ഭക്തിഗാന ആൽബം "ജീവതീർഥം’ പ്രകാശനം ചെയ്തു
Monday, November 20, 2017 10:13 AM IST
കോറൽസ്പ്രിംഗ്: ഫ്ളോറിഡയിലെ പ്രശസ്ത ഭക്തിഗാന നിർമാണ കന്പനിയായ ജോസ് ക്രിയേഷന്‍റെ ബാനറിൽ നിർമിച്ച “ജീവതീർഥം’ എന്ന സംഗീത ആൽബം ഷിക്കാഗോ രൂപതാധ്യക്ഷൻ മാർ ജേക്കബ് അങ്ങാടിയത്ത് കോറൽസ്പ്രിംഗ് ആരോഗ്യമാതാ ഫൊറോനാ ദേവാലയ വികാരി ഫാ. തോമസ് കടുകപ്പിള്ളിക്ക് നൽകി പ്രകാശനം ചെയ്തു.

ഭക്തിഗാന രംഗത്തെ ദേവഗായകൻ കെസ്റ്റർ ആലപിച്ച “കുഞ്ഞുനാളിൽ...’ എന്ന പരിശുദ്ധാത്മാവിന്‍റെ ഗാനം ഇപ്പോൾ സോഷ്യൽ മീഡിയയിലും യൂട്യൂബിലും ആയിരങ്ങളുടെ ശ്രദ്ധ നേടിക്കഴിഞ്ഞു. ഈ ഗാനത്തിനു നവാഗതരായ ജോബി തുണ്ടത്തിൽ സംഗീത നിർവഹണവും ജോജോ ഫ്ളോറിഡ ഗാനരചനയും നിർവഹിക്കുന്നു.

ആൽബത്തിലെ മറ്റു ഗാനങ്ങൾ ആലപിച്ചിരിക്കുന്നത് വിൽസണ്‍ പിറവം, സിസിലി, ഗോപൻ, സുജ എന്നിവർക്കൊപ്പം ഫ്ളോറിഡയിൽ നിന്നുള്ള ജസ്റ്റിൻ തോമസ്, ബിനു ജോസ്, ജോജോ ഫ്ളോറിഡ എന്നിവരാണ്.

ഗാനങ്ങൾ ചിട്ടപ്പെടുത്തിയത് ജോബി തുണ്ടത്തിലിനൊപ്പം സിബി ഇറക്കത്തിൽ, ജെറി അമൽദേവ്, ബേണി ഇഗ്നേഷ്യസ്, ജെർസൻ ആന്‍റണി തുടങ്ങിയ പ്രശസ്ത സംഗീത പ്രതിഭകളാണ്.

ഗാനരചന പ്രിമ്യൂസ് പെരിഞ്ചേരി, സിബി ഇറക്കത്തിൽ, ജോജോ ഫ്ളോറിഡ, സുജാത ഫ്രാൻസീസ്, ബേബി രാജൻ എന്നിവരാണ് നിർവഹിച്ചിരിക്കുന്നത്. വിവരങ്ങൾക്ക്: ബിനു ജോസ് 954 529 6420.

റിപ്പോർട്ട്: ജോയിച്ചൻ പുതുക്കുളം
Copyright @ 2022 , Rashtra Deepika Ltd.