ഡാളസ് ഏരിയ മാര്‍ത്തമറിയം ടാലന്റ് ഷോ നവംബര്‍ 28-ന്
Thursday, October 30, 2014 4:51 AM IST
ഡാളസ്: ഡാളസ് ഏരിയ ഓര്‍ത്തഡോക്സ് മാര്‍ത്തമറിയം വനിതാ സമാജത്തിന്റെ ടാലന്റ് ഷോ നവംബര്‍ 28-ന് വെള്ളിയാഴ്ച വൈകിട്ട് ആറിന് ഡാളസ് വലിയ പള്ളി ഓഡിറ്റോറിയത്തില്‍ വെച്ച് നടത്തും.

സൌത്ത് വെസ്റ് ഭദ്രാസന ആസ്ഥാനത്ത് നിര്‍മിക്കുന്ന ചാപ്പല്‍ നിര്‍മാണത്തിനുള്ള ഫണ്ട് ശേഖരണത്തിനാണ് ഈ പ്രോഗ്രാം നടത്തുന്നത്. ഡാളസ് സെന്റ് മേരീസ് വലിയപള്ളി, സെന്റ് ഗ്രിഗോറിയോസ് ഗാര്‍ലന്റ്, സെന്റ് മേരീസ് കരോള്‍ട്ടന്‍, സെന്റ് ജോര്‍ജ് ഇര്‍വിംഗ്, സെന്റ് തോമസ് ഡാളസ്, സെന്റ് പോള്‍സ് പ്ളേനോ, സെന്റ് ജയിംസ് മിഷന്‍ ചര്‍ച്ച് തുടങ്ങി ഏഴ് പള്ളികളിലെ വനിതാ സമാജങ്ങളാണ് ഈ പ്രോഗ്രാമില്‍ പങ്കെടുക്കുന്നത്.

ഡാളസ് ഏരിയ മാര്‍ത്തമറിയം റീജിയണല്‍ വൈസ് പ്രസിഡന്റ് റവ.ഫാ. രാജു എം. ദാനിയേല്‍, റീജിയണല്‍ സെക്രട്ടറി ആന്‍ വര്‍ഗീസ് (214 850 4441) എന്നിവരുടെ നേതൃത്വത്തിലുള്ള കമ്മിറ്റിയാണ് ഈ പ്രോഗ്രാമിന്റെ വിജയത്തിനായി പ്രവര്‍ത്തിക്കുന്നത്.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.