കുതിരപ്പട്ടാളക്കാരന്‍റെ അടുത്തുനിന്നു ഫോട്ടോയെടുക്കാൻ ശ്രമിച്ച യുവതിക്കു കുതിരയുടെ കടിയേറ്റു. ലണ്ടനിലെ ബക്കിംഗ്ഹാം കൊട്ടാരമുറ്റത്ത് കഴിഞ്ഞ ഞായറാഴ്ചയായിരുന്നു സംഭവം. ഇതിന്‍റെ വീഡിയോ സമൂഹമാധ്യമങ്ങളിൽ വൈറലായി.
യുവതിയുടെ കൈയിലാണു കുതിരയുടെ കടിയേറ്റത്. കടിയേറ്റ വേദനയിൽ നിലവിളിച്ചുകൊണ്ട് ഇവർ നിലത്തിരിക്കുന്നതും ഒപ്പമുള്ള പുരുഷൻ കൈ തിരുമിക്കൊടുക്കുന്നതും ദൃശ്യങ്ങളിൽ കാണാം.
വിനോദസഞ്ചാരികളുടെ പ്രധാന ആകർഷണമാണു ബക്കിംഗ്ഹാം കൊട്ടാരവളപ്പിലെ കുതിരപ്പുറത്തിരിക്കുന്ന കിംഗ്സ് ഗാർഡ്. ഇവരുടെ അടുത്തുനിന്ന് ആളുകൾ ഫോട്ടോയും വീഡിയോയും എടുക്കാറുണ്ട്.
എന്നാൽ, കുതിരകളുടെ തൊട്ടടുത്തുപോകുന്നതും അവയെ തൊടുന്നതും നിരോധിച്ചിട്ടുണ്ട്. എന്നാൽ, മിക്കവരും അതൊന്നും പാലിക്കാറില്ല. കുതിര കടിക്കുന്ന വീഡിയോ കണ്ടവരിലേറെയും അത്രയടുത്തുപോയത് എന്തിനെന്ന ചോദ്യമുയർത്തി യുവതിയെ വിമർശിക്കുകയാണു ചെയ്തത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.