ഭാരതമാതൃകഒരു രാജ്യത്തിന്‍റെ വികസനം അളക്കുന്നത് കേവലം സാമ്പത്തിക ഘടകങ്ങളെ മാത്രം ആശ്രയിച്ചല്ല; മറിച്ച്, ആ രാജ്യത്തെ ഹ്യൂമൻ ഡെവലപ്മെന്‍റ് ഇൻഡക്സ് അഥവാ മനുഷ്യവികസന സൂചികകൂടി അടിസ്ഥാനപ്പെടുത്തിയാണ്. ഒരു രാജ്യത്തെ ജനസംഖ്യയുടെ എണ്ണവും സാക്ഷരതാനിരക്കും തമ്മിലുള്ള ബന്ധം അടിസ്ഥാനമാക്കി ഒരു രാജ്യത്തെ ജനസംഖ്യയെ ഒന്നുകിൽ ഒരു ആസ്തിയോ ബാധ്യതയോ ആയി കണക്കാക്കാം. വികസ്വരരാഷ്‌ട്രമായ ഭാരതം മൂലധനശേഷി കൂട്ടിയത് തങ്ങളുടെ മനുഷ്യവിഭവശേഷി സാർവത്രികതലങ്ങളിലേക്ക് തൊഴിൽ ആഭിമുഖ്യത്തോടെ വിതരണം ചെയ്തുകൊണ്ടാണ്. അതോടൊപ്പംതന്നെ നമ്മുടെ പ്രകൃതിവിഭവങ്ങളുടെ പൂർണമായ ഉപയോഗവും സാമൂഹ്യസുരക്ഷാ സംവിധാനങ്ങളും ഇനിയും മെച്ചപ്പെടേണ്ട മേഖലകളാണ്.
ചൈനയുടെയും ഭാരതത്തിന്‍റെയും വലിയ ജനസംഖ്യയിലെ ഭൂരിഭാഗവും ഒരു വലിയ ആസ്തിയാണ്. കാരണം, അവർക്കു ലോകത്തിലെ ഏറ്റവും വലിയ ഉപഭോക്താവാകാൻ കഴിയുന്നു. ചൈന ഇപ്പോൾ വിദ്യാഭ്യാസം നേടുകയും മിക്ക മേഖലകളിലും സ്വന്തം ബിസിനസ് പരിഗണിക്കുകയും ചെയ്യുന്നു. എന്നിരുന്നാലും, സാമ്പത്തിക അസമത്വവും ദാരിദ്ര്യരേഖയ്ക്കു കീഴിലുള്ള ആളുകളും ഒരു ബാധ്യതയായി നിലനിൽക്കുന്നു.
സ്ത്രൈണഭാവങ്ങൾഈ വർഷത്തെ ലോക ജനസംഖ്യാദിന പ്രമേയം സ്ത്രീകളും പെൺകുട്ടികളും എന്താണ് ആഗ്രഹിക്കുന്നത് എന്നതാണ്. കാരണം അവർ ആഗോളജനസംഖ്യയുടെ 49.7 ശതമാനം വരും. എന്നിട്ടും ജനസംഖ്യാ ശാസ്ത്രത്തെക്കുറിച്ചുള്ള ചർച്ചകളിൽ സ്ത്രീകളും പെൺകുട്ടികളും പലപ്പോഴും അവഗണിക്കപ്പെടുന്നു. നയരൂപീകരണകർത്താക്കൾ, താഴേത്തട്ടിലുള്ള സംഘാടകർ, സ്ഥാപനങ്ങൾ എന്നിവരോട് ഈ ദിനാചരണം അതു പരിഹരിക്കാൻ ആവശ്യപ്പെടുന്നു. ഇതു സാക്ഷാത്കരിക്കുന്നത് ലിംഗസമത്വത്തിന്‍റെയും അന്തസിന്‍റെയും അവസരത്തിന്‍റെയും അടിത്തറയാണ്.