ദഹനം, ചര്‍മം, മുടി ദഹനത്തെ പരിപോഷിപ്പിക്കുന്നതിനൊപ്പം ചര്‍മ, മുടി എന്നിവയുടെ ആരോഗ്യത്തിനും ഷമാം വിത്തുകള്‍ ഉപകാരപ്രദമാണ്. ഈ വിത്തുകളില്‍ ഡയറ്ററി ഫൈബര്‍ അടങ്ങിയിട്ടുണ്ട്.
ഇത് ദഹനം സുഗമമാക്കാനും മലബന്ധം തടയാനും സഹായിക്കും. ആരോഗ്യകരമായ കുടല്‍ നിലനിര്‍ത്താന്‍ ഷമാം വിത്തുകള്‍ക്കു സാധിക്കുമെന്നാണ് വിദഗ്ധര്‍ ചൂണ്ടികാണിക്കുന്നത്.
അതുപോലെ ചര്‍മ്മത്തിന്‍റെയും മുടിയുടെയും ആരോഗ്യം മെച്ചപ്പെടുത്താനും ഇത് സഹായകമാണ്. വിറ്റാമിന്‍ എ, സി, ഇ എന്നിവയാല്‍ സമ്പന്നമാണ് ഷമാം വിത്തുകള്‍. ഈ പോഷകങ്ങള്‍ കൊളാജന്‍ ഉത്പാദനത്തെ പ്രോത്സാഹിപ്പിക്കും.
എല്ലുകള്‍ക്ക് ശക്തി എല്ലുകളുടെ ആരോഗ്യത്തിനും ഷമാം വിത്തിനു സാധിക്കും. ഇതിലെ മഗ്‌നീഷ്യം, കാല്‍സ്യം, ഫോസ്ഫറസ് എന്നിവ അസ്ഥികളുടെയും സന്ധികളുടെയും ആരോഗ്യം മെച്ചപ്പെടുത്താന്‍ സഹായിക്കുന്നു.
ഓസ്റ്റിയോപൊറോസിസ് പോലുള്ള അസ്ഥിരോഗങ്ങളുടെ സാധ്യത കുറയ്ക്കാനും ഷമാം വിത്തുകള്‍ക്കു സാധിക്കും. ഷമാം വിത്തുകള്‍ ഇത്തരം ഗുണങ്ങള്‍ പ്രദാനം ചെയ്യുന്നുണ്ടെങ്കിലും കൃത്യമായി ഡോക്ടറെ കാണുകയും പരിശോധനകള്‍ യഥാവിധം നടത്തുകയുമാണ് ആരോഗ്യപരമായി തുടരാനുള്ള സുപ്രധാന മാര്‍ഗം.