പ്രമേഹം ഭേദമാക്കാനാവില്ല; നിയന്ത്രിച്ചു നിർത്താം
ലോ​കാ​രോ​ഗ്യ സം​ഘ​ട​ന​യു​ടെ ക​ണ​ക്കു​ക​ൾ പ്ര​കാ​രം ലോ​ക​ത്ത് 422 മി​ല്യ​ൺ ആ​ളു​ക​ൾ പ്ര​മേ​ഹ​ബാ​ധി​ത​രാ​ണ്. ​ഓ​രോ എ​ട്ടു സെ​ക്ക​ൻ​ഡി​ലും പ്ര​മേ​ഹം കാ​ര​ണം ഒ​രാ​ൾ മ​ര​ണ​മ​ട​യു​ന്നു.​ ര​ക്ത​ത്തി​ൽ ഗ്ലൂ​ക്കോ​സി​ന്‍റെ അ​ള​വ് കൂ​ടി​യ അ​വ​സ്ഥ​യാ​ണ് പ്ര​മേ​ഹം എ​ന്ന പേ​രി​ൽ അ​റി​യ​പ്പെ​ടു​ന്ന​ത്.​ശ​രീ​ര പ്ര​വ​ർ​ത്ത​ന​ത്തി​ന് ആ​വ​ശ്യ​മാ​യ ഊ​ർ​ജം ല​ഭി​ക്കു​ന്ന​ത് നാം ​നി​ത്യേ​ന ക​ഴി​ക്കു​ന്ന ഭ​ക്ഷ​ണ​ത്തി​ലെ അ​ന്ന​ജ​ത്തി​ൽ നി​ന്നാ​ണ്. ഭ​ക്ഷ​ണം ദ​ഹി​ക്കു​ന്ന​തോ​ടെ അ​ന്ന​ജം ഗ്ലൂ​ക്കോ​സാ​യി മാ​റി ര​ക്ത​ത്തി​ൽ ക​ല​രു​ന്നു. ​

ഈ ഗ്ലൂ​ക്കോ​സി​നെ ശ​രീ​ര​ക​ല​ക​ളു​ടെ പ്ര​വ​ർ​ത്ത​ന​ത്തി​നു​പ​യു​ക്ത​മാ​യ വി​ധ​ത്തി​ൽ ക​ല​ക​ളി​ലേ​ക്ക് എ​ത്തി​ക്ക​ണ​മെ​ങ്കി​ൽ ഇ​ൻ​സു​ലി​ൻ എ​ന്ന ഹോ​ർ​മോ​ണി​ന്‍റെ സ​ഹാ​യം ആ​വ​ശ്യ​മാ​ണ്. ​ഇ​ൻ​സു​ലി​ൻ അ​ള​വി​ലോ ഗു​ണ​ത്തി​ലോ കു​റ​വാ​യാ​ൽ ശ​രീ​ര​ക​ല​ക​ളി​ലേ​ക്കു​ള്ള ഗ്ലൂ​ക്കോ​സി​ന്‍റെ ആ​ഗി​ര​ണം കു​റ​യു​ന്നു.​ ഇ​ത്‌ ര​ക്ത​ത്തി​ൽ ഗ്ലൂ​ക്കോ​സി​ന്‍റെ അ​ള​വുകൂ​ടാ​ൻ കാ​ര​ണ​മാ​കു​ന്നു.​ ര​ക്ത​ത്തി​ൽ ഗ്ലൂ​ക്കോ​സി​ന്‍റെ അ​ള​വ് ഒ​രു പ​രി​ധി​യി​ൽ കൂ​ടി​യാ​ൽ മൂ​ത്ര​ത്തി​ൽ ഗ്ലൂ​ക്കോ​സ് ക​ണ്ടു​തു​ട​ങ്ങും.​ ഈ രോ​ഗാ​വ​സ്‌​ഥ​യാ​ണ് പ്ര​മേ​ഹം.

കാരണങ്ങൾ, ലക്ഷണങ്ങൾ

പാ​ര​മ്പ​ര്യ ഘ​ട​ക​ങ്ങ​ൾ, പൊ​ണ്ണ​ത്ത​ടി, ര​ക്ത​ക്കു​ഴ​ലു​ക​ളി​ലെ പ്ര​ശ്ന​ങ്ങ​ൾ, മാ​ന​സി​ക പി​രി​മു​റു​ക്കം, വൈ​റ​സ് മൂ​ല​മു​ള്ള അ​ണു​ബാ​ധ,ആ​രോ​ഗ്യ​ക​ര​മ​ല്ല​ത്ത ഭ​ക്ഷ​ണ​ശീ​ലം എ​ന്നി​വ പ്ര​മേ​ഹ​ത്തി​നു കാ​ര​ണ​മാ​കാം.​ അ​മി​ത വി​ശ​പ്പ്, അ​മി​ത ദാ​ഹം, ഇ​ട​യ്ക്കി​ടെ​യു​ള്ള മൂ​ത്ര​പ്പോ​ക്ക്, വി​ള​ർ​ച്ച, ക്ഷീ​ണം, ശ​രീ​ര​ഭാ​രം കു​റ​യ​ൽ, കാ​ഴ്‌​ച മ​ങ്ങ​ൽ, മു​റി​വു​ണ​ങ്ങാ​ൻ സ​മ​യ​മെ​ടു​ക്ക​ൽ എ​ന്നി​വ പ്ര​മേ​ഹ​ത്തി​ന്‍റെ ല​ക്ഷ​ണ​ങ്ങ​ളാ​ണ്.

നിയന്ത്രണം എങ്ങനെ‍?

പ്ര​മേ​ഹം ചി​കി​ത്സി​ച്ച് ഭേ​ദ​മാ​ക്കാ​ൻ ക​ഴി​യി​ല്ല.​ രോ​ഗം നി​യ​ന്ത്രി​ച്ചു നി​ർ​ത്താ​നേ ക​ഴി​യൂ.​ രോ​ഗ​ല​ക്ഷ​ണ​ങ്ങ​ൾ ക​ണ്ടാ​ൽ കൃ​ത്യ​സ​മ​യ​ത്ത് ശ​രി​യാ​യ ചി​കി​ത്സ തേ​ടു​ക.​ മ​രു​ന്നി​നോ​ടോ​പ്പം ആ​ഹാ​ര​ത്തി​നും ഏ​റെ പ്രാ​ധാ​ന്യ​മു​ണ്ട്.​ ര​ക്ത​ത്തി​ൽ പ​ഞ്ച​സാ​ര​യു​ടെ അ​ള​വ് പെ​ട്ടെ​ന്ന് കൂ​ടാ​ത്ത രീ​തി​യി​ലു​ള്ള ഭ​ക്ഷ​ണ രീ​തി​യാ​ണ് ഒ​രു പ്ര​മേ​ഹ​രോ​ഗി പി​ന്തു​ട​രേ​ണ്ട​ത്.​ ഇ​ല​ക്ക​റി​ക​ൾ, സാ​ല​ഡു​ക​ൾ, കൊ​ഴു​പ്പു നീ​ക്കി​യ​തും വെ​ള്ളം ചേ​ർ​ത്ത​തു​മാ​യ പാ​ൽ, മോ​ര്, സു​ഗ​ന്ധ​വ്യ​ഞ്ജ​ന​ങ്ങ​ൾ, മു​ള​പ്പി​ച്ച പ​യ​ർ എ​ന്നി​വ ഭ​ക്ഷ​ണ​ത്തി​ൽ ഉ​ൾ​പ്പെ​ടു​ത്തു​ക. മ​ധു​ര​പ​ല​ഹാ​ര​ങ്ങ​ൾ, എ​ണ്ണ​യി​ൽ വ​റു​ത്ത​തും പൊ​രി​ച്ച​തു​മാ​യ വി​ഭ​വ​ങ്ങ​ൾ, ധാ​രാ​ളം കൊ​ഴു​പ്പും അ​ന്ന​ജ​വും അ​ട​ങ്ങി​യ ഭ​ക്ഷ​ണം, മ​ധു​ര​മ​ട​ങ്ങി​യ പ​ഴ​ച്ചാ​റു​ക​ൾ, അ​ച്ചാ​റു​ക​ൾ എ​ന്നി​വ ഒ​ഴി​വാ​ക്ക​ണം.​ ഭ​ക്ഷ​ണം പാ​കം ചെ​യ്യു​മ്പോ​ൾ ഒ​ന്നി​ൽ കൂ​ടു​ത​ൽ ധാ​ന്യ​ങ്ങ​ൾ ഉ​ൾ​പ്പെ​ടു​ത്തു​ന്ന​ത് പോ​ഷ​ക​ഗു​ണം വ​ർ​ധി​പ്പി​ക്കു​ന്നു.​ ത​വി​ട​ട​ങ്ങി​യ​തും നാ​ര​ട​ങ്ങി​യ​തു​മാ​യ ഭ​ക്ഷ​ണം ശീ​ല​മാ​ക്കു​ക. തേ​ങ്ങ​യു​ടേ​യും ഉ​പ്പി​ന്‍റെയും എ​ണ്ണ​യു​ടേ​യും ഉ​പ​യോ​ഗം കു​റ​യ്ക്കു​ക.​ കൃ​ത്യ​മാ​യ സ​മ​യ​ത്ത് കൃ​ത്യ​മാ​യ ഇ​ട​വേ​ള​ക​ളി​ൽ ഭ​ക്ഷ​ണം ക​ഴി​ക്കു​ക. ​ദി​വ​സ​വും മൂ​ന്നു നേ​രം വ​ലി​യ അ​ള​വി​ൽ ക​ഴി​ക്കാ​തെ 5-6 നേ​രം കു​റ​ച്ചു കു​റ​ച്ചാ​യി ക​ഴി​ക്കു​ക. ​ജ​ങ്ക് ഫു​ഡ്, ഫാ​സ്റ്റ് ഫു​ഡ് എ​ന്നി​വ ഉ​പേ​ക്ഷി​ക്കു​ക. ​പ്ര​മേ​ഹ രോ​ഗി​ക​ൾ ദി​വ​സ​വും 30 മി​നി​റ്റ് എ​ന്ന തോ​തി​ൽ ആ​ഴ്ച​യി​ൽ അ​ഞ്ചു ദി​വ​സം വ്യാ​യാ​മം ചെ​യ്യ​ണം.​ സൈ​ക്കി​ൾ ഓ​ടി​ക്ക​ൽ, നൃ​ത്തം, നീ​ന്ത​ൽ, ടെ​ന്നീ​സ് ക​ളി മു​ത​ലാ​യ​വ ചെ​യ്യാ​വു​ന്ന​താ​ണ്.


ഹൃ​ദ​യാ​ഘാ​തം, പ​ക്ഷാ​ഘാ​ത​ം

ഹൃ​ദ​യാ​ഘാ​തം, പ​ക്ഷാ​ഘാ​ത​ം എന്നിവയുടെ പ്ര​ധാ​ന കാ​ര​ണ​മാ​ണ് പ്ര​മേ​ഹം.​ കാ​ഴ്ച​ശ​ക്തി ന​ഷ്ട​പ്പെ​ട​ൽ, വൃ​ക്ക​യ്ക്കു​ണ്ടാ​കു​ന്ന ത​ക​രാ​റ്, ഉ​ദ്ധാ​ര​ണ​ശേ​ഷി കു​റ​വ്, യോ​നീ​വ​ര​ൾ​ച്ച, ഉ​ണ​ങ്ങാ​ത്ത മു​റി​വു​ക​ൾ എ​ന്നി​വ​യും അ​നു​ബ​ന്ധ പ്ര​ശ്ന​ങ്ങ​ളാ​യി ഉ​ണ്ടാ​കാം. ​പ്ര​മേ​ഹ​രോ​ഗി​ക​ളി​ൽ വി​റ്റാ​മി​ൻ സി,​ഡി എ​ന്നി​വ​യു​ടെ കു​റ​വുമൂ​ലം അ​സ്ഥി​വേ​ദ​ന​യും ഉ​ണ്ടാ​കും.

കോവിഡ് ജാഗ്രത

കോ​വി​ഡ് ബാ​ധി​ച്ചു മ​രി​ച്ച​വ​രി​ൽ കൂ​ടു​ത​ൽ പേ​രും പ്ര​മേ​ഹ​രോ​ഗി​ക​ളാ​ണ് എ​ന്ന​ത് ശ്ര​ദ്ധേ​യ​മാ​ണ്.​ അ​തി​നാ​ൽ പ്ര​മേ​ഹ​രോ​ഗി​ക​ൾ കോ​വി​ഡി​നെ​തി​രെ അ​തീ​വ ജാ​ഗ്ര​ത പു​ല​ർ​ത്ത​ണം.​ പ്ര​മേ​ഹ​മു​ള്ള​വ​ർ​ക്ക് കോ​വി​ഡ് 19 അ​ണു​ബാ​ധ​യു​ണ്ടാ​യാ​ൽ ര​ക്ത​ത്തി​ലെ ഗ്ലൂ​ക്കോ​സി​ന്‍റെ അ​ള​വി​ൽ വ്യ​തി​യാ​ന​മു​ണ്ടാ​കു​ന്ന​തു കൊ​ണ്ട് പ്ര​മേ​ഹ​രോ​ഗ​ത്തി​ന്‍റെ സ​ങ്കീ​ർ​ണ​ത​ക​ൾ വ​ർ​ധി​ക്കാ​ൻ സാ​ധ്യ​ത​യു​ണ്ട്.​ പ്ര​മേ​ഹ രോ​ഗി​ക​ൾ ര​ക്ത​ത്തി​ലെ ഗ്ലൂ​ക്കോ​സി​ന്‍റെ അ​ള​വ് പ​തി​വാ​യി നി​രീ​ക്ഷി​ക്കു​ക.​ ഭ​ക്ഷ​ണം ക്ര​മീ​ക​രി​ക്കു​ന്ന​തി​ലൂ​ടെ​യും വ്യാ​യാ​മ​ത്തി​ലൂ​ടെ​യും മ​രു​ന്നു​ക​ൾ ക​ഴി​ക്കു​ന്ന​തി​ലൂ​ടെ​യും പ്ര​മേ​ഹം നി​യ​ന്ത്രി​ക്കു​ക.​ പ​നി, ചു​മ, ശ്വാ​സോ​ച്ഛ്വാസ​ത്തി​നു​ള്ള ബു​ദ്ധി​മു​ട്ട് എ​ന്നി​വയുണ്ടായാ​ൽ വൈ​ദ്യ​സ​ഹാ​യം തേ​ടു​ക.

വി​വ​ര​ങ്ങ​ൾ​ക്കു ക​ട​പ്പാ​ട്: നാ​ഷ​ണ​ൽ ഹെ​ൽ​ത്ത് മി​ഷ​ൻ, ആ​രോ​ഗ്യ കേ​ര​ളം & സം​സ്ഥാ​ന ആ​രോ​ഗ്യ വ​കു​പ്പ്.