175 റണ്സ് വിജയലക്ഷ്യവുമായി ക്രീസിലെത്തിയ മുംബൈയുടെ ആദ്യ വിക്കറ്റ് ആദ്യ ഓവറിൽത്തന്നെ വീണു. ആദ്യ മൂന്ന് പന്തിൽ സിക്സും ഫോറും ഡബിളും ഉൾപ്പെടെ 12 റണ്സ് നേടിയ സൂര്യകുമാർ യാദവ് നാലാം പന്തിൽ പുറത്ത്. എവിൻ ലെവിസ് (31 പന്തിൽ 48 റണ്സ്) മികവ് പുറത്തെടുത്തപ്പോൾ ഇഷാൻ കിഷൻ (അഞ്ച് റണ്സ്), കിറോണ് പൊളാർഡ് (ഏഴ് റണ്സ്), രോഹിത് ശർമ (13 റണ്സ്), കൃനാൽ പാണ്ഡ്യ (നാല് റണ്സ്) എന്നിവർ വേഗത്തിൽ മടങ്ങി. ഹാർദിക് പാണ്ഡ്യയും (17 പന്തിൽ 27 റണ്സ്), അവസാന ഓവറുകളിൽ ബെൻ കട്ടിംഗും (20 പന്തിൽ 37 റണ്സ്) മുംബൈക്ക് പ്രതീക്ഷ നല്കിയെങ്കിലും തോൽവി ഒഴിവാക്കാൻ സാധിച്ചില്ല.