കഴിഞ്ഞദിവസം നമ്മുടെ നാട്ടില് ജോലിക്കിടെ ജീവനക്കാര് റീല്സ് ചെയ്തത് വലിയ വാര്ത്തയായിരുന്നല്ലൊ. പലരും സസ്പെന്ഷന് ഉറപ്പെന്ന് കരുതിയെങ്കിലും മറിച്ചാണ് സംഭവിച്ചത്. മന്ത്രിയടക്കമുള്ളവര് ഞായറാഴ്ച ജോലി ചെയ്തതില് അഭിനന്ദിക്കുകയാണുണ്ടായത്.
എന്നാല് എല്ലായിടത്തും അങ്ങനെ സംഭവിക്കില്ല എന്ന് തെളിയിക്കുകയാണ് അടുത്തിടെ യുപിയില് ഉണ്ടായ ഒരു സംഭവം. ബഹ്റൈച്ചിലെ ഒരു സര്ക്കാര് വനിതാ ആശുപത്രിയിലെ നഴ്സുമാര് ഡ്യൂട്ടിക്കിടെ ഒരു കുട്ടിക്കുരങ്ങനുമായി കളിക്കുന്ന വീഡിയോ സമൂഹമാധ്യമങ്ങളില് എത്തിയിരുന്നു.
എക്സിലെത്തിയ ദൃശ്യങ്ങള് പ്രകാരം ചില നഴ്സുമാര് ഡ്യൂട്ടി റൂമിലെ കസേരകളില് ഇരുക്കുകയാണ്. ഈ സമയം ഒരു ചെറിയ കുരങ്ങന് മേശപ്പുറത്ത് ചാടിക്കളിക്കുന്നു. അവരോട് നല്ല രീതിയില് ഇണങ്ങിയ കുരങ്ങള് അവര് വിളിക്കുന്നയിടത്തേയ്ക്ക് എത്തുന്നുണ്ട്.
എന്നാല് ദൃശ്യങ്ങള് പ്രചരിച്ചതോടെ ആശുപത്രി അധികൃതര് വടിയെടുത്തു. നഴ്സുമാരെ മുഴുവന് പേരെയും മെഡിക്കല് കോളജ് പ്രിന്സിപ്പല് സഞ്ജയ് ഖത്രി സസ്പെന്ഡ് ചെയ്തു.ഡ്യൂട്ടി സമയത്ത് നഴ്സുമാര് കുരങ്ങിനെ ഉപയോഗിച്ച് റീലുണ്ടാക്കുകയും ജോലിയില് അശ്രദ്ധ കാണിക്കുകയും ചെയ്യുന്ന വീഡിയോ സമൂഹമാധ്യമങ്ങളില് വൈറലായത് ആശുപത്രിയുടെ പ്രതിച്ഛായയ്ക്ക് മങ്ങലേല്പ്പിച്ചെന്ന് പ്രിന്സിപ്പല് ഉത്തരവില് പറഞ്ഞു.
അഞ്ജലി, കിരണ് സിംഗ്, ആഞ്ചല് ശുക്ല, പ്രിയ റിച്ചാര്ഡ്, പൂനം പാണ്ഡെ, സന്ധ്യാ സിംഗ് എന്നിവരെയാണ് സസ്പെന്ഡ് ചെയ്തത്. എന്തായാലും വിഷയത്തില് നടപടി ഉണ്ടായത് ഗൗരവകരമായ സമീപനം എന്നാണ് ചിലര് അഭിപ്രായപ്പെടുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.