ബംഗളൂരു: ബൈബിളിനെ ആധാരമാക്കി സൂര്യകൃഷ്ണ മൂർത്തി ഒരുക്കുന്ന മെഗാ ഷോ 'എന്‍റെ രക്ഷകന്' കേരളത്തിലെ വിജയകരമായ 70 പ്രദർശനങ്ങൾക്ക് ശേഷം ആദ്യമായി ബംഗളൂരുവിൽ എത്തുന്നു. വൈറ്റ് ഫീൽഡ് റോഡിലുള്ള സെൻറ് ജോസഫ് കോണ്വെൻറ് സ്കൂൾ ഗ്രൗണ്ടിൽ കൂറ്റൻ വേദിയാണ് ഇതിനായി ഒരുക്കുന്നത്. രണ്ടേക്കർ സ്ഥലത്ത് പരിപാടിക്കായി ഒരുക്കുന്ന കൂറ്റൻ എസി ഓഡിറ്റോറിയത്തിലാണ് പരിപാടി നടക്കുന്നത്. പതിനായിരം ചതുരശ്ര അടിയാണ് സ്റ്റേജിന്‍റെ വലിപ്പം. ഡിസംബർ 15ന് രാത്രി ഏഴിനാണ് ഉദ്ഘാടനം. തുടർന്ന് 16,17 തീയതികളിൽ വൈകുന്നേരം ആറിനും 8:30നും രണ്ടു ഷോകൾ നടക്കും. രണ്ടു മണിക്കൂർ ആണ് പരിപാടിയുടെ ദൈർഘ്യം. പ്രചാരണ പരിപാടിയുടെ ഉദ്ഘാടനം മാണ്ഡ്യ രൂപതാധ്യക്ഷൻ മാർ ആൻറണി കരിയിൽ നിർവഹിച്ചു.
വെളിച്ചവും സംഗീതവും സമന്വയിക്കുന്ന ന്ധഎൻറെ രക്ഷകൻ’ കാഴ്ചയുടെ അവിസ്മരണീയമായ അനുഭവമാണ് സമ്മാനിക്കുന്നത്. കവി മധുസൂദനൻ നായരുടെ വരികൾക്ക് സംഗീതം പകർന്നത് രമേഷ് നാരായണൻ ആണ്. ഇന്ത്യയിലെ തന്നെ ഏറ്റവും വലിയ ബൈബിൾ ഷോ എന്ന് അവകാശപ്പെടാവുന്ന ഈ പരിപാടിയിൽ 200 ഓളം കലാകാന്മാരും 50 പക്ഷിമൃഗാദികളും രംഗത്തുവരുന്നു. സെറ്റുകൾക്ക് ഇരുനിലക്കെട്ടിടത്തിൻറെ വലിപ്പമാണ് ഉള്ളത്. വൈറ്റ്ഫീൽഡ് സേക്രഡ് ഹാർട്ട് ചർച്ച് ട്രസ്റ്റിൻറെയും പ്രവാസി എക്സ്പ്രസിൻറെയും ആഭിമുഖ്യത്തിലാണ് ഈ പരിപാടി ബംഗളൂരുവിൽ എത്തിക്കുന്നത്. ചങ്ങനാശേരി സർഗക്ഷേത്ര, മാർ ക്രിസോസ്റ്റം ഗ്ലോബൽ പീസ് ഫൗണ്ടേഷൻ, സൂര്യ കൃഷ്ണമൂർത്തി എന്നിവർ ചേർന്നാണ് ഒരു കോടിയിലധികം ചെലവുവരുന്ന ’എൻറെ രക്ഷകൻ’ അണിയിച്ചൊരുക്കിയിരിക്കുന്നത്.
ബംഗളൂരു അതിരൂപതാധ്യക്ഷൻ ആർച്ച് ബിഷപ് ഡോ. ബർണാഡ് മോറസ്, മാണ്ഡ്യ രൂപതാധ്യക്ഷൻ മാർ ആൻറണി കരിയിൽ, മലങ്കര ഓർത്തഡോക്സ് ബംഗളൂരു രൂപത മെത്രാപ്പോലീത്ത ഡോ. ഏബ്രഹാം മാർ സെറാഫിം എന്നിവരും മന്ത്രിമാർ, ജനപ്രതിനിധികൾ എന്നിവരും പരിപാടി കാണാൻ എത്തുമെന്ന് കണ്‍വീനർമാരായ ഫാ. ബിജു ആലപ്പാട്ട് എസ്സിജെ, ഷിജോ ഫ്രാൻസിസ്, റജികുമാർ, ജെയ്ജോ ജോസഫ് എന്നിവർ അറിയിച്ചു. വൈറ്റ്ഫീൽഡ് സേക്രഡ് ഹാർട്ട് ചർച്ച് ട്രസ്റ്റിൻറെ ആതുര സേവനത്തിനുള്ള ധനശേഖരണാർഥം നടത്തുന്ന ഈ പരിപാടിയുടെ പാസുകൾ എല്ലാ ദേവാലയങ്ങളിലും ലഭ്യമാക്കുമെന്ന് സംഘാടകർ അറിയിച്ചു.
വിശദവിവരങ്ങൾക്ക് ഫോണ്: 9845017121,9945686183
പാസുകൾക്ക് വൈറ്റ് ഫീൽഡ് 9449213845(ഷിജോ ഫ്രാൻസിസ്), മാറത്തഹള്ളി9886395832 (അപർണ), ആർടി നഗർ 8792687607 (മുരളീധരൻ), സുൽത്താൻപാളയ 9739559897 (ജെയ്സൻ ലൂക്കോസ്), ബിഇഎൽ സർക്കിൾ 9916674387 (രാജഗോപാൽ), എംജി റോഡ് 9449113501 (രഞ്ജിത്), കമ്മനഹള്ളി 9886080105 (സജി പുലിക്കോട്ടിൽ), ബൊമ്മനഹള്ളി 9035649111 (വിനേഷ്), ജാലഹള്ളി 9880025474 (പി.പി. ജോസ്), ചിക്കബനവാര 9739200919 (ടോമി), ഈജിപുര 9845320266 (ജോർജ് തോമസ്), അനീഷ് കൃഷ്ണൻ 9886890688.