പാദങ്ങളിലെ പ​രി​ക്കു​ക​ളും വ്ര​ണ​ങ്ങ​ളും തി​രി​ച്ച​റി​യാ​നാകാതെ..!
Tuesday, June 7, 2022 2:55 PM IST
ഡോ. അരുൺ ഉമ്മൻ
ന്യൂ​റോ എ​ന്നാ​ൽ ഞ​ര​ന്പ്. പ​തി എ​ന്നാ​ൽ രോ​ഗം. ഞ​ര​ന്പി​ന്‍റെ രോ​ഗ​ങ്ങ​ൾ​ക്ക് ഉ​പ​യോ​ഗി​ക്കു​ന്ന പൊ​തു​വാ​യ പ​ദ​മാ​ണ് ന്യൂ​റോ​പ്പ​തി. ഞ​ര​ന്പി​നു ച​ത​വാ​യാ​ലും മ​റ്റ് അ​സു​ഖ​ങ്ങ​ളു​ടെ ഭാ​ഗ​മാ​യി ഞ​ര​ന്പി​നു ക്ഷ​തം വ​ന്നാ​ലും അ​തി​നെ​ല്ലാം ന്യൂ​റോ​പ്പ​തി എ​ന്നാ​ണു പ​റ​യു​ന്ന​ത്. അ​തു വ​ള​രെ വി​ശാ​ല​മാ​യ പ​ദ​മാ​ണ്.

ന്യൂറോപ്പതി പ​ല ത​ര​ത്തി​ലു​ണ്ട്. ഡ​യ​ബ​റ്റി​ക് ന്യൂ​റോ​പ്പ​തി, പെ​രി​ഫ​റ​ൽ ന്യൂ​റോ​പ്പ​തി, ഇ​സ്കി​മി​ക് ന്യൂ​റോ​പ്പ​തി, ആ​ൽ​ക്ക​ഹോ​ളി​ക് ന്യൂ​റോ​പ്പ​തി...​എ​ന്നി​ങ്ങ​നെ. ഏ​റ്റ​വും കൂ​ടു​ത​ൽ കാ​ണ​പ്പെ​ടു​ന്ന ന്യൂറോ​പ്പ​തി​യാ​ണ് ഡ​യ​ബ​റ്റി​ക് ന്യൂ​റോ​പ്പ​തി. ഇ​ത് പ്ര​മേ​ഹ രോ​ഗി​ക​ളി​ൽ പ​കു​തി​യോ​ളം പേ​രെ ബാ​ധി​ച്ചേ​ക്കാ​വു​ന്ന ഒ​ന്നാ​ണ്. ചി​ല​ർ​ക്ക് ഇ​ത് മി​ത​മാ​യേ ബാ​ധി​ക്കാ​റു​ള​ളു.

ന്യൂറോളജിക്കൽ പരിശോധന< /b>

പക്ഷേ, പ​ല​ർ​ക്കും ഇ​തു സ്വ​യം പ​രി​മി​ത​പ്പെ​ടു​ത്തു​ന്ന​തോ അ​ല്ലെ​ങ്കി​ൽ വി​ട്ടു​മാ​റാ​ത്ത വേ​ദ​ന​യാ​യോ ഒ​ക്കെ അ​നു​ഭ​വ​പ്പെ​ടാം. അ​തു​കൊ​ണ്ടു ത​ന്നെ ഇ​തി​ന്‍റെ ശ​രി​യാ​യ രോ​ഗ​നി​ർ​ണ​യ​ത്തി​ന് സ​മ​ഗ്ര​മാ​യ ക്ലി​നി​ക്ക​ൽ, ന്യൂ​റോ​ള​ജി​ക്ക​ൽ പ​രി​ശോ​ധ​ന​ക​ൾ ആ​വ​ശ്യ​മാ​ണ്.​ ന്യൂ​റോ​പ്പ​തി​യു​ണ്ടാ​ക്കു​ന്ന മ​റ്റ് അ​സു​ഖ​ങ്ങ​ൾ ഇ​ല്ല എ​ന്നും ഉ​റ​പ്പാ​ക്കേ​ണ്ട​തു​ണ്ട്.

പ്രമേഹ ന്യൂറോപ്പതി< /b>

പ്ര​മേ​ഹ ന്യൂ​റോ​പ്പ​തി നി​യ​ന്ത്രി​ക്കാ​വു​ന്ന​താ​ണ്. അ​നി​യ​ന്ത്രി​ത​മാ​യ പ്ര​മേ​ഹ​ത്തി​ന്‍റെ ഗു​രു​ത​ര​മാ​യ സ​ങ്കീ​ർ​ണ​ത​യാ​ണ് പ്ര​മേ​ഹ ന്യൂ​റോ​പ്പ​തി. ഉ​യ​ർ​ന്ന ബ്ല​ഡ് ഷു​ഗ​ർ നി​ങ്ങ​ളു​ടെ ശ​രീ​ര​ത്തി​ലു​ട​നീ​ള​മു​ള്ള നെ​ർ​വ് ഫൈ​ബ​റു​ക​ളെ കാ​ല​ക്ര​മേ​ണ ന​ശി​പ്പി​ക്കും

ഞ​ര​മ്പു​ക​ൾ​ക്ക് വേ​ണ്ട​ത്ര ര​ക്തം ല​ഭി​ക്കാ​തെ< /b>

ഞ​ര​മ്പു​ക​ൾ​ക്ക് വേ​ണ്ട​ത്ര ര​ക്തം ല​ഭി​ക്കാ​ത്ത പ്ര​തി​ഭാ​സം - ന്യൂ​റോ​ണ​ൽ ഇ​സ്കെ​മി​യ (Neuronal Ischemia) - പ്ര​മേ​ഹ ന്യൂ​റോ​പ്പ​തി​യു​ടെ ഒ​രു സ്വ​ഭാ​വ​വി​ശേ​ഷ​മാ​ണ്. ഉ​യ​ർ​ന്ന അ​ള​വി​ലു​ള്ള ഗ്ലൂ​ക്കോ​സി​ന്‍റെ അ​ള​വ് ഞ​ര​മ്പു​ക​ൾ​ക്ക് നേ​രി​ട്ട് ആ​ഘാ​തം സൃ​ഷ്ടി​ച്ചേ​ക്കാ​വു​ന്ന​തു​മാ​ണ്.


പ്ര​മേ​ഹ ന്യൂ​റോ​പ്പ​തി​യി​ൽ ക​ലാ​ശി​ച്ചേ​ക്കാ​വു​ന്ന മാ​ക്രോ ​വാ​സ്കു​ല​ർ അ​വ​സ്ഥ​ക​ൾ​ക്കു
( microvascular events) പു​റ​മേ ഞ​ര​മ്പു​ക​ൾ വി​ത​ര​ണം ചെ​യ്യു​ന്ന ചെ​റി​യ ര​ക്ത​ക്കു​ഴ​ലു​ക​ൾക്കുള്ള (Vasa Nervosa) പ​രി​ക്കും മൂ​ല​മാ​ണ് ഈ ​അ​വ​സ്ഥ​ക​ൾ ഉ​ണ്ടാ​കു​ന്ന​ത്.

പ്ര​മേ​ഹ പെ​രി​ഫ​റ​ൽ ന്യൂ​റോ​പ്പ​തി​യു​ടെ ല​ക്ഷ​ണ​ങ്ങ​ളി​ൽ ഇനി പറയുന്നവ ഉ​ൾ​പ്പെ​ടാം. (ബാ​ധി​ച്ച ഞ​ര​മ്പു​ക​ളെ ആ​ശ്ര​യി​ച്ച്)

* ത​രി​പ്പ് * മ​ര​വി​പ്പ് (തീ​വ്ര​മാ​യ​തോ അ​ല്ലെ​ങ്കി​ൽ ദീ​ർ​ഘ​കാ​ല​മാ​യു​ള്ള​തോ ആ​യ മ​ര​വി​പ്പ് , പി​ന്നെ സ്ഥി​ര​മാ​യെ​ന്നു വ​രാം)

* പു​ക​ച്ചി​ൽ എ​ടു​ക്കു​ന്ന​പോ​ലെ​യു​ള്ള പ്ര​തീ​തി (പ്ര​ത്യേ​കി​ച്ചും വൈ​കു​ന്നേ​ര​ങ്ങ​ളി​ൽ) * വേ​ദ​ന
പാ​ദ​ങ്ങ​ളി​ൽ ഞ​ര​മ്പു​ക​ൾ ത​ക​രാ​റി​ലാ​കു​ന്ന​ത് കാ​ൽ‌ സം​വേ​ദ​നം ന​ഷ്‌​ട​പ്പെ​ടു​ന്ന​തി​നി​ട​യാ​ക്കും. സം​വേ​ദ​ന​ത്തി​ന്‍റെ അ​ഭാ​വം മൂ​ലം കാ​ലി​ലെ പ​രി​ക്കു​ക​ളും വ്ര​ണ​ങ്ങ​ളും തി​രി​ച്ച​റി​യാ​ൻ ക​ഴി​യാ​തെ വ​രും. ചി​ല ആ​ളു​ക​ളി​ൽ ഈ ​ല​ക്ഷ​ണ​ങ്ങ​ൾ തീ​വ്ര​ത കു​റ​ഞ്ഞാ​വും കാ​ണ​പ്പെ​ടു​ക; എ​ന്നാ​ൽ മ​റ്റു​ള്ള​വ​ർ​ക്ക്, പ്ര​മേ​ഹ ന്യൂ​റോ​പ്പ​തി വ​ള​രെ വേ​ദ​നാ​ജ​ന​ക​വും വി​ഷ​മ​ക​ര​വു​മാ​കും. (തുടരും)

വിവരങ്ങൾ: ഡോ. അരുൺ ഉമ്മൻ
സീനിയർ കൺസൾട്ടന്‍റ് ന്യൂറോസർജൻ, വിപിഎസ് ലേക് ഷോർ ഹോസ്പിറ്റൽ, കൊച്ചി. ഫോൺ - 0484 2772048
[email protected]

Copyright @ 2022 , Rashtra Deepika Ltd.