കൊ​ടും​വ​ന​ത്തി​ലൂ​ടെ ഊ​ന്നു​വ​ടി​യു​മാ​യി യാ​ത്ര: ഒ​രേ ഒ​രു വോ​ട്ട്; ഉ​ദ്യോ​ഗസ്ഥ​ർ താ​ണ്ടി​യ​ത് 18 കി​ലോ​മീ​റ്റ​ർ
Friday, April 19, 2024 12:29 AM IST
തൊ​ടു​പു​ഴ: കി​ട​പ്പു രോ​ഗി​യാ​യ വോ​ട്ട​റു​ടെ സ​മ്മ​തി​ദാ​ന അ​വ​കാ​ശം രേ​ഖ​പ്പെ​ടു​ത്തു​ന്ന​തി​നാ​യി തെ​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ​ർ പോ​ളിം​ഗ് ഉ​പ​ക​ര​ണ​ങ്ങ​ളു​മാ​യി കൊ​ടും​വ​ന​ത്തി​ലൂ​ടെ സ​ഞ്ച​രി​ച്ച​ത് 18 കി​ലോ​മീ​റ്റ​ർ.

കേ​ര​ള​ത്തി​ലെ ഏ​ക ഗോ​ത്ര​വ​ർ​ഗ പ​ഞ്ചാ​യ​ത്താ​യ ഇ​ട​മ​ല​ക്കു​ടി നൂ​റ​ടി​യി​ലെ 31-ാം ബൂ​ത്തി​ലെ 246-ാം ന​ന്പ​ർ വോ​ട്ട​റാ​യി​രു​ന്നു 92 കാ​ര​നാ​യ ശി​വ​ലിം​ഗം. ഇ​വ​ർ ബൂ​ത്ത് ലെ​വ​ൽ ഓ​ഫീ​സ​ർ വ​ഴി വോ​ട്ട് ചെ​യ്യു​ന്ന​തി​നാ​യി അ​പേ​ക്ഷ ന​ൽ​കി​യി​രു​ന്നു.

തു​ട​ർ​ന്ന് ജി​ല്ലാ ഇ​ല​ക്‌ഷ​ൻ വി​ഭാ​ഗം ഇ​ത് അം​ഗീ​ക​രി​ച്ച് വീ​ട്ടി​ലെ​ത്തി വോ​ട്ട് രേ​ഖ​പ്പെ​ടു​ത്താ​ൻ ഒ​ന്പ​തം​ഗ സം​ഘ​ത്തെ നി​യോ​ഗി​ക്കു​ക​യാ​യി​രു​ന്നു. ബു​ധ​നാ​ഴ്ച രാ​വി​ലെ ആ​റോ​ടെ മൂ​ന്നാ​റി​ൽനി​ന്നു പു​റ​പ്പെ​ട്ട ഉ​ദ്യോ​ഗ​സ്ഥ സം​ഘം ഇ​ര​വി​കു​ളം ദേ​ശീ​യ ഉ​ദ്യാ​നം വ​ഴി പെ​ട്ടി​മു​ടി​യി​ലെ​ത്തി​യ ശേ​ഷം ഓ​ഫ് റോ​ഡ് സൗ​ക​ര്യ​മു​ള്ള ജീ​പ്പു​ക​ളി​ൽ ഇ​ട​മ​ല​ക്കു​ടി​ക്കു സ​മീ​പം കേ​പ്പ​ക്കാ​ടെ​ത്തി.

അ​വി​ടെ​നി​ന്നു കാ​ൽ​ന​ട​യാ​യി സ​ഞ്ച​രി​ച്ചാ​ണ് ല​ക്ഷ്യ​സ്ഥാ​ന​ത്തെ​ത്തി​യ​ത്. ഉ​രു​ള​ൻ​ക​ല്ലു​ക​ൾ നി​റ​ഞ്ഞ വ​ഴി​ക​ളി​ലൂ​ടെ ഏ​റെ പ​ണി​പ്പെ​ട്ടാ​ണ് ഇ​വ​ർ കു​ടി​യി​ലെ​ത്തി​യ​ത്. കാ​ട്ടു​പോ​ത്തി​ന്‍റെ കാ​ൽ​പ്പാ​ടു​ക​ളും ആ​ന​പ്പി​ണ്ട​ങ്ങ​ളും വ​ഴി​നീ​ളെ ക​ണ്ടെ​ങ്കി​ലും വ​നം​വ​കു​പ്പ് വാ​ച്ച​ർ​മാ​ർ കൂ​ടെ​യു​ണ്ടാ​യി​രു​ന്ന​താ​ണ് ഇ​വ​ർ​ക്ക് ആ​ശ്വാ​സം പ​ക​ർ​ന്ന​ത്.

ചെ​ങ്കു​ത്താ​യ ക​യ​റ്റ​ങ്ങ​ളി​ൽ പ​ര​സ്പ​രം സ​ഹാ​യി​ച്ചും ചെ​രു​വു​ക​ളി​ൽ ഉൗ​ന്നു​വ​ടി​യു​ടെ​യും സ​ഹാ​യ​ത്തോ​ടെ അ​ഞ്ചു​മ​ണി​ക്കൂ​റോ​ളം യാ​ത്ര​ചെ​യ്തു​ള്ള യാ​ത്ര സം​ഘാം​ഗ​ങ്ങ​ൾ​ക്ക് മ​റ​ക്കാ​നാ​വാ​ത്ത അ​നു​ഭ​വ​മാ​യി. ഈ​റ്റ​ക്ക​ന്പു​ക​ളും മ​ണ്ണും ഉ​പ​യോ​ഗി​ച്ച് നി​ർ​മി​ച്ച വീ​ട്ടി​ൽ വോ​ട്ടിം​ഗ് ക​ന്പാ​ർ​ട്ട്മെ​ന്‍റ് ഒ​രു​ക്കി​യാ​ണ് സ​മ്മ​തിദാനാ​വ​കാ​ശം വി​നി​യോ​ഗി​ച്ച​ത്.

മൂ​ന്നാ​ർ എ​ൻ​ജി​നി​യ​റിം​ഗ് കോ​ളജി​ലെ അ​സി.​ പ്ര​ഫ. ജി​ഷ മെ​റി​ൻ ജോ​സ്, മൂ​ന്നാ​ർ വൊ​ക്കേ​ഷ​ണ​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ അ​ധ്യാ​പി​ക എം. ​ആ​ശ, മൂ​ന്നാ​ർ ഡി​വി​ഷ​ണ​ൽ ഫോ​റ​സ്റ്റ് ഓ​ഫീ​സി​ലെ ക്ല​ർ​ക്ക് എ.​വി. ഡെ​സി​മോ​ൾ,

ഇ​ട​മ​ല​ക്കു​ടി വി​ല്ലേ​ജ് ഓ​ഫീ​സ​ർ ശ്യാം ​ജി.​നാ​ഥ്, ബീ​റ്റ് ഫോ​റ​സ്റ്റ് ഓ​ഫീ​സ​ർ​മാ​രാ​യ കെ.​എ​സ്.​ അ​ഭി​ഷേ​ക, സി.​എ​ൽ. ഷി​ബി​ൻ​ദാ​സ്, സി​വി​ൽ പോ​ലീ​സ് ഓ​ഫീ​സ​ർ അ​നീ​ഷ് കു​മാ​ർ, ഫോ​റ​സ്റ്റ് വാ​ച്ച​ർ​മാ​രാ​യ കെ.​ രാ​മ​ൻ, ശി​വ​സേ​ന​ൻ, ബി​എ​ൽ​ഒ ജ​യ​കു​മാ​ർ എ​ന്നി​വ​രാ​യി​രു​ന്നു സം​ഘ​ത്തി​ലു​ണ്ടാ​യി​രു​ന്ന​ത്.

തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ നി​ർ​ദേ​ശ​പ്ര​കാ​രം ന​ട​പ​ടി​ക​ൾ ഡോ​ക്യു​മെ​ന്‍റ് ചെ​യ്യു​ന്ന​തി​നാ​യി പി​ആ​ർ​ഡി ടീ​മും ഒ​പ്പ​മു​ണ്ടാ​യി​രു​ന്നു. ​ഒ​രു വോ​ട്ടി​ന് തെര​ഞ്ഞെ​ടു​പ്പ് ക​മ്മീ​ഷ​ൻ ന​ൽ​കു​ന്ന പ്രാ​ധാ​ന്യ​മാ​ണ് ഇ​ട​മ​ല​ക്കു​ടി ദൗ​ത്യ​ത്തി​ലൂ​ടെ വെ​ളി​വാ​കു​ന്ന​തെ​ന്ന് ജി​ല്ലാ​ക​ള​ക്ട​ർ ഷീ​ബ ജോ​ർ​ജ് പ​റ​ഞ്ഞു.

ഗോ​ത്ര​വ​ർ​ഗ പ​ഞ്ചാ​യ​ത്താ​യ ഇ​ട​മ​ല​ക്കു​ടി​യി​ൽ നൂ​റ് ശ​ത​മാ​നം വോ​ട്ടും രേ​ഖ​പ്പെ​ടു​ത്താ​നു​ള്ള ശ്ര​മ​ത്തി​ലാ​ണ് ജി​ല്ലാ ഭ​ര​ണ​കൂ​ടം. അ​തോ​ടൊ​പ്പം ജി​ല്ല​യി​ലെ മു​ഴു​വ​ൻ വോ​ട്ട​ർ​മാ​രെ​യും പോ​ളിം​ഗ് ബൂ​ത്തി​ലെ​ത്തി​ക്കാ​ൻ ശ്ര​മി​ക്കു​മെ​ന്നും ക​ള​ക്ട​ർ പ​റ​ഞ്ഞു.

Copyright @ 2022 , Rashtra Deepika Ltd.