കോവിഡ് രോഗബാധ കൂടിക്കൊണ്ടിരിക്കുന്ന ഘട്ടത്തിലാണ് നാമിപ്പോഴുള്ളത്.
നിലവിലുള്ള ആരോഗ്യ സംവിധാനങ്ങളെ ക്ഷീണിപ്പിക്കാതെ, പരമാവധി ശ്രദ്ധ രോഗികൾക്കു കൊടുക്കാനാണ് ശ്രമിച്ചുകൊണ്ടിരിക്കുന്നത്. അതിനാൽ തന്നെ കോവിഡ് പോസിറ്റീവ് ആയി 10 ദിവസം കഴിയുന്പോൾ, ലക്ഷണങ്ങൾ ഇല്ലെങ്കിൽ, ആന്‍റിജൻ പരിശോധന ചെയ്തു നോക്കുകയും, നെഗറ്റീവ് ആണെങ്കിൽ ഡിസ്ചാർജ് ചെയ്യുകയും ചെയ്യുന്നു.
ഓർക്കുക
ആന്‍റിജൻ പരിശോധനയ്ക്ക് പരിമിതിയുണ്ട്. ആന്‍റിജൻ പോസിറ്റീവ് ആയ വ്യക്തി രോഗബാധിതനാണെന്ന് ഉറപ്പിക്കാൻ സാധിക്കുമെങ്കിലും, നെഗറ്റീവ് ആയാൽ രോഗബാധയില്ല എന്ന് 100% ഉറപ്പിച്ചു പറയാൻ സാധിക്കില്ല.
അതുകൊണ്ടുതന്നെ ഡിസ്ചാർജ് ആയി വരുന്ന രോഗി, താഴെ പറയുന്ന കാര്യങ്ങൾ ശ്രദ്ധിക്കുക.
1. ഡിസ്ചാർജ് ആയതിനു ശേഷവും ഒരാഴ്ചകൂടി ക്വാറന്‍റൈനിൽ തുടരുക.
റൂം ക്വാറന്‍റൈനിൽ അനുവർത്തിക്കേണ്ട കാര്യങ്ങൾ ചെയ്യുക.
- വീട്ടിലെ അംഗങ്ങളുമായി സന്പർക്കം പാടില്ല.
- സ്വന്തം വസ്ത്രങ്ങൾ സോപ്പുവെള്ളത്തിൽ മുക്കി 20 മിനിട്ട് വെച്ച ശേഷം സ്വയം കഴുകി ഉപയോഗിക്കുക.
- സ്വന്തം പ്ലേറ്റ്, ഗ്ലാസ് മുതലായവയും സ്വയം കഴുകി ഉപയോഗിക്കുക.
- റൂമിന്‍റെ ഉൾവശം, മേശ, കസേര മുതലായവ 1% ബ്ലീച്ച് ലായനിയിൽ മുക്കിപ്പിഴിഞ്ഞ തുണികൊണ്ട് തുടയ്ക്കുക.
2. പോഷകപ്രദമായ ഭക്ഷണം കഴിക്കുക. പഴങ്ങൾ, പച്ചക്കറികൾ എന്നിവ ധാരാളമായി ഉൾപ്പെടുത്തുക. നല്ലതുപോലെ വെള്ളം കുടിക്കുക.
3. രോഗലക്ഷണങ്ങൾ വീണ്ടും വന്നാൽ ആരോഗ്യ പ്രവർത്തകരെ വിവരമറിയിക്കുക.
4. മാനസിക പിരിമുറുക്കം ഒഴിവാക്കാനായി, വായന, സിനിമ മുതലായ വിനോദങ്ങളിൽ
ഏർപ്പെടുക.
5. രോഗബാധിതനാകും മുന്പ് വീട്ടിലുണ്ടായിരുന്ന ഉപകരണങ്ങൾ, വസ്ത്രങ്ങൾ എന്നിവയൊക്കെ വീണ്ടും ഉപയോഗിക്കാവുന്നതാണ്. വസ്ത്രങ്ങൾ, ഉപകരണങ്ങൾ, വീട്
മുതലായവ ബ്ലീച്ച് ലായനിയോ, സോപ്പോ ഉപയോഗിച്ച്
കഴുകുന്നതു മതിയാകും.
വിവരങ്ങൾക്കു കടപ്പാട്: നാഷണൽ ഹെൽത്ത് മിഷൻ,
ആരോഗ്യ കേരളം, വയനാട്.