കേന്ദ്രം അംഗീകരിക്കുമോ?കാട്ടിലെ ആനകള് സംസ്ഥാനങ്ങളുടെ സ്വത്തല്ല, ദേശത്തിന്റെ പൊതുസ്വത്താണെന്ന സുപ്രീംകോടതി വിധിയുടെ അടിസ്ഥാനത്തില് കേന്ദ്ര പ്രോജക്ട് എലിഫന്റ് ഡിവിഷന് കേരളത്തിന്റെ 2024ലെ തട്ടിക്കൂട്ട് ആന സെന്സസിനെ എങ്ങനെ വിലയിരുത്തും എന്നതു കാണേണ്ടതാണ്.
അരിക്കൊമ്പന് വിഷയത്തില് സുപ്രീംകോടതി വരെ പൊതുതാത്പര്യ ഹര്ജികളുമായി പോയ ആനസംരക്ഷണ സംഘടനകളുടെ നിലപാടും അറിയേണ്ടതുണ്ട്. അതിനിടെ 2024ലെ ആന സര്വേയില് പങ്കെടുത്ത വനം-വന്യജീവി ഉദ്യോഗസ്ഥരുടെ വാട്സ് ആപ്പ് ഗ്രൂപ്പിലെ സന്ദേശങ്ങളും ചര്ച്ചകളും ഹിഡൻ അജൻഡ തുറന്നുകാട്ടുന്നതാണെന്നു കർഷക സംഘടനകൾ പറയുന്നു.
2024ലെ ആന കണക്കെടുപ്പില് 90 ശതമാനം പ്രദേശത്തും ആനകളെ നേരില്ക്കണ്ട കണക്കുകള് രേഖപ്പെടുത്തിയിട്ടില്ലെന്ന് ആന കണക്കെടുപ്പില് പങ്കെടുത്ത അംഗങ്ങളുടേതെന്ന പേരിൽ വാട്സാപ്പ് ഗ്രൂപ്പില് സന്ദേശങ്ങള് പ്രചരിച്ചിരുന്നു. കണക്കെടുപ്പില് ആന കുറഞ്ഞു എന്ന ഗിമ്മിക്കുമായി സര്ക്കാര് മുന്നോട്ടു പോയാല് ജനങ്ങളെ പരിഹസിക്കുന്നതിനു തുല്യമാകും.
പട്ടണങ്ങളിലെ ഫോറസ്റ്റ് ഓഫീസ്പട്ടണങ്ങളിലുള്ള മുഴുവന് വനം വന്യജീവി ഓഫീസുകളും വന്യജീവി ആക്രമണം ഏറെയുള്ള വനാതിര്ത്തികളിലേക്കു മാറ്റണം. സാമൂഹ്യ വനവത്കരണ വിഭാഗത്തിലെ ഉദ്യോഗസ്ഥരെ വന്യജീവി സംഘര്ഷം ഒഴിവാക്കാന് അവിടേക്കു നിയമിക്കണം. വനംവകുപ്പിലെ മൂന്നിലൊന്ന് ഫോഴ്സിനെയും വന്യജീവി സംഘര്ഷം നേരിടാനുള്ള ആര്ആര്ടി (റാപിഡ് റെസ്പോണ്സ് ടീം) യിലേക്കി മാറ്റി നിയമിക്കണം.
![](/feature/table2172024.jpg)
വിവരങ്ങൾ ലഭിച്ചിട്ടും വന്യജീവി ആക്രമണം തടയാൻ ഒന്നും ചെയ്യാത്ത ഉദ്യോഗസ്ഥർക്കെതിരേ കേസ് എടുക്കണം. അവരെ സര്വീസില്നിന്നു പിരിച്ചുവിടുകയും വേണം. എങ്കിലേ ഈ സംവിധാനം ഫലപ്രദമായി പ്രവർത്തിക്കൂ, ജനങ്ങൾക്കു സമാധാനത്തോടെ ജീവിക്കാൻ കഴിയൂ.
(അവസാനിച്ചു)
(ലേഖകൻ പാലാ സെന്റര് ഫോര് കണ്സ്യൂമര് എഡ്യൂക്കേഷന്, സേവ് വെസ്റ്റേണ് ഗാട്ട്സ് പീപ്പിള് ഫൗണ്ടേഷന് എന്നിവയുടെ ട്രസ്റ്റിയും കര്ഷക ഉച്ചകോടികളുടെ ഉപദേഷ്ടാവുമാണ്.)