മൈ​ഗ്രേനു(ചെ​ന്നി​ക്കു​ത്ത്) ഫലപ്രദമായ ഹോ​മി​യോ​ ചികിത്സ
മൈ​ഗ്രേൻ അ​ഥ​വാ ചെ​ന്നി​ക്കുത്ത് എ​ന്ന​റി​യ​പ്പെ​ടു​ന്ന ത​ല​വേ​ദ​ന ഇ​ന്ന് വ​ള​രെ സാ​ധാ​ര​ണ​ം. ലോ​കാ​രോ​ഗ്യ സം​ഘ​ട​ന​യു​ടെ ക​ണ​ക്ക​നു​സ​രി​ച്ച് മ​നു​ഷ്യ​ന്‍റെ ക്രി​യാ​ശേ​ഷി കു​റ​യ്ക്കു​ന്ന കാ​ര​ണ​ക്ക​ാരി​ൽ ഏ​ഴാം സ്ഥാ​ന​മാ​ണിവ​ന്. ലോ​ക​ജ​ന​സം​ഖ്യ​യി​ൽ 5% ജ​ന​ങ്ങ​ളി​ൽ കാ​ണു​ന്ന ഈ ​രോ​ഗ​ത്തി​ന് ആ​ധു​നി​ക ജീ​വി​തരീ​തി​യും അ​നു​ബ​ന്ധ മാ​ന​സി​ക സ​ംഘർ​ഷ​ങ്ങ​ളുമൊക്കെ കാ​ര​ണ​മാ​ണ്. അ​മേ​രി​ക്ക​യി​ലെ ക​ണ​ക്കു​ക​ൾ കു​റ​ച്ചു​കൂ​ടി വ്യ​ക്ത​മാ​ണ്. 37 മി​ല്യ​ണ്‍ ത​ല​വേ​ദ​ന​ക്കാ​രു​ണ്ട​ിവി​ടെ. ഒാ​രോ​ദി​വ​സ​വും 4,30,000 ആ​ളുകൾ മൈ​ഗ്രേൻ കൊ​ണ്ടു ജോ​ലി​ക്കു പോ​കാ​ൻ സാ​ധി​ക്ക​തെ​യു​ണ്ട​ത്രെ. 157 മി​ല്യ​ണ്‍ പ്ര​വൃത്തി ദി​ന​ങ്ങ​ൾ ഒ​രു വ​ർ​ഷം ഇ​ത്ത​ര​ത്തി​ൽ ന​ഷ്ട​മ​ാകു​ന്നു​വെ​ന്നാ​ണു ക​ണ​ക്ക്. മൂ​ന്നി​ൽ ര​ണ്ടു​പേ​ർ​ക്കും ഇ​തു പാ​ര​ന്പ​ര്യമായി കി​ട്ടാ​റു​ണ്ട്.

ജൂ​ലി​യ​സ് സീ​സ​ർ,വർ​ജീ​നി​യ വൂൾ​ഫ്, തോ​മ​സ് ജ​ഫേ​ഴ്സ​ൺ,സി​ഗ്മ​ണ്ട് ഫ്രോ​യ്ഡ്, നെ​പ്പോ​ളി​യ​ൻ, എ​ലി​സ​ബ​ത് ടെയ്​ല​ർ,വി​ൻ​സ​ന്‍റ് വാ​ൻഗോഗ്, എ​ബ്ര​ഹാം ലി​ങ്ക​ന്‍റെ ഭാ​ര്യ മേ​രി റ്റോ​ഡ് ലി​ങ്ക​ണ്‍, സ​ല്മാ​ൻ റു​ഷ്ദി, സെ​റീ​ന വി​ല്യം​സ് എ​ന്നു തു​ട​ങ്ങി അ​തി​പ്ര​ശ​സ്ത​രാ​യ ധാ​രാ​ളം പേ​ർ ഈ ​രോ​ഗം അ​നു​ഭ​വി​ച്ചി​രു​ന്ന​വ​രാ​ണ്.

ആ​ധു​നി​ക വൈ​ദ്യശാ​സ്ത്ര​ത്തി​ന് ഇ​തൊ​രു കീ​റാ​മു​ട്ടി​യാ​ണ്. ​വേ​ദ​ന വ​രു​ന്പോ​ൾ വേ​ദ​ന സം​ഹാ​രി ക​ഴി​ക്കു​ക, ത​ല​യ്ക്ക് മാ​ര​ക​മാ​യ ത​ക​രാ​റൊന്നു​മി​ല്ലെന്നു​റ​പ്പി​ക്കാ​ൻ ഒ​രു എം.​ആ​ർ.​ഐ. സ്കാ​ൻ ചെ​യ്തു​നോ​ക്കു​ക ഇ​തൊ​ക്കെ​യാ​ണു നി​ല​വി​ലു​ള്ള ചി​കി​ൽ​സാ രീ​തി.

അ​മേ​രി​ക്ക​ൻ ത​ല​വേ​ദ​ന സ​മ​ിതി (എ.​എ​ച്ച്.​എ) യു​ടെ വേ​ദ​ന നി​ർ​ണയ അ​ള​വു​കോ​ല​നു​സ​രി​ച്ച് പ്ര​സ​വ​വേ​ദ​ന​യു​ടെ തൊ​ട്ടുതാ​ഴെ ഏ​ഴാം സ്ഥാ​ന​ത്താ​ണു മൈ​ഗ്രേൻ ത​ല​വേ​ദ​ന​യു​ടെ സ്ഥാ​നം. മൈ​ഗ്രേൻ ഡി​സെ​ബി​ലി​റ്റി അ​സ്സ​സ്മെ​ന്‍റ് സ്കോ​ർ വ​ച്ച് അ​ള​ന്നു നോ​ക്കി​യാ​ണു ത​ല​വേ​ദ​ന ന​മ്മു​ടെ ജീ​വി​ത​ത്തെ എ​ത്ര​ത്തോ​ളം ബാ​ധി​ക്കു​ന്നുവെ​ന്നും മ​രു​ന്നു ക​ഴി​ച്ച​ശേ​ഷം എ​ത്ര​മാ​ത്രം കു​റ​ഞ്ഞു​വെ​ന്നും കണക്കാക്കുന്നത്.

ഒന്നാമൻ ക്ലാസിക്കൽ മൈഗ്രേൻ

കാ​ലം ക​ഴി​യും​തോ​റും രോ​ഗ​ത്തി​ന്‍റെ തീ​വ്ര​ത കു​റ​യു​ക​യോ, രോ​ഗി, രോ​ഗ​വു​മാ​യി പൊ​രു​ത്ത​പ്പെ​ട്ട് ഒ​ഴി​വാ​ക്കാ​നാ​വാ​ത്ത ഈ ​ശ​ത്രു​വി​നെ കൂ​ടെക്കൂ​ട്ടി ജീ​വി​ക്കാ​മെ​ന്നു ക​രു​തു​ക​യോ​ ചെ​യ്യു​ന്നു. അ​ന്താ​രാ​ഷ്്ട്ര ത​ല​വേ​ദ​ന സ​മ​ിതി മൈ​ഗ്രേനെ ഏ​ഴാ​യി ത​രം തി​രി​ച്ചി​ട്ടു​ണ്ട് അ​വ​യി​ൽ ക്ലാ​സി​ക്ക​ൽ മൈ​ഗ്രേൻ ആ​ണ് ഒ​ന്നാ​മ​ൻ. ഇ​ത്ത​രം ത​ല​വേ​ദ​ന വ​രു​ന്ന​തി​ന് ഏ​ക​ദേ​ശം അ​ര​മ​ണി​ക്കൂ​ർ മു​ന്പ് ചി​ല സൂ​ച​നാ തോ​ന്ന​ലു​ക​ൾ അ​ഥ​വാ ഓ​റ ഉ​ണ്ടാ​വും.​ദൃ​ശ്യ വി​ഭ്ര​മ​ങ്ങ​ളാ​ണു പ്ര​ധാ​നം. ചി​ല​ർ ത​ല​വേ​ദ​ന സ​മ​യ​ത്ത് വ​സ്തു​ക്ക​ളെ ര​ണ്ടാ​യി​ കാ​ണു​ന്നു. ഡി​പ്ലൊ​പ്പി​യ എ​ന്നാ​ണി​തി​നു പേ​ർ.

കാ​ഴ്ച്ച​യ്ക്കൊ​രു ചാ​ഞ്ചാ​ട്ടം!!

ക​ണ്ണി​ൽ പൊ​ന്നീ​ച്ച പ​റ​ക്കു​ന്ന പോ​ലെ​യോ,കാ​ഴ്ച്ച​യ്ക്കൊ​രു ചാ​ഞ്ചാ​ട്ടം പോ​ലെ​യോ, പ​കു​തി കാ​ഴ്ച മാ​ത്ര​മാ​യി തോ​ന്നു​ക​യോ, ചി​ല​ഭാ​ഗം മാ​ത്രം കാ​ണാ​താ​യി തോ​ന്നു​ക​യോ ഒ​ക്കെ​യാ​വാം. ചി​ല​ർ​ക്ക് മാ​യക്കണ്ണാ​ടി​യി​ൽ നോ​ക്കു​ന്ന പോ​ലെ രൂ​പ​ങ്ങ​ൾ വ​ള​ഞ്ഞുപു​ള​ഞ്ഞും ചി​ല​ഭാ​ഗം മാ​ത്രം വീ​ർ​ത്തു​മൊ​ക്കെ തോ​ന്നാം .

ചി​ല​ർ​ക്ക് ശ​രീ​ര​ത്തി​ല​വി​ടവ​ിടെ കു​ത്ത​ലോ മ​ര​വി​പ്പോ തോ​ന്നാം. ദു​ർ​ഗ​ന്ധം തോ​ന്നാം, സം​സാ​ര വൈ​ഷ​മ്യം, സം​സാ​രി​ക്കു​ന്പോ​ൾ തെ​റ്റു​ക​ൾ വ​രു​ക എ​ന്നി​ങ്ങ​നെ​യും ഓ​റ കാ​ണാ​റു​ണ്ട്..​അ​പ്പോ​ഴേ മു​ൻകൂ​റാ​യി വേ​ദ​ന സം​ഹാ​രി മ​രു​ന്നു ക​ഴി​ക്കു​ക​യോ, ജോ​ലി​ക​ളെ​ല്ലാം തീ​ർ​ത്ത് ത​ല​വേ​ദ​ന​യ​നു​ഭ​വി​ക്കാ​ൻ റെ​ഡി​യാ​യി​രി​ക്കു​ക​യോ രോ​ഗി​ക​ൾ ചെ​യ്യാ​റു​ണ്ട്. ത​ല​വേ​ദ​ന​യു​ടെ സ​മ​യ​ത്ത് നെ​റ്റി​യു​ടെ ഇ​രു​വ​ശ​ത്തെ​യും ര​ക്ത​ക്കു​ഴ​ലു​ക​ൾ ത​ടി​ച്ചി​രി​ക്കു​ക​യും ഹൃ​ദ​യ താ​ള​ത്തി​ന​നു​സ​രി​ച്ച് സ്പ​ന്ദി​ക്കു​ക​യും ചെ​യ്യും.​

നാ​ഡി​ക​ളു​ടെ പ്ര​വ​ർ​ത്ത​ന ത​ക​രാ​റു​ക​ൾ​ക്കൊ​പ്പം സി​ര​ക​ളി​ലും ധ​മ​നി​ക​ളി​ലും കാ​പ്പി​ലറി​ക​ളി​ലു​മു​ണ്ടാ​കു​ന്ന താ​ത്കാ​ലി​ക സ​ങ്കോ​ച വി​കാ​സ​ങ്ങ​ളാ​ണു രോ​ഗ​ത്തോ​ടൊ​പ്പം പ്ര​ക​ട​മാ​യി കാ​ണു​ന്ന ത​ക​രാ​റെ​ന്ന​തി​നാ​ൽ​ ന്യൂ​റോ വ​സ്കു​ലാ​ർ ഹെ​ഡ് ഏ​ക്ക് എ​ന്ന വി​ഭാ​ഗ​ത്തി​ലാ​ണു മൈ​ഗ്രേൻ ത​ല​വേ​ദ​ന​യെ ഉ​ൾ​പ്പെ​ടു​ത്തി​യി​രി​ക്കു​ന്ന​ത്.


ചെന്നിക്കുത്ത്

ക്ലാ​സിക്ക​ൽ മൈ​ഗ്രേൻ ഒ​രു വ​ശ​ത്തു മാ​ത്ര​മാ​യി​ട്ടാ​ണു വ​രി​ക. അ​തു​കൊണ്ടാ​ണ​തി​നെ ചെ​ന്നി​ക്കു​ത്തെ​ന്നു നാ​ട​ൻ ഭാ​ഷ​യി​ൽ പ​റ​യു​ന്ന​ത്.​ത​ല​വേ​ദ​ന​യോ​ടൊ​പ്പം ഓ​ക്കാ​ന​വും ച​ർ​ദ്ദി​യും വ​രാം, ചി​ല​രി​ൽ ഛർ​ദ്ദി​ച്ചാ​ൽ ത​ല​വേ​ദ​ന കു​റ​യും. ത​ല​വേ​ദ​ന ഒ​രു വ​ശ​ത്തു​നി​ന്നു മ​റു​വ​ശ​ത്തേ​ക്കു മാ​റു​ക​യോ, ര​ണ്ടു വ​ശ​ത്തും ഒ​രു​മി​ച്ച് വ​രു​ക​യോ ചെ​യ്യാം. ര​ണ്ടു വ​ശ​ത്തും വ​രു​ന്ന ത​ല​വേ​ദ​ന​യി​ൽ ഓ​റ സാ​ധാ​ര​ണ കാ​ണാ​റി​ല്ല. അ​തി​നാ​ൽ അ​തി​നെ കോ​മ​ണ്‍ മൈ​ഗ്രേൻ എ​ന്നു പ​റ​യു​ന്നു.​

ശ​രീ​ര​ത്തി​ന്‍റെ ഒ​രു വ​ശം താ​ത്കാലി​ക​മാ​യി ത​ള​രു​ന്ന ഹെ​മി​പ്ളീ​ജി​ക് മൈ​ഗ്രേൻ, സം​സാ​ര വൈ​ഷ​മ്യ​മു​ണ്ടാ​ക്കു​ന്ന ബാ​സി​ല്ലാ​ർ മൈ​ഗ്രേൻ, റെ​റ്റി​ന​ൽ മൈ​ഗ്രേൻ, കു​ട്ടി​ക​ളി​ലു​ണ്ടാ​കു​ന്ന മൈ​ഗ്രേൻ എ​ന്നി​ങ്ങ​നെ പ​ല​വി​ധ​ത്തി​ലു​ണ്ട് മൈ​ഗ്രൈ​ൻ.

രോ​ഗം വ​രു​ത്തു​ന്ന​തും കൂ​ട്ടു​ന്ന​തു​മാ​യ സാ​ഹ​ച​ര്യ​ങ്ങ​ൾ:

ചൂ​ടുകാ​ല​ത്ത് മൈ​ഗ്രേൻ കൂ​ടു​ത​ലാ​യി കാ​ണു​ന്ന​തി​നാ​ലാ​വാം ജൂ​ണ്‍ മാ​സ​ം മൈ​ഗ്രേൻ അ​വേ​ർ​ന​സ് മാ​സ​മാ​യി അ​മേ​രി​ക്ക​ൻ നാ​ഷ​ണ​ൽ ഹെ​ഡ് ഏ​ക്ക് ഫൌ​ണ്ടേ​ഷ​ൻ പ്ര​ഖ്യാ​പി​ക്കു​ക​യും , പ​ർ​പ്പി​ൾ റി​ബണ്‍ ബോ​ധ​വത്ക​ര​ണ​പ​രി​പാ​ടി​ക​ൾ ന​ട​ത്തു​ക​യും ചെ​യ്യു​ന്ന​ത്.

വെ​യിൽകൊ​ള്ളു​ക, അ​ധി​ക​രി​ച്ച ശ​ബ്ദ​വും വെ​ളി​ച്ച​വും, അ​മി​ത ഗ​ന്ധം, മാ​ന​സി​ക സ​മ്മ​ർ​ദ്ദം, പ​ട്ടി​ണി കി​ട​ക്കു​ക, ശാ​രീ​രി​ക ക്ഷീ​ണം, ദേ​ഷ്യ​പ്പെ​ടേ​ണ്ടി വ​രു​ക, വാ​ഹ​ന​യാ​ത്ര, ഉ​റ​ക്ക​മൊ​ഴി​ക്കേ​ണ്ടി വ​രു​ക, ആ​ർ​ത്ത​വ​കാ​ലം, ഹോ​ർ​മോ​ണ്‍ വ്യ​തി​യാ​ന​ങ്ങ​ൾ ഇ​വ കൂ​ടാ​തെ ഭ​ക്ഷ​ണ​ത്തി​ലെ എം.​എ​സ്.​ജി യും, ഓ​റ​ഞ്ച് പോ​ലു​ള്ള ചി​ല പ​ഴ​ങ്ങ​ളും രോ​ഗ​ത്തെ കു​ത്തി​പ്പൊ​ക്കാം. ടൈ​റാ​മി​ൻ എ​ന്ന അ​മി​നോ ആ​സി​ഡ് കൂ​ടു​ത​ലു​ള്ള ചി​ല ഭ​ക്ഷ​ണ​ങ്ങ​ൾ (ഉ​ദാ: ചോ​ക്ളേ​റ്റ്, ചി​ല​യി​നം മ​ദ്യ​ങ്ങ​ൾ, സോ​യ ഉ​ത്പ​ന്ന​ങ്ങ​ൾ.) ര​ക്ത​സ​മ്മ​ർ​ദ്ദം കൂ​ട്ടു​ന്ന​തി​നോ​ടൊ​പ്പം മൈ​ഗ്രേ​ൻ ഉ​ണ്ടാ​ക്കു​ന്നു. ത​ല​വേ​ദ​ന സ​മ​യ​ത്ത് ശ​ബ്ദ​വും ഗ​ന്ധ​വും വെ​ളി​ച്ച​വും അ​സ​ഹ​നീ​യ​മാ​യി തോ​ന്നും. അ​തുകൊ​ണ്ട് ഇ​തൊ​ന്നുമി​ല്ലാ​ത്ത മു​റി​യി​ൽ നെ​റ്റി​യി​ൽ ന​ന​ഞ്ഞ തു​ണി വ​രി​ഞ്ഞുകെ​ട്ടി ഒ​ന്നു​റ​ങ്ങി​യെ​ഴു​ന്നേ​റ്റാ​ൽ ത​ല​വേ​ദ​ന ശ​മി​ക്കു​മെ​ന്നാ​ണു ഭു​രി​ഭാ​ഗം രോ​ഗി​ക​ളും പ​റ​യു​ന്ന​ത്.

ആ​ധു​നി​ക വൈ​ദ്യ​ശാ​സ്ത്ര​ത്തി​നു പൂ​ർ​ണമാ​യി ശ​മ​നം ന​ല്കാ​ൻ വി​ഷ​മ​മു​ള്ള ഈ ​രോ​ഗ​ത്തെ ഹോ​മി​യോ​പ്പ​തി ചി​കി​ൽ​സ​യി​ലൂ​ടെ മൂ​ന്നു മാ​സം കൊ​ണ്ടു പൂ​ർ​ണ്ണ​മാ​യി ശ​മി​പ്പി​ക്കാ​ൻ സാ​ധി​ക്കും.​ വേ​ദ​ന കൂ​ടി​യാ​ലു​പ​യോ​ഗി​ക്കാ​വു​ന്ന താ​ത്കാ​ലി​ക വേ​ദ​ന സം​ഹാ​രി​ക​ളും ഹോ​മി​യോ​പ്പ​തി​യി​ലു​ണ്ട്.

സ​മം സ​മേ​ന ശാ​ന്തി എ​ന്ന പ്ര​കൃ​തി ത​ത്ത്വമ​നു​സ​രി​ച്ച്

മ​നു​ഷ്യ​രി​ൽ ഫ​ല​പ്രാ​പ്തി ക​ണ്ടെ​ത്തി​യ മ​രു​ന്നു​ക​ളാ​ണു ഹോ​മി​യോ​പ്പ​തി​യി​ൽ ഉ​പ​യോ​ഗി​ക്കു​ന്ന​ത്.​ഏ​റ്റ​വും ചെല​വു കു​റ​ഞ്ഞ, ഏ​റ്റ​വും ദൂ​ഷ്യ​ഫ​ല​ങ്ങ​ൾ കു​റ​ഞ്ഞ ചി​കി​ൽ​സാ​രീ​തി​യാ​യ ഹോ​മി​യോ​പ്പ​തി, ഇ​ന്നു മാ​റാ​വു​ന്ന ഏ​തു​രോ​ഗ​വും മാ​റ്റാ​വു​ന്ന രീ​തി​യി​ലേ​ക്കു വ​ള​ർ​ന്നി​രി​ക്കു​ന്നു. മൈ​ഗ്രേ​ൻ അ​തി​ലൊ​ന്നു മാ​ത്ര​മാ​ണ്.

ഓ​രോ രോ​ഗി​യു​ടെ​യും രോ​ഗ​കാ​ര​ണ​ങ്ങ​ളും ല​ക്ഷ​ണ​ങ്ങ​ളും വ്യ​ത്യ​സ്തമാ​ക​യാ​ൽ രോ​ഗി​യെ അ​റി​ഞ്ഞു ചി​കി​ൽ​സി​ക്കു​ന്ന ഹോ​മി​യോ​പ്പ​തി​യി​ലൂ​ടെ മൈ​ഗ്രേൻ പൂ​ർ​ണ​മാ​യി
മാ​റ്റാ​ൻ സാ​ധി​ക്കും.​അം​ഗീ​കൃ​ത ചി​കി​ൽ​സാ യോ​ഗ്യ​ത​യും ചി​കി​ൽ​സാ പ​രി​ച​യ​വു​മു​ള്ള ഡോ​ക്ട​റെ കാ​ണ​ണ​മെ​ന്നു മാ​ത്രം.

ഡോ:​റ്റി.​ജി. മ​നോ​ജ് കു​മാ​ർ
മെ​ഡി​ക്ക​ൽ ഓ​ഫീ​സ​ർ ഹോ​മി​യോ​പ്പ​തി വ​കു​പ്പ്, ക​ണ്ണൂ​ർ
മൊ​ബൈ​ൽ 9447689239
[email protected]