വായ്പ്പുണ്ണ്: പിന്നിൽ  വിളർച്ച മുതൽ അലർജി വരെ
സ്ത്രീ​പു​രു​ഷ​ഭേ​ദ​മെ​ന്യേ എ​ല്ലാ​വ​രെ​യും ബു​ദ്ധി​മുട്ടി​ക്കു​ന്ന രോ​ഗ​മാ​ണ് വാ​യ്പു​ണ്ണ്. ആ​ധു​നി​ക വൈ​ദ്യ​ശാ​സ്ത്ര​ത്തി​ൽ ഇ​തി​നെ ആ​ഫ്ത​സ് സ്റ്റൊ​മ​റ്റൈ​റ്റി​സ് എ​ന്നാ​ണു വി​ളി​ക്കു​ന്ന​ത്. ലോ​ക​ത്താ​കെ​യു​ള്ള ജ​ന​ങ്ങ​ളി​ൽ 20 ശ​ത​മാ​നം പേ​രും ഈ ​രോ​ഗം​മൂ​ലം ബു​ദ്ധി​മുട്ടുന്നു​ണ്ടെ​ന്നാ​ണ് ക​ണ​ക്കാ​ക്കി​യി​രി​ക്കു​ന്ന​ത്.

ചവയ്ക്കാനും വിഴുങ്ങാനും ബുദ്ധിമുട്ട്

വൃ​ത്താ​കൃ​തി​യോ​ടു​കൂ​ടി​യ​തും ആ​ഴം​കു​റ​ഞ്ഞ​തു​മാ​യ (സാ​ധാ​ര​ണ​യാ​യി ഒ​രു സെ​ൻ​റി​മീ​റ്റ​റി​ൽ താ​ഴെ​യു​ള്ള​ത്) വ്ര​ണ​ങ്ങ​ൾ ഇ​ട​യ്ക്കി​ടെ വാ​യ്ക്ക​ക​ത്തെ ശ്ലേ​ഷ്മ​സ്ത​ര​ത്തി​ൽ ഉ​ണ്ടാ​വു​ക​യും ഒ​ന്നോ ര​ണ്ടോ ആ​ഴ്ച​യ്ക്ക​കം ഇ​ത് ഉ​ണ​ങ്ങു​ക​യും ചെ​യ്യു​ന്നു. വ​ർ​ഷ​ത്തി​ൽ ഇ​തു പ​ല​ത​വ​ണ ആ​വ​ർ​ത്തി​ക്ക​പ്പെ​ടാം.

വ്ര​ണ​ങ്ങ​ളു​ണ്ടാ​കു​ന്പോ​ൾ രോ​ഗി​ക്ക് സം​സാ​രി​ക്കാ​നും ഭ​ക്ഷ​ണം ച​വ​യ്ക്കാ​നും വി​ഴു​ങ്ങാ​നും ബു​ദ്ധി​മു​ട്ടനു​ഭ​വ​പ്പെ​ടു​ന്നു. അ​താ​യ​ത് രോ​ഗി​യു​ടെ സാ​മൂ​ഹി​ക​ജീ​വി​ത​ത്തെ പ്ര​തി​കൂ​ല​മാ​യി ബാ​ധി​ക്കു​ന്നു എ​ന്ന​ർ​ഥം. ഇ​ങ്ങ​നെ പ​ല​ത​വ​ണ ആ​വ​ർ​ത്തി​ക്ക​പ്പെ​ടു​ന്പോ​ൾ വാ​യ്ക്ക​ക​ത്ത് നി​ര​വ​ധി പൊ​റ്റ​ക​ൾ രൂ​പ​പ്പെ​ടു​ക​യും ഇ​ത് നാവിന്‍റെയും മു​ഖ​ത്തെ മാം​സ​പേ​ശി​ക​ളു​ടെ​യും ച​ല​ന​ത്തെ ബാ​ധി​ക്കു​ക​യും ചെ​യ്യു​ന്നു.

വിളർച്ച

സാ​ധാ​ര​ണ കാ​ണു​ന്ന വാ​യ്പു​ണ്ണി​ന് പ​ല​ത​രം കാ​ര​ണ​ങ്ങ​ളു​ണ്ട്. ഇ​രു​ന്പ്, ഫോ​ളി​ക് ആ​സി​ഡ്, വി​റ്റാ​മി​ൻ ബി12 ​എ​ന്നി​വ​യു​ടെ അ​ഭാ​വം​മൂ​ല​മു​ള്ള വി​ള​ർ​ച്ച​യാ​ണ് ഇ​തി​ൽ പ്ര​ധാ​ന​പ്പെ​ട്ടത്. കൂ​ടാ​തെ ശാ​രീ​രി​ക​വും മാ​ന​സി​ക​വു​മാ​യ സ​മ്മർ​ദ​ങ്ങ​ൾ ഈ ​രോ​ഗം കൂ​ടെ​ക്കൂ​ടെ വ​രാ​നു​ള്ള കാ​ര​ണ​മാ​ണ്.
രോഗപ്രതിരോധം കുറയുന്പോൾ

ശ​രീ​ര​ത്തിന്‍റെ രോ​ഗ​പ്ര​തി​രോ​ധ​ശേ​ഷി കു​റ​യ്ക്കു​ന്ന എ​ച്ച്ഐ​വി പോ​ലു​ള്ള അ​ണു​ബാ​ധ​യു​ടെ ല​ക്ഷ​ണ​മാ​യുംവാ​യ്പു​ണ്ണ് പ്ര​ത്യ​ക്ഷ​പ്പെ​ടാം.


മുറിവുകൾ, അലർജി

ഭ​ക്ഷ​ണം ക​ഴി​ക്കു​ന്പോ​ൾ ഉ​ണ്ടാ​കു​ന്ന ചെ​റി​യ മു​റി​വു​ക​ളും ഇ​തി​നു കാ​ര​ണ​മാ​കാം. പ​ശു​വി​ൻ​പാ​ലി​നോ​ടു​ള്ള അ​ല​ർ​ജി ചി​ല കുട്ടി​ക​ളി​ൽ വാ​യ്പു​ണ്ണ് ഉ​ണ്ടാ​ക്കാ​റു​ണ്ട്.

വെ​ണ്ണ, ചി​ല​ത​രം ധാ​ന്യ​ങ്ങ​ൾ എ​ന്നി​വ​യു​ടെ അ​ല​ർ​ജി മൂ​ല​വും ഈ ​വ്ര​ണ​ങ്ങ​ൾ ഉ​ണ്ടാ​കാം. ടൂ​ത്ത്പേ​സ്റ്റു​ക​ളി​ൽ അ​ട​ങ്ങി​യിട്ടുള്ള സോ​ഡി​യം ലോ​റൈ​ൽ സ​ൾ​ഫേ​റ്റും വാ​നി​ല​യി​ൽ അ​ട​ങ്ങി​യിട്ടുള്ള വാ​നി​ലി​നും വാ​യ്പു​ണ്ണി​നു കാ​ര​ണ​മാ​കാ​റു​ണ്ട്.

ബാക്ടീരിയ

വാ​യ്ക്ക​ക​ത്തു കാ​ണ​പ്പെ​ടു​ന്ന ബാ​ക്ടീ​രി​യ​യാ​യ സ്ട്രെ​പ്റ്റോ​കോ​ക്ക​സ് സാം​ഗ്വി​സ്, ഉ​ദ​ര​ത്തി​ൽ കാ​ണ​പ്പെ​ടു​ന്ന ബാ​ക്ടീ​രി​യ​യാ​യ ഹെ​ലി​ക്കോ​ബാ​ക്ട​ർ പൈ​ലോ​റി എ​ന്നീ രോ​ഗാ​ണു​ക്ക​ൾ​ക്കെ​തി​രേ​യു​ള്ള ശ​രീ​ര​ത്തിന്‍റെ അ​മി​ത​മാ​യ പ്ര​തി​പ്ര​വ​ർ​ത്ത​നം മൂ​ല​വും വ്ര​ണ​ങ്ങ​ളു​ണ്ടാ​കാം.

ചില മരുന്നുകൾ...

നമ്മുടെ ശ​രീ​ര​ത്തി​ൽ ന്യൂ​ട്രോ​ഫി​ലു​ക​ളു​ടെ കു​റ​വി​നു കാ​ര​ണ​മാ​കു​ന്ന മ​രു​ന്നു​ക​ളാ​യ വേ​ദ​ന​സം​ഹാ​രി​ക​ൾ, കാ​ർ​ബ​മ​സെ​പീ​ൻ, ഫി​നോ​ത​യാ​സി​ൻ, ആ​ൻ​റി​ബ​യോട്ടി​ക്കു​ക​ൾ എ​ന്നി​വ​യു​ടെ ഉ​പ​യോ​ഗ​വും ആ​ഫ്ത​ൻ സ്റ്റൊ​മ​റ്റൈ​റ്റി​സ് ഉ​ണ്ടാ​ക്കാം.

വാ​യ്ക്ക​ക​ത്തെ രോ​ഗ​പ്ര​തി​രോ​ധ ശേ​ഷി​ക്ക് കാ​ര​ണ​മാ​കു​ന്ന ന്യൂ​ട്രോ​ഫി​ലു​ക​ളു​ടെ പ്ര​വ​ർ​ത്ത​ന​ത്തി​ലു​ള്ള പ്ര​ശ്ന​ങ്ങ​ളും അ​ന്ന​പ​ഥ​ത്തി​ൽ​നി​ന്ന് ഭ​ക്ഷ​ണം ആ​ഗി​ര​ണം ചെ​യ്യു​ന്ന​തി​ലു​ള്ള ത​ട​സ​ങ്ങ​ളും (സീ​ലി​യാ​ക് രോ​ഗം) ഈ ​വ്ര​ണ​ങ്ങ​ളു​ണ്ടാ​കു​ന്ന​തി​ന് കാ​ര​ണ​മാ​കു​ന്നു. (തുടരും)

വിവരങ്ങൾ- ഡോ. ​ജ​യേ​ഷ് പി. ​
സ്കി​ൻ സ്പെ​ഷ​ലി​സ്റ്റ്, പന്തക്കൽ, ഫോൺ - 8714373299

Copyright @ 2022 , Rashtra Deepika Ltd.