ചി​കി​ത്സ​യോ​ടൊ​പ്പം രോ​ഗ​ബാ​ധി​ത​രാ​യ മൃ​ഗ​ങ്ങ​ളു​ടെ പ​രി​ച​ര​ണ​വും പ്ര​ധാ​ന​മാ​ണ്. രോ​ഗ​മു​ള്ള മൃ​ഗ​ങ്ങ​ളെ അ​ധി​കം വെ​ളി​ച്ച​വും ശ​ബ്ദ​വു​മി​ല്ലാ​ത്ത ശാ​ന്ത​മാ​യ സ്ഥ​ല​ത്ത് കി​ട​ത്ത​ണം. ദ്രാ​വ​ക​രൂ​പ​ത്തി​ലു​ള്ള ഭ​ക്ഷ​ണ​മാ​ണ് ന​ല്ല​ത്. ഭ​ക്ഷ​ണം ക​ഴി​ക്കാ​ൻ സാ​ധി​ക്കാ​ത്ത​തു​കൊ​ണ്ടു​ള്ള ക്ഷീ​ണം അ​ക​റ്റാ​ൻ ഗ്ലൂ​ക്കോ​സ് അ​ട​ങ്ങി​യ ലാ​യി​നി​ക​ൾ കു​ത്തി​വ​യ്ക്കേ​ണ്ടി വ​രും. തു​ട​ർ​ച്ച​യാ​യി കി​ട​ക്കു​ന്ന​തു​മൂ​ലം ശ​രീ​ര​ത്തി​ൽ വൃ​ണ​ങ്ങ​ൾ ഉ​ണ്ടാ​കാ​നി​ട​യു​ള്ള​തി​നാ​ൽ വൈ​ക്കോ​ലോ മാ​ർ​ദ​വ​മു​ള്ള വ​സ്തു​ക്ക​ളോ ഉ​പ​യോ​ഗി​ച്ച് മെ​ത്ത​പോ​ലെ രൂ​പ​പ്പെ​ടു​ത്തി​യ സ്ഥ​ല​ത്തു​വേ​ണം കി​ട​ത്തേ​ണ്ട​ത്. പ​രി​സ​രം വൃ​ത്തി​യാ​യി സൂ​ക്ഷി​ക്ക​ണം.

പ്ര​തി​രോ​ധ​മാ​ർ​ഗ​ങ്ങ​ൾ

രോ​ഗ​പ്ര​തി​രോ​ധ​മാ​ണു ചി​കി​ത്സ​യേ​ക്കാ​ൾ ഫ​ല​പ്ര​ദം. ശ​രീ​ര​ത്തി​ൽ മു​റി​വു​ക​ൾ ഉ​ണ്ടാ​യാ​ൽ അ​വ ക​ഴു​കി വൃ​ത്തി​യാ​ക്കി അ​ണു​നാ​ശി​നി​ക​ൾ പു​ര​ട്ടു​ക​യും ഒ​പ്പം ത​ന്നെ പ്ര​തി​രോ​ധ​കു​ത്തി​വ​യ്പാ​യ ടെ​റ്റ്ന​സ് ടോ​ക്സോ​യി​ഡ് (റ്റി​റ്റി ഇ​ഞ്ച​ക്ഷ​ൻ) ന​ൽ​കു​ക​യും വേ​ണം. പ്ര​സ​വ​ത്തോ​ട​നു​ബ​ന്ധി​ച്ചു​ള്ള മു​റി​വു​ക​ൾ ഏ​റെ ശ്ര​ദ്ധി​ക്കേ​ണ്ട​താ​ണ്. ഒ​ന്നോ ര​ണ്ടോ ആ​ഴ്ച പ്രാ​യ​മാ​യ ആ​ട്ടി​ൻ​കു​ഞ്ഞു​ങ്ങ​ളി​ൽ ടെ​റ്റ്ന​സ് വ​ള​രെ കൂ​ടു​ത​ലാ​യി കാ​ണ​പ്പെ​ടു​ന്നു​ണ്ട്.

മ​ണ്ണി​ലു​ള്ള ബാ​ക്ടീ​രി​യ​ക​ൾ പൊ​ക്കി​ൾ​ക്കൊ​ടി വ​ഴി ശ​രീ​ര​ത്തി​ൽ പ്ര​വേ​ശി​ക്കു​ന്ന​താ​ണ് ഇ​തി​നു കാ​ര​ണം. അ​തു​കൊ​ണ്ടു ജ​നി​ച്ച​യു​ട​നെ പൊ​ക്കി​ൾ​ക്കൊ​ടി അ​യ​ഡി​ൻ ലാ​യ​നി​യോ മ​റ്റ് അ​ണു​ന​ശീ​ക​ര​ണ ലേ​പ​ന​ങ്ങ​ളോ ഉ​പ​യോ​ഗി​ച്ച് അ​ണു​വി​മു​ക്ത​മാ​ക്കി പൊ​ക്കി​ളി​ന് ഒ​രു ഇ​ഞ്ച് താ​ഴെ വ​ച്ച് വൃ​ത്തി​യു​ള്ള നൂ​ല്കൊ​ണ്ട് കെ​ട്ടി അ​തി​ന് താ​ഴെ​വ​ച്ച് മു​റി​ച്ചു ക​ള​യ​ണം. പൊ​ക്കി​ൽ​ക്കൊ​ടി ഉ​ണ​ങ്ങു​ന്ന​തു വ​രെ അ​ണു​നാ​ശി​നി ലേ​പ​ന​ങ്ങ​ൾ പു​ര​ട്ടാ​നും ശ്ര​ദ്ധി​ക്ക​ണം.

രോ​ഗ​പ്ര​തി​രോ​ധ​ത്തി​ന് ടെ​റ്റ്ന​സ് ടോ​ക്സോ​യി​ഡ് കു​ത്തി​വ​യ്പ് ഫ​ല​പ്ര​ദ​മാ​ണ്. ടെ​റ്റ്ന​സ് രോ​ഗ​ബാ​ധ കൂ​ടു​ത​ലാ​യി കാ​ണു​ന്ന പ്ര​ദേ​ശ​ങ്ങ​ളി​ൽ ഗ​ർ​ഭി​ണി​ക​ളാ​യ ക​ന്നു​കാ​ലി​ക​ൾ​ക്ക് പ്ര​ത്യേ​കി​ച്ച് ആ​ടു​ക​ൾ​ക്ക് ഒ​രു ഡോ​ക്ട​റു​ടെ നി​ർ​ദേ​ശാ​നു​സ​ര​ണം കു​ത്തി​വ​യ്പ് നി​ർ​ബ​ന്ധ​മാ​യും ന​ൽ​ക​ണം.

ഇ​തു​വ​ഴി അ​വ​യ്ക്കും ജ​നി​ക്കു​ന്ന കു​ഞ്ഞു​ങ്ങ​ൾ​ക്കും ആ​വ​ശ്യ​മാ​യ പ്ര​തി​രോ​ധ​ശ​ക്തി ഉ​ണ്ടാ​കും. ആ​ടു​ക​ളി​ൽ ഗ​ർ​ഭ​ത്തി​ന്‍റെ മൂ​ന്നാം മാ​സ​ത്തി​ലും നാ​ലാം മാ​സ​ത്തി​ലും ഓ​രോ കു​ത്തി​വ​യ്പ് വീ​തം ന​ൽ​ക​ണം. ശ​രി​യാ​യ പ​രി​പാ​ല​ന​ത്തി​ലൂ​ടെ​യും പ്ര​തി​രോ​ധ​ത്തി​ലൂ​ടെ​യും പൂ​ർ​ണ​മാ​യും ഒ​ഴി​വാ​ക്കാ​ൻ ക​ഴി​യു​ന്ന രോ​ഗ​മാ​ണു വി​ല്ലു​വാ​തം.

ഡോ.​പി.​വി.​ട്രീ​സാ​മോ​ൾ, ഡോ.​പി.​വി​ൻ​സി
വൈ​റ്റ​റി​ന​റി കോ​ള​ജ്, മ​ണ്ണു​ത്തി