷ് കുരിയപറംബിൽ സഖ്യവും വിക്രം അയ്യർ -ചിരഞ്ജിത് സഖ്യവും ഒന്നാം സ്ഥാനം പങ്കിട്ടു.

ഓസ്റ്റിനിലെ കാതറിൻ ഫ്ളേയ്സ്ചർ പാർക്കിലെ ടെന്നീസ് കോർട്ടുകളിൽ ഡബിൾ എലിമിനേഷൻ അടിസ്ഥാനത്തിൽ നടത്തിയ ടൂർണമെന്‍റിൽ 12 മത്സരാർഥികൾ പങ്കെടുത്തു. സമ്മാനദാന ചടങ്ങിൽ ഗാമയുടെ മുൻ ബോർഡ് അംഗങ്ങൾ ഗോവിന്ദൻ നന്പൂതിരി, കർമചന്ദ്രൻ എന്നിവർ ഡബിൾസ് വിജയികൾക്കും ഗാമ സ്പോർട്സ് ടീം കോഓർഡിനേറ്റർ രമേഷ് ചന്ദ്ര സിംഗിൾസ് വിജയികൾക്കും മെഡലുകൾ സമ്മാനിച്ചു. ഗാമ പ്രസിഡന്‍റ് ശങ്കർ ചന്ദ്രമോഹൻ പ്രസംഗിച്ചു.

റിപ്പോർട്ട്: മാർട്ടിൻ വിലങ്ങോലിൽ
Copyright @ 2022 , Rashtra Deepika Ltd.