ലോ​ക​മെ​ന്പാ​ടു​മു​ള്ള വാ​യ​ന​ക്കാ​ർ ഏ​റെ ഇ​ഷ്ട​പ്പെ​ടു​ന്ന ഒ​രു കാ​ർ​ട്ടൂ​ൺ കോ​മി​ക് സ്ട്രി​പ്പാ​ണ് പീ​ന​ട്സ്. ചാ​ൾ​സ് എം. ​ഫു​ൾ​സ് (19222000) എ​ന്ന കാ​ർ​ട്ടൂ​ണി​സ്റ്റ് ആ​രം​ഭി​ച്ച ഈ ​ചി​ത്ര​ക​ഥ​യി​ലെ കേ​ന്ദ്ര​ക​ഥാ​പാ​ത്രം ചാ​ർ​ളി ബ്രൗ​ൺ ആ​ണ്. എ​ഴു​പ​തി​ലേ​റെ ക​ഥാ​പാ​ത്ര​ങ്ങ​ളു​ള്ള ഈ ​കാ​ർ​ട്ടൂ​ൺ പ​ര​ന്പ​ര​യി​ൽ ന​മ്മു​ടെ ശ്ര​ദ്ധ ഏ​റെ ആ​ക​ർ​ഷി​ക്കു​ന്ന മ​റ്റൊ​രു ക​ഥാ​പാ​ത്ര​മാ​ണ് ലൈ​ന​സ്.

ലൈ​ന​സി​ന്‍റെ പ്ര​ത്യേ​ക​ത ആ ​ബാ​ല​ൻ ജീ​വി​ത​ത്തെ ത​ത്വ​ചി​ന്താ​പ​ര​മാ​യി വീ​ക്ഷി​ക്കു​ന്നു എ​ന്ന​താ​ണ്. ലൈ​ന​സി​ന്‍റെ പ​ല ചി​ന്ത​ക​ളും ന​മ്മു​ടെ ജീ​വി​ത​ത്തി​നു പു​തി​യ ഉ​ൾ​ക്കാ​ഴ്ച ന​ൽ​കും. അ​ടു​ത്ത നാ​ളി​ൽ പ്ര​സി​ദ്ധീ​ക​രി​ക്ക​പ്പെ​ട്ട ഒ​രു ക​ഥ ഇ​ങ്ങ​നെ. ചാ​ർ​ളി ബ്രൗ​ണും ലൈ​ന​സും മാ​ത്ര​മേ കാ​ർ​ട്ടൂ​ണി​ൽ പ്ര​ത്യ​ക്ഷ​പ്പെ​ടു​ന്നു​ള്ളൂ. സം​സാ​രി​ക്കു​ന്ന​താ​ക​ട്ടെ ലൈ​ന​സ് മാ​ത്ര​വും.

ലൈ​ന​സ് ചാ​ർ​ളി ബ്രൗ​ണി​നോ​ടു പ​റ​യു​ന്നു: ജീ​വി​ത​ത്തി​ന്‍റെ ര​ഹ​സ്യം എ​ന്താ​ണെ​ന്ന് എ​നി​ക്കു മ​ന​സി​ലാ​യെ​ന്നു തോ​ന്നു​ന്നു. എ​നി​ക്കു തൊ​ണ്ട വേ​ദ​ന കാ​ര​ണം ഞാ​ൻ ഇ​ന്ന​ലെ ഒ​രു ഡോ​ക്ട​റെ കാ​ണാ​ൻ പോ​യി. അ​പ്പോ​ൾ ന​ഴ്സ് എ​ന്നെ ഒ​രു ചെ​റി​യ മു​റി​യി​ൽ ഇ​രു​ത്തി. ആ ​സ​മ​യ​ത്ത് അ​ടു​ത്ത മു​റി​യി​ൽ​നി​ന്ന് ഒ​രു കു​ട്ടി അ​ല​റി നി​ല​വി​ളി​ക്കു​ന്ന​ത് ഞാ​ൻ കേ​ട്ടു. ഡോ​ക്ട​ർ എ​ന്നെ കാ​ണാ​ൻ വ​ന്ന​പ്പോ​ൾ ഞാ​ൻ ഡോ​ക്ട​റോ​ടു പ​റ​ഞ്ഞു. ഞാ​ൻ മ​റ്റൊ​രു മു​റി​യി​ൽ അ​ല്ലാ​ത്ത​തി​ൽ എ​നി​ക്കു സ​ന്തോ​ഷ​മു​ണ്ടെ​ന്ന്.

അ​പ്പോ​ൾ ഡോ​ക്ട​ർ പ​റ​ഞ്ഞു, ആ ​കു​ട്ടി​ക്കു ടോ​ൺ​സി​ൽ​സ് മാ​റ്റാ​ൻ ഓ​പ്പ​റേ​ഷ​ൻ വേ​ണ​മെ​ന്ന്. അ​ല്പ​നി​മി​ഷ​ത്തെ മൗ​ന​ത്തി​നു ശേ​ഷം ലൈ​ന​സ് തു​ട​ർ​ന്നു: ""ജീ​വി​ത​ത്തി​ന്‍റെ ര​ഹ​സ്യം എ​ന്നു പ​റ​യു​ന്ന​ത് ശ​രി​യാ​യ മു​റി​യി​ൽ ആ​യി​രി​ക്കു​ക എ​ന്ന​താ​ണ്.'' ഇ​തു​കേ​ട്ട ചാ​ർ​ളി ബ്രൗ​ൺ അ​ദ്ഭു​തം കൂ​റി​യി​രി​ക്കു​ന്ന കാ​ഴ്ച​യോ​ടെ ആ ​കാ​ർ​ട്ടൂ​ൺ അ​വ​സാ​നി​ക്കു​ന്നു.

പ​റ​ഞ്ഞ​തി​ന്‍റെ അ​ർ​ഥം

എ​ന്താ​ണ് ലൈ​ന​സ് പ​റ​ഞ്ഞ​തി​ന്‍റെ അ​ർ​ഥം? നാം ​ആ​യി​രി​ക്കു​ന്ന ജീ​വി​ത സാ​ഹ​ച​ര്യം മ​റ്റു പ​ല​രെ​യും അ​പേ​ക്ഷി​ച്ച് ഏ​റെ മെ​ച്ച​മാ​ണെ​ന്ന​താ​ണ് യാ​ഥാ​ർ​ഥ്യം. എ​ന്നാ​ൽ, പ​ല​പ്പോ​ഴും അ​ക്കാ​ര്യം നാം ​മ​റ​ക്കു​ന്നു. പ​ക​രം, ന​മു​ക്കു​ള്ള പോ​രാ​യ്മ​ക​ളി​ലാ​ണ് ഏ​റെ സ​മ​യ​വും ന​മ്മു​ടെ ശ്ര​ദ്ധ. ഇ​തു​മൂ​ലം ന​മ്മു​ടെ ജീ​വി​തം കൂ​ടു​ത​ൽ ദുഃ​ഖ​പൂ​ർ​ണ​മാ​കു​ന്നു. എ​ന്നാ​ൽ, ലൈ​ന​സി​ന്‍റെ കാ​ര്യ​ത്തി​ൽ സം​ഭ​വി​ച്ച​ത് അ​ത​ല്ല. ത​നി​ക്കു തൊ​ണ്ട​വേ​ദ​ന ഉ​ണ്ടാ​യ​തി​നെ​ക്കു​റി​ച്ചു ലൈ​ന​സി​നു വി​ഷ​മ​മു​ണ്ട്. എ​ന്നാ​ൽ, അ​ടു​ത്ത മു​റി​യി​ലി​രി​ക്കു​ന്ന കു​ട്ടി​യു​ടെ ഗ​തി​കേ​ട് ത​നി​ക്ക് ഉ​ണ്ടാ​യി​ല്ല​ല്ലോ എ​ന്ന ആ​ശ്വാ​സ​വും അ​വ​നു​ണ്ട്.

ജീ​വി​ത​ത്തി​ന്‍റെ ര​ഹ​സ്യം എ​ന്നു ലൈ​ന​സ് പ​റ​യു​ന്പോ​ൾ ജീ​വി​ത​ത്തി​ലെ സ​ന്തോ​ഷ​ത്തി​ന്‍റെ ര​ഹ​സ്യ​മാ​ണ് അ​വ​ൻ വി​വ​രി​ക്കു​ന്ന​തെ​ന്നു നാം ​അ​നു​മാ​നി​ക്ക​ണം. മ​റ്റേ കു​ട്ടി​യു​ടെ ദു​ർ​ഗ​തി ത​നി​ക്കു​ണ്ടാ​യി​ല്ല​ല്ലോ എ​ന്ന​താ​ണ് അ​വ​ന്‍റെ സ​ന്തോ​ഷ​ത്തി​ന്‍റെ ഒ​രു കാ​ര​ണം. അ​താ​യ​ത് അ​വ​ന്‍റെ ചി​ന്താ​ഗ​തി​യു​ടെ പ്ര​ത്യേ​ക​ത​യാ​ണ് അ​വ​ന്‍റെ സ​ന്തോ​ഷ​ത്തി​ന്‍റെ കാ​ര​ണ​മെ​ന്നു വ്യ​ക്തം. ആ ​സ​ന്തോ​ഷ​മാ​ക​ട്ടെ, അ​വ​ന്‍റെ ചെ​റി​യ ദുഃ​ഖം വി​സ്മ​രി​ക്കാ​ൻ അ​വ​നെ സ​ഹാ​യി​ക്കു​ന്നു.

ആ​യി​രി​ക്കു​ന്ന മു​റി

നാം ​ആ​യി​രി​ക്കു​ന്ന മു​റി അ​താ​യ​ത് നാം ​ആ​യി​രി​ക്കു​ന്ന അ​വ​സ്ഥ എ​പ്പോ​ഴും ഏ​റ്റ​വും സ​ന്തോ​ഷ​ക​ര​മാ​യി​രി​ക്ക​ണ​മെ​ന്നി​ല്ല. സ​ന്തോ​ഷം ന​ൽ​കു​ന്ന അ​വ​സ്ഥ​യി​ലേ​ക്കു മാ​റാ​ൻ സാ​ധി​ച്ചാ​ൽ ന​ല്ല കാ​ര്യ​മാ​ണ്. എ​ന്നാ​ൽ, അ​തു നാം ​വി​ചാ​രി​ച്ചാ​ൽ മാ​ത്രം ന​ട​ക്കു​ന്ന കാ​ര്യ​മ​ല്ല. അ​തി​നു പ​ല ഘ​ട​ക​ങ്ങ​ൾ അ​നു​കൂ​ല​മാ​യി വ​ര​ണം. അ​ത് അ​ത്ര എ​ളു​പ്പ​വു​മ​ല്ല.