ചി​ല കേ​സു​ക​ൾ ഇ​പ്പോ​ൾ ഹൈ​ക്കോ​ട​തി​യു​ടെ പ​രി​ഗ​ണ​ന​യി​ൽ വ​ന്നി​ട്ടു​ണ്ട്. നി​യ​മ​വി​രു​ദ്ധ​മാ​യ ച​ന്ദ്ര​ശേ​ഖ​ര​ൻ നാ​യ​ർ റി​പ്പോ​ർ​ട്ട് ഹാ​ജ​രാ​ക്കാ​ൻ കോ​ട​തി ഉ​ത്ത​ര​വി​ട്ടി​ട്ട് 21-ാംവ​ർ​ഷ​മാ​ണ് സ​ർ​ക്കാ​ർ അതു ഹാ​ജ​രാ​ക്കി​യ​ത്. ഇ​തി​നു പി​ന്നി​ൽ ഗൂ​ഢാ​ലോ​ച​ന​യോ കു​റ്റ​ക​ര​മാ​യ അ​നാ​സ്ഥ​യോ ഇ​ല്ലേ? ഇപ്പോ​ൾ സ​ർ​ക്കാ​രിന്‍റെ അ​വ​കാ​ശ​വാ​ദം ഈ ​ഭൂ​മി നേ​ര​ത്തെത​ന്നെ റി​സ​ർ​വ് വ​നമായി​രു​ന്നു എ​ന്നാ​ണ്.

നഷ്ടപരിഹാരമെവിടെ?

മ​തി​കെ​ട്ടാ​നി​ലെ ക്രൂ​ര​മാ​യ കു​ടി​യി​റ​ക്ക് ഭ​ര​ണ​കൂ​ട ഭീ​ക​ര​ത​യു​ടെ പൈ​ശാ​ചി​ക മു​ഖം, ജ​ന​ങ്ങ​ളെ അ​നാ​ഥ​രും അ​ത്താ​ഴ പ​ട്ടി​ണി​ക്കാ​രു​മാ​ക്കി മാറ്റിയതിന്‍റെ മ​കു​ടോ​ദാ​ഹ​ര​ണ​മാ​ണ്. ഉ​ടു​മ്പ​ൻ​ചോ​ല താ​ലൂ​ക്കി​ൽ തോ​ണ്ടി​മ​ല താ​വ​ളം അ​ട​ക്കം നി​ര​വ​ധി പ്ര​ദേ​ശ​ങ്ങ​ൾ 1822ൽ ​രാ​ജ​കീ​യ വി​ളം​ബ​ര​ത്തി​ലൂ​ടെ ഏ​ല​മ​ല​ക്കാ​ടാ​യി റി​സ​ർ​വ് ചെ​യ്തി​രി​ക്കു​ന്നു. കാ​ർ​ഡ​മം റി​സ​ർ​വി​ലെ, റി​സ​ർ​വ് എ​ടു​ത്തു​കൊ​ണ്ട് ഇ​ത് റി​സ​ർ​വ് വ​നം ആ​കു​മെ​ന്നാ​ണ് വ​നം വ​കു​പ്പി​ന്‍റെ വാ​ദം. എ​ന്നാ​ൽ, കേ​ര​ള​ത്തി​ൽ റി​സ​ർ​വ് വ​നം പ്ര​ഖ്യാ​പി​ച്ചു​ള്ള അ​റി​യി​പ്പു വ​ന്ന​ത് 1897ലാ​ണ്. 2023ലെ ​വ​നസം​ര​ക്ഷ​ണ ഭേ​ദ​ഗ​തി നി​യ​മ​പ്ര​കാ​രം 1996ന് ​മു​മ്പ് വ​നേ​ത​ര​മാ​യി പ്ര​ഖ്യാ​പി​ച്ചി​ട്ടു​ള്ള സ്ഥ​ല​ങ്ങ​ൾ മു​ഴു​വ​ൻ റി​സ​ർ​വ് വ​ന​ത്തി​ന്‍റെ പ​രി​ധി​യി​ൽ​പ്പെ​ടി​ല്ല.

ഇ​പ്പോ​ൾ ഈ ​പ്ര​ദേ​ശം വ​ന്യ​ജീ​വി ഉ​ദ്യാ​ന​മാണ്. വ​ന്യ​ജീ​വി ഉ​ദ്യാ​ന​മാ​യി പ്ര​ഖ്യാ​പി​ക്കു​മ്പോ​ൾ നി​യ​മ​മ​നു​സ​രി​ച്ച് അ​വി​ടെ വി​യ​ർ​പ്പ് ചി​ന്തി​യ ക​ർ​ഷ​ക​ർ​ക്കു ന്യാ​യ​മാ​യ ന​ഷ്ട​പ​രി​ഹാ​രം ന​ൽ​കേ​ണ്ട​തി​ല്ലേ?

നേ​ര​ത്തേത​ന്നെ റി​സ​ർ​വ് വ​ന​മാ​ണെ​ന്ന സ​ർ​ക്കാ​രി​ന്‍റെ വാ​ദം ശ​രി​യാ​ണെ​ങ്കി​ൽ1977 ജനുവരി ഒന്നിന്നു ​മു​മ്പ് അ​വി​ടെ കു​ടി​യേ​റി കൃ​ഷി ന​ട​ത്തി​യി​രു​ന്ന ക​ർ​ഷ​ക​ർ​ക്കു ന്യാ​യ​മാ​യ ന​ഷ്ട​പ​രി​ഹാ​ര​ത്തി​ന് അ​വ​കാ​ശ​മി​ല്ലേ? കാ​ർ​ബ​ൺ പു​റം​ത​ള്ളു​ന്ന​ത് കു​റ​യ്ക്കാ​നു​ള്ള ന​ട​പ​ടി​ക​ളു​ടെ ഭാ​ഗ​മാ​യി വ​ന​വത്ക​ര​ണം ന​ട​ത്തി​യാ​ൽ അ​വി​ടെ കൃ​ഷി​ചെ​യ്ത ക​ർ​ഷ​ക​ന്‍റെ ക​ഷ്ട​പ്പാ​ടി​നു പ​ക​രം​വ​യ്ക്കാ​ൻ ത​ത്തു​ല്യ​മാ​യ സ്ഥ​ലം വി​ട്ടു​കൊ​ടു​ക്കേണ്ടേ? പ​രി​സ്ഥി​തി​ലോ​ല പ്ര​ദേ​ശ​മാ​യി പ്ര​ഖ്യാ​പി​ച്ച സ്ഥ​ല​ങ്ങ​ളി​ൽ കൃ​ഷി​ചെ​യ്തി​രു​ന്ന​വ​ർ​ക്കും സ്ഥ​ലമുട​മ​ക​ൾ​ക്കും മതിയായ ന​ഷ്ട​പ​രി​ഹാ​രം ന​ൽ​കാ​ൻ സ​ർ​ക്കാ​രി​നു ബാ​ധ്യ​ത​യു​ണ്ട്. മ​തി​കെ​ട്ടാ​നെ​ന്ന പേ​രി​ൽ ഉ​ടു​മ്പ​ൻ​ചോ​ല താ​ലൂ​ക്കി​ൽനി​ന്നു കു​ടി​യി​റ​ക്ക​പ്പെ​ട്ട ക​ർ​ഷ​ക​ർ​ക്കു നീ​തി ല​ഭി​ക്കാ​ൻ ഈ ​വൈ​കി​യ വേ​ള​യി​ലെ​ങ്കി​ലും കേരളത്തിലെ മനുഷ്യസ്നേഹികൾ കൈകോർക്കണം.

(ന്യൂ​ന​പ​ക്ഷ മോ​ർ​ച്ച ദേ​ശീ​യ ഉ​പാധ്യ​ക്ഷനാണ് ലേഖകൻ)