ബാല്യം ശുദ്ധവും നിഷ്കളവുമാണല്ലൊ. കുഞ്ഞുങ്ങളുടെ അതിരുകളില്ലാത്ത ലോകത്തിന്റെ ഊര്ജം നമുക്കും വലിയ ആനന്ദമാണല്ലൊ പ്രദാനം ചെയ്യുക. ഈ കുറുമ്പന്മാരും കുറുമ്പികളും പലപ്പോഴും മുതിര്ന്നവരെ അനുകരിക്കുമല്ലൊ.
അത് കാണാന് വല്ലാത്ത ചേലായിരിക്കും. അത്തരമൊരു അതിമനോഹരമായ കാഴ്ച അടുത്തിടെ സമൂഹ മാധ്യമങ്ങളില് പ്രത്യക്ഷപ്പെട്ടു. എക്സിലെത്തിയ വീഡിയോയില് ഒരു ചെറിയ പെണ്കുട്ടി തന്റെ ചെരിപ്പിനെ ഒരു കുഞ്ഞിനെപ്പോലെ കൈകാര്യം ചെയ്യുന്ന കാഴ്ചയാണുള്ളത്.
വീഡിയോയില് ഈ കുഞ്ഞ് ഒരു പള്ളിയിലാണ് ഇരിക്കുന്നത്. ഒട്ടനവധിപേര് ചുറ്റുമുണ്ട്. ഈ സമയം പെണ്കുട്ടി തന്റെ ചെരിപ്പ് ഉപയോഗിച്ച് കളിക്കുകയാണ്. അവള് ചെരിപ്പിനെ ഒരു കുഞ്ഞായി കണ്ട് തന്റെ തൂവാലകൊണ്ട് പുതപ്പിക്കുന്നു. പോരാഞ്ഞ് മൃദുവായി അതിനെ തട്ടിയുറക്കുന്നു.
പിന്നീട് ആ ചെരിപ്പിനെ ഇരുകൈയിലുമായി പിടിച്ച് മടയില് വയ്ക്കുന്നു. ശേഷം ചെരുപ്പിനെ പുതപ്പിക്കുന്നു. സമീപത്തായുള്ള ആരോ ഈ കുട്ടി അറിയാതെ പകര്ത്തിയ വീഡിയോ വൈറലായി മാറി.
കുഞ്ഞിന്റെ മധുരവും നിഷ്കളങ്കവുമായ പ്രവര്ത്തനങ്ങള് ഇന്റര്നെറ്റിലെമ്പാടുമുള്ള പ്രേക്ഷകരെ ആകര്ഷിച്ചു. നിരവധി കമന്റുകള് ദൃശ്യങ്ങള്ക്ക് ലഭിച്ചു. "ആവേശവും സന്തോഷവും തോന്നുന്നു' എന്നാണൊരാള് കുറിച്ചത്. "നിഷ്കളങ്ക സ്നേഹം;ഹൃദ്യമായ കാഴ്ച' എന്നാണ് മറ്റൊരാള് കുറിച്ചത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.