മഴ പെയ്യുന്നത് കാണാന്‍ വല്ലാത്ത ചേലാണല്ലൊ. മഴപ്പെയ്ത്ത് പ്രളയം ആകാതെ ഇരുന്നാല്‍ ആരും ഈ മണ്‍സൂണ്‍ കാലം ആസ്വദിക്കും. അന്നുമിന്നും ആനന്ദനൃത്തം ചവിട്ടിയാണ് മഴയുടെ വരവിനെ ആരാധകര്‍ സ്വീകരിക്കുന്നത്.
എക്‌സിലെത്തിയ ദൃശ്യങ്ങളില്‍ ഗുജറാത്തില്‍ നിന്നുള്ള കാഴ്ചയാണുളളത്. മഴ നിമിത്തം ഇവിടെ പലയിടത്തും വെള്ളം കയറിയിരിക്കുന്നു. വീഡിയോയില്‍ ഒരു വയോധികനും അദ്ദേഹത്തിന്‍റെ മകനും തങ്ങളുടെ പാടത്തായി നൃത്തം ചവിട്ടുന്നു.
പാടത്താകെ വെള്ളമാണ്. ദോത്തി ധരിച്ച് പിതാവും കറുത്ത ഫുള്‍സ്ലീവ് ടീഷര്‍ട്ടും ജോഗറും ധരിച്ച മകനും വളരെ സന്തോഷത്തോടെയാണ് നൃത്തം ചെയ്യുന്നത്. വൈറലായി മാറിയ ദൃശ്യങ്ങള്‍ക്ക് നിരവധി കമന്‍റുകള്‍ ലഭിച്ചു.
"രാജ്യത്തെ കര്‍ഷകരുടെ വലിയൊരു വിഭാഗം മണ്‍സൂണിനെയാണ് ആശ്രയിക്കുന്നത്; മഴ പെയ്താല്‍ അവരുടെ സന്തോഷവും ഇരട്ടിയാകും' എന്നാണൊരാള്‍ കുറിച്ചത്. "ഇവര്‍ ലഗാനില്‍ നിന്നുള്ള ഭുവന്‍റെ കുടുംബത്തില്‍ നിന്നുള്ളവരായിരിക്കണം' എന്നാണ് മറ്റൊരാള്‍ കുറിച്ചത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.