തുടര്‍ന്ന് മാവേലിക്കര ടിടിഐ, ബോയ്സ് ഹൈസ്‌കൂളിലെ വിദ്യാഭ്യാസത്തിനുശേഷം അദ്ദേഹം തിരുവനന്തപുരം മെഡിക്കല്‍ കോളജിലേക്ക് എംബിബിഎസ് പഠനത്തിനായി പോകുകയായിരുന്നു.
മാര്‍ത്താണ്ഡവര്‍മയുടെ മരണശേഷം, അമ്മ ജാനകിക്കൊപ്പമായിരുന്നു തിരുവനന്തപുരത്തെ അദ്ദേഹത്തിന്‍റെ പഠനകാല ജീവിതം. പിന്നീട് സമയം ലഭിക്കുമ്പോഴൊക്കെ മാവേലിക്കരയില്‍ എത്താന്‍ ശ്രദ്ധാലുവായിരുന്നു വല്യത്താന്‍. മാവേലിക്കരയിലെ മെട്രിക്കുലേഷന്‍ വരെയുള്ള വിദ്യാഭ്യാസകാലത്തുതന്നെ വലിയൊരു സുഹൃദ് വലയം അദ്ദേഹത്തിനുണ്ടായിരുന്നു.
സ്വന്തമായി വന്നെത്താവുന്ന കാലത്തൊക്കെയും ഈ സുഹൃത്തുക്കളുമായി അദ്ദേഹം ബന്ധം പുലര്‍ത്തിയിരുന്നു. മാവേലിക്കരയില്‍ ചെലവഴിച്ച ബാല്യകാലമാണ് ആരോഗ്യരംഗത്തേക്ക് ചുവടുവയ്ക്കാനുള്ള പ്രേരണയായതെന്ന് അദ്ദേഹം പലപ്പോഴും പറഞ്ഞിട്ടുണ്ട്. പിന്നീട് ലോകപ്രശസ്ത ഹൃദ്രാഗ വിദഗ്ധനായപ്പോഴും അദ്ദേഹം ജന്മനാടായ മാവേലിക്കരയെ ഹൃദയത്തോടു ചേർത്തുവച്ചു.