കമലിന് ഐക്യദാർഢ്യവുമായി ’ആർട്ടിസ്റ്റ് ബേബി’യുടെ ഒറ്റയാൾ പ്രതിഷേധം
Wednesday, January 11, 2017 11:10 PM IST
കാസർഗോഡ്: സംവിധായകൻ കമലിനെതിരായ സംഘപരിവാർ ഭീഷണിക്കെതിരേ നടൻ അലൻസിയറുടെ ഒറ്റയാൾ പ്രതിഷേധം. തന്റെ മുഖ്യ പ്രവർത്തന മാധ്യമമായ നാടകത്തിലൂടെയാണ് ‘ആർട്ടിസ്റ്റ് ബേബി’ തന്റെ ഐക്യദാർഡ്യവും സംഘപരിവാറിനോടുള്ള പ്രതിഷേധവും രേഖപ്പെടുത്തിയത്.

കാസർഗോഡ് സിനിമാ ചിത്രീകരണത്തിനെത്തിയതായിരുന്നു അലൻസിയർ. ജനിച്ച നാട്ടിൽ ജീവിക്കാനും പാക്കിസ്‌ഥാനിലേക്കും ഗുജറാത്തിലേക്കും പുറത്താക്കപ്പെടാതിരിക്കാനുള്ള അവകാശത്തിനു വേണ്ടിയുള്ള പ്രതിരോധമാണ് തന്റേതെന്ന് അലൻസിയർ പറഞ്ഞു.

നേരത്തെ, ദേശീയതയെ അംഗീകരിക്കാനാവില്ലെങ്കിൽ സംവിധായകൻ കമൽ രാജ്യംവിട്ടു പോകുന്നതാണ് നല്ലതെന്ന് ബിജെപി സംസ്‌ഥാന ജനറൽ സെക്രട്ടറി എ.എൻ. രാധാകൃഷ്ണൻ പറഞ്ഞിരുന്നു. കേരളത്തിലെ പ്രാകൃതമായ കൊലപാതകങ്ങൾക്ക് കാരണം ചെഗുവേരയെ ആരാധിക്കുന്നതാണെന്നും രാധാകൃഷ്ണൻ പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.