കുടിശിക തീർക്കാൻ താത്പര്യമുള്ളവർക്കുപോലും തടസമാകാറുള്ള പിഴയും പലിശയുമാണ് പൂർണമായി ഒഴിവാക്കുന്നത്.
2. അടച്ച തുകയുടെ ആനുകൂല്യംനേരത്തേ അടച്ച തുകകൾ ഈ പദ്ധതിയുടെ ഭാഗമായി അടച്ചതായി കണക്കാക്കി ആനുകൂല്യം നല്‍കും. ഭാഗികമായി അടച്ച തുകകൾ, റിക്കവറിയിലൂടെ സർക്കാർ ഈടാക്കിയ തുക എന്നിവയുടെ കിഴിവ് ഈ പദ്ധതിയിൽ ലഭിക്കും. ഉദാഹരണത്തിന് അഞ്ചു ലക്ഷം കുടിശിക തീർപ്പാക്കാൻ പദ്ധതിപ്രകാരം ഒന്നര ലക്ഷം രൂപ അടയ്ക്കേണ്ട വ്യാപാരി നേരത്തേ ഒരു ലക്ഷം അടച്ചിട്ടുണ്ടെങ്കില്‍, ബാക്കി അൻപതിനായിരം അടച്ചാൽ മതിയാകും. പദ്ധതി പ്രകാരം അടയ്ക്കേണ്ടത് ഒന്നര ലക്ഷവും എന്നാൽ നേരത്തേതന്നെ അതില്‍ കൂടുതൽ തുക അടച്ചിട്ടുണ്ടെങ്കില്‍ പുതുതായി അടയ്ക്കാതെ കുടിശിക തീരും.
3. ഓരോ നോട്ടീസും ഓരോ കുടിശികഓരോ കുടിശികയെയും പ്രത്യേകം പ്രത്യേകമായി തീർപ്പാക്കാം. ഓരോ വ്യാപാരിക്കും ഒന്നിലധികം കുടിശികകൾ ഉണ്ടായേക്കാം. മുൻ നികുതിനിയമങ്ങളിൽ ഓരോ വർഷവും അസസ്മെന്‍റ് നടക്കുമ്പോൾ അതൊരു പുതിയ കുടിശിക ആകാനുള്ള സാധ്യത ഉണ്ടായിരുന്നു. ഒന്നിച്ചു തീർക്കാൻ സാധിക്കണമെന്നില്ല. പുതിയ പദ്ധതിയിൽ ഓരോ ഓർഡറിനെയും ഓരോ കുടിശികയായാണ് കണക്കാക്കുന്നത്. ഇതിനാൽ താത്പര്യമുള്ള കുടിശികകൾ ആദ്യമടയ്ക്കാം.
4. കെട്ടിവച്ച തുകയുടെ ആനുകൂല്യംനിലവിൽ നികുതിനിയമങ്ങള്‍ക്കു കീഴിൽ ഒരു വ്യവഹാരം നടത്താൻ നികുതിക്കുടിശികയുടെ ഇരുപതു ശതമാനംവരെ കെട്ടിവയ്ക്കണം. ആംനസ്റ്റി 2024ൽ ചേരാൻ താല്‍പര്യപ്പെടുന്ന വ്യാപാരികൾക്ക് ഇങ്ങനെ കെട്ടിവച്ച തുക ഈ പദ്ധതിയുടെ ഭാഗമായി നല്‍കാൻ സാധിക്കും.
ഉദാഹരണത്തിന് രണ്ടാം സ്ലാബിൽ 30 ശതമാനം തുക പദ്ധതി പ്രകാരം അടയ്ക്കേണ്ട വ്യാപാരിക്കു നിലവിൽ കോടതിയിൽ കെട്ടിവച്ചിരിക്കുന്ന 20 ശതമാനം തുക കിഴിച്ചു കേവലം 10 ശതമാനം അടച്ചാൽ ആംനസ്റ്റി 2024 പദ്ധതി അനുസരിച്ചു കുടിശിക തീർപ്പാക്കാം.
വേഗം ചേർന്നാൽ ആനുകൂല്യംആംനസ്റ്റി 2024 പദ്ധതിയിൽ ആദ്യ സമയത്തു ചേരുന്നവർക്കാണ് മേൽപ്പറഞ്ഞ സ്ലാബുകളിലെ നിരക്കുകൾ ബാധകമാവുക. ഈ പദ്ധതിയിൽ ചേരാൻ വൈകും തോറും ആനുകൂല്യം കുറയും. അതായത് ഈ മാസം പദ്ധതിയിൽ ചേർന്നാൽ അടയ്ക്കേണ്ടി വരുന്നതിനേക്കാൾ കൂടുതൽ തുക ഒടുക്കിയാലേ പിന്നീട് കുടിശിക തീർപ്പാക്കാൻ സാധിക്കൂ.
പദ്ധതിയുടെ നടത്തിപ്പ്ജിഎസ്ടി വകുപ്പിന്‍റെ പുനഃസംഘടനയുടെ ഭാഗമായി 2023ൽ ഓരോ ജില്ലയിലും കുടിശിക ഈടാക്കൽ വേഗത്തിലാക്കാൻ പ്രത്യേക ഉദ്യോഗസ്ഥ സംവിധാനം സൃഷ്ടിച്ചിരുന്നു. ഈ അരിയർ റിക്കവറി സംവിധാനം ആയിരിക്കും പദ്ധതിയിലെ തീർപ്പ് കല്പിക്കുന്ന പ്രാഥമിക അഥോറിറ്റി. പദ്ധതിപ്രകാരം അടയ്ക്കേണ്ട തുക ഒടുക്കിയതിന്‍റെ ചെല്ലാൻ സഹിതം ഓൺലൈൻ അപേക്ഷ നല്‍കി പദ്ധതിയിൽ ചേരാം. അപേക്ഷ ജില്ലാ തല അഥോറിറ്റി പരിശോധിച്ച് ആംനസ്റ്റി സർട്ടിഫിക്കറ്റ് നല്‍കും. അടച്ച തുക കുറഞ്ഞുപോയാൽ അധികമായി അടയ്ക്കേണ്ട തുക എത്രയാണെന്നുള്ളതും ജില്ലാ തല അഥോറിറ്റി അറിയിക്കും. ഏതെങ്കിലും വിവരങ്ങൾ വ്യാപാരിയുടെ പക്കൽ ഇല്ലെങ്കില്‍ ജില്ലാ അഥോറിറ്റിയെ സമീപിച്ചാൽ സഹായിക്കും.
ജിഎസ്ടിയിലും സമാന പദ്ധതിജിഎസ്ടി കൗൺസിലും വ്യാപാരമേഖലയ്ക്ക് ഊർജം പകരുന്ന ചില തീരുമാനങ്ങൾ കൈക്കൊണ്ടിട്ടുണ്ട്. 53-ാമത്‌ ജിഎസ്ടി കൗൺസിൽ യോഗത്തിന്‍റെ രണ്ടു പ്രധാന തീരുമാനങ്ങൾ കേരളത്തിലെ വ്യാപാരികൾക്കും ആശ്വാസമാകും. ആദ്യത്തേത് 2021 നവംബര്‍ 30നുമുമ്പായി എടുത്ത 2020-21 സാമ്പത്തികവർഷം വരെയുള്ള മുഴുവന്‍ ഇൻപുട്ട് ടാക്സ് ക്രെഡിറ്റും നിലവിലെ നിയമപ്രകാരമുള്ള സമയപരിധി നോക്കാതെ അനുവദിച്ചുനൽകും.
രണ്ടാമത്തേത് 2019-20 സാമ്പത്തികവർഷം വരെയുള്ള സെക്‌ഷൻ 73 നോട്ടീസുകൾ (മനപ്പൂർവമായ നികുതി വെട്ടിപ്പ് ഇല്ലാത്ത നോട്ടീസുകൾ) തീർപ്പാക്കാൻ അവയുടെ പിഴയും പലിശയും ഒഴിവാക്കി നല്‍കിയിട്ടുണ്ട്.