ന​മ്മു​ടെ നാ​ട്ടി​ൽ ഏ​റെ പ്രി​യ​മു​ള്ള ചെ​റു​ചേ​ന്പി​ന്‍റെ കി​ഴ​ങ്ങും ത​ണ്ടും ഇ​ല​യും പോ​ഷ​ക, ഔ​ഷ​ധ​മൂ​ല്യം നി​റ​ഞ്ഞ​താ​ണ്. കി​ഴ​ങ്ങി​ൽ അ​ന്ന​ജ​വും (9.6-18.8%) ഭ​ക്ഷ്യ​നാ​രും, കാ​ൽ​സ്യം, ഫോ​സ്ഫ​റ​സ്, പൊ​ട്ടാ​സി​യം, വി​റ്റാ​മി​ൻ (അ,​ഇ), ധാ​തു​ക്ക​ൾ, മാ​ൻ​ഗ​നീ​സ്, ഇ​രു​ന്പ് എ​ന്നി​വ അ​ട​ങ്ങി​യി​ട്ടു​ണ്ട്.

ചേ​ന്പി​ന്‍റെ അ​ന്ന​ജ​ത്തി​ന്‍റെ ക​ണി​ക​ക​ളു​ടെ വ​ലി​പ്പം തീ​രെ കു​റ​വാ​യ​തി​നാ​ൽ ദ​ഹ​ന​പ്ര​ക്രി​യ എ​ളു​പ്പ​ത്തി​ൽ ന​ട​ക്കു​ന്നു. കി​ഴ​ങ്ങു​ക​ളി​ലെ ഭ​ക്ഷ്യ​നാ​ര് ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വ് ക്ര​മീ​ക​രി​ക്കു​ന്ന​തി​നും സ​ഹാ​യി​ക്കു​ന്നു.

ഇ​തു​കൂ​ടാ​തെ കി​ഴ​ങ്ങു​ക​ളി​ലെ വ​ഴു​വ​ഴു​പ്പ് ര​ക്ത​ത്തി​ലെ കൊ​ള​സ്ട്രോ​ൾ ലെ​വ​ൽ കു​റ​യ്ക്കു​ന്ന​തി​നും സ​ഹാ​യി​ക്കു​ന്നു. ചേ​ന്പി​ല​യി​ൽ പ്രോ​ട്ടീ​ൻ, ബീ​റ്റ-​ക​രോ​ട്ടി​ൻ, ഇ​രു​ന്പ്, ഫോ​ളി​ക് ആ​സി​ഡ്, ധാ​തു​ക്ക​ളാ​യ കാ​ൽ​സ്യം, ഫോ​സ്ഫ​റ​സ്, ഇ​രു​ന്പ്, വി​റ്റാ​മി​ൻ ഇ, ​ത​യാ​മി​ൻ, റൈ​ബോ​ഫ്ളാ​വി​ൻ, നി​യാ​സി​ൻ എ​ന്നി​വ അ​ട​ങ്ങി​യി​ട്ടു​ണ്ട്.

കാ​ലാ​വ​സ്ഥ​മാ​റ്റ​ത്തി​ന്‍റെ ഈ ​സ​ന്ദ​ർ​ഭ​ത്തി​ലും ചേ​ന്പ് പ്ര​ത്യേ​കം പ്രാ​ധാ​ന്യം അ​ർ​ഹി​ക്കു​ന്നു. വെ​ള്ള​ക്കെ​ട്ട്, ല​വ​ണ​ര​സം എ​ന്നി​വ ഒ​രു​പ​രി​ധി​വ​രെ ചെ​റു​ത്തു​നി​ൽ​ക്കാ​നു​ള്ള ക​ഴി​വ് ചേ​ന്പി​നു​ണ്ട്.

വി​വി​ധ ഇ​ന​ങ്ങ​ൾ

കേ​ന്ദ്ര കി​ഴ​ങ്ങു​വി​ള ഗ​വേ​ഷ​ണ​സ്ഥാ​പ​ന​ത്തി​ൽ​നി​ന്നും ഒ​ഡീ​ഷ​യി​ലെ പ്രാ​ദേ​ശി​ക കേ​ന്ദ്ര​ത്തി​ൽ നി​ന്നു​മാ​യി പ​ത്തോ​ളം മു​ന്തി​യ ഇ​ന​ങ്ങ​ൾ വി​ക​സി​പ്പി​ച്ചെ​ടു​ത്തി​ട്ടു​ണ്ട്. മി​ക്ക ഇ​ന​ങ്ങ​ളും 6 മു​ത​ൽ 8 മാ​സ​ങ്ങ​ൾ കൊ​ണ്ട് വി​ള​വെ​ടു​ക്കാ​വു​ന്ന​താ​ണ്.

5 മു​ത​ൽ 6 മാ​സം കൊ​ണ്ട് വി​ള​വെ​ടു​ക്കാ​വു​ന്ന, ഇ​ല​ക​ര​ച്ചി​ൽ രോ​ഗ​ത്തെ ചെ​റു​ത്തു​നി​ൽ​ക്കാ​ൻ ക​ഴി​വു​ള്ള, ചൊ​റി​ച്ചി​ൽ തീ​രെ ഇ​ല്ലാ​ത്ത ഇ​ന​മാ​യ മു​ക്ത​കേ​ശി എ​ടു​ത്തു​പ​റ​യേ​ണ്ട​താ​ണ്. കേ​ര​ള​ത്തി​ൽ അ​നു​യോ​ജ്യ​മാ​യ ശ്രീ​ടീ​ലി​യ ന​ല്ല പാ​ച​ക​ഗു​ണ​മു​ള്ള ഹ്ര​സ്വ​കാ​ല ഇ​ന​മാ​ണ് (4 മാ​സം കൊ​ണ്ട് വി​ള​വെ​ടു​ക്കാ​വു​ന്ന).

ഇ​തു​കൂ​ടാ​തെ ശ്രീ​കി​ര​ണ്‍, ശ്രീ​ഹീ​ര, ശ്രീ​ര​ശ്മി, ശ്രീ​പ​ല്ല​വി എ​ന്നി​വ​യും മി​ക​ച്ച ഇ​ന​ങ്ങ​ളാ​ണ്. ഒ​ട്ടേ​റെ നാ​ട​ൻ ഇ​ന​ങ്ങ​ളും പ്ര​ചാ​ര​ത്തി​ലു​ണ്ട്. താ​മ​ര​ക്ക​ണ്ണ​ൻ, ക​ണ്ണ​ൻ​ചേ​ന്പ്, കു​ട​ചേ​ന്പ് എ​ന്നി​വ.

ന​ടീ​ൽ സ​മ​യം

മ​ഴ​യെ ആ​ശ്ര​യി​ച്ചു​ള്ള കൃ​ഷി​യ്ക്ക് ഏ​പ്രി​ൽ മു​ത​ൽ ജൂ​ണ്‍ വ​രെ​യാ​ണ് ന​ടാ​ൻ ഉ​ത്ത​മ​മാ​യ സ​മ​യം. ജ​ല​സേ​ച​ന സൗ​ക​ര്യ​മു​ള്ള സ്ഥ​ല​ങ്ങ​ളി​ൽ കാ​ല​ഭേ​ദ​മ​ന്യേ കൃ​ഷി ചെ​യ്യാ​വു​ന്ന​താ​ണ്.

ന​ടീ​ൽ​വ​സ്തു​ക്ക​ൾ

ത​ള്ള​ചേ​ന്പും വി​ത്തു​ചേ​ന്പും ന​ടീ​ൽ​വ​സ്തു​ക്ക​ളാ​യി ഉ​പ​യോ​ഗി​ക്കാ​മെ​ങ്കി​ലും, വി​ത്തു​ചേ​ന്പ് ഉ​പ​യോ​ഗി​ക്കു​ന്ന​താ​ണ് ഉ​ത്ത​മം. 20-25 ഗ്രാം ​തൂ​ക്കം വ​രു​ന്ന വി​ത്തു ചേ​ന്പ് ന​ല്ല ന​ടീ​ൽ വ​സ്തു​വാ​ണ്.

നി​ല​മൊ​രു​ക്ക​ൽ

മ​ണ്ണി​ന്‍റെ സ്വ​ഭാ​വ​ത്തെ​യും പ​രി​പാ​ല​ന​രീ​തി​യെ​യും ആ​ശ്ര​യി​ച്ചു വി​വി​ധ​ത​ര​ത്തി​ൽ നി​ല​മൊ​രു​ക്കാ​വു​ന്ന​താ​ണ്. മ​ണ​ൽ​പ്ര​ദേ​ശ​ങ്ങ​ളി​ൽ കു​ഴി​ക​ൾ എ​ടു​ത്തും എ​ക്ക​ൽ​മ​ണ്ണി​ൽ പൊ​ക്ക​ത്തി​ൽ കൂ​ന​കൂ​ട്ടി​യും പ​ണ​ക​ൾ എ​ടു​ത്തും കൃ​ഷി​ചെ​യ്യാം.

ജ​ല​സേ​ച​ന​സൗ​ക​ര്യ​മു​ള്ള ഇ​ട​ങ്ങ​ളി​ൽ വാ​ര​ങ്ങ​ളും ചാ​ലു​ക​ളും എ​ടു​ത്ത് ന​ടു​ന്ന രീ​തി​യാ​ണ് ന​ല്ല​ത്.

ന​ടീ​ൽ രീ​തി

വി​ത്തു ചേ​ന്പു​ക​ൾ 60ഃ45 സെ.​മീ​റ്റ​ർ അ​ക​ല​ത്തി​ൽ ന​ടാം. ഒ​രു ഹെ​ക്ട​ർ സ്ഥ​ല​ത്തേ​ക്ക് ന​ടാ​നാ​യി ഏ​ക​ദേ​ശം 3,7000 വി​ത്തു ചേ​ന്പു​ക​ൾ ആ​വ​ശ്യ​മാ​യി വ​രും. ഇ​വ 2.57.5 സെ.​മി താ​ഴ്ച്ച​യി​ൽ ന​ടാ​വു​ന്ന​താ​ണ്.

ഈ ​അ​ക​ല​ത്തി​ൽ ന​ടു​ക​യാ​ണെ​ങ്കി​ൽ ഏ​ക​ദേ​ശം 800-1000 കി​ലോ ന​ടീ​ൽ​വ​സ്തു​ക്ക​ൾ ഒ​രു ഹെ​ക്ട​റി​ന് ആ​വ​ശ്യ​മാ​ണ്.

പു​ത​യി​ട​ൽ

വി​ത്തു ചേ​ന്പു​ക​ൾ മു​ള​യ്ക്കു​ന്ന​തി​ന് ഏ​ക​ദേ​ശം 30-45 ദി​വ​സം വേ​ണ്ടി​വ​രും. മ​ണ്ണി​ന്‍റെ താ​പ​നി​ല നി​യ​ന്ത്ര​ണ​ത്തി​നും ജ​ല​സം​ഭ​ര​ണ​ശേ​ഷി വ​ർ​ധി​പ്പി​ക്കു​ന്ന​തി​നും ക​ള​ക​ൾ വ​ള​രാ​തി​രി​ക്കു​ന്ന​തി​നും പു​ത​യി​ട​ൽ സ​ഹാ​യ​ക​മാ​കു​ന്നു.

പ​ച്ചി​ല​യോ ക​രി​യി​ല​യോ കൊ​ണ്ട് പു​ത​യി​ടാം.

ഇ​ട​പോ​ക്ക​ൽ

സാ​ധാ​ര​ണ​യാ​യി 5-10% വ​രെ വി​ത്തു ചേ​ന്പു​ക​ൾ മു​ള​യ്ക്കാ​റി​ല്ല. ഇ​തി​നെ ത​ര​ണം ചെ​യ്യു​ന്ന​തി​ന് 2000 മു​ത​ൽ 3000 വ​രെ വി​ത്തു ചേ​ന്പു​ക​ൾ ഒ​രു ഹെ​ക്ട​റി​ന് എ​ന്ന തോ​തി​ൽ ഞാ​റ്റ​ടി​യി​ൽ അ​ടു​പ്പി​ച്ചു ന​ട്ട് മു​ള​പ്പി​ച്ച ശേ​ഷം ആ​വ​ശ്യാ​നു​സ​ര​ണം ഇ​ട​പോ​ക്ക​ലി​ന് ഉ​പ​യോ​ഗി​ക്കാ​വു​ന്ന​താ​ണ്.


വ​ള​പ്ര​യോ​ഗ​വും ഇ​ട​കി​ള​യ്ക്ക​ലും

ന​ടു​ന്ന​തി​നു മു​ൻ​പാ​യി ഹെ​ക്ട​റി​ന് 12 ട​ണ്‍ കാ​ലി​വ​ളം ഇ​ട്ട് മ​ണ്ണു​മാ​യി ഇ​ള​ക്കി ചേ​ർ​ക്കേ​ണ്ട​താ​ണ്. ഹെ​ക്ട​റി​ന് 80 കി​ലോ​ഗ്രാം പാ​ക്യ​ജ​ന​കം 25 കി​ലോ​ഗ്രാം ഭാ​വ​ഹം, 100 കി​ലോ​ഗ്രാം ക്ഷാ​രം എ​ന്ന തോ​തി​ൽ രാ​സ​വ​ള​ങ്ങ​ൾ ര​ണ്ടോ മൂ​ന്നോ ത​വ​ണ​ക​ളാ​യി ചേ​ർ​ക്കേ​ണ്ട​താ​ണ്.

വി​ത്തു​ക​ൾ മു​ള​ച്ച് ര​ണ്ടാ​ഴ്ച​ക്കു​ശേ​ഷം മൂ​ന്നി​ലൊ​രു ഭാ​ഗം പാ​ക്യ​ജ​ന​ക​വും (60 കി​ലോ യൂ​റി​യ, അ​ല്ലെ​ങ്കി​ൽ 135 കി​ലോ അ​മോ​ണി​യം സ​ൾ​ഫേ​റ്റ്) ക്ഷാ​ര​വും (55 കി​ലോ മ്യു​റി​യേ​റ്റ് ഓ​ഫ് പൊ​ട്ടാ​ഷ്), മു​ഴു​വ​ൻ ഭാ​വ​ഹ​വും ( 125 കി​ലോ മ​സൂ​റി​ഫോ​സ്) ന​ൽ​കേ​ണ്ട​താ​ണ്.

ബാ​ക്കി പാ​ക്യ​ജ​ന​ക​വും ക്ഷാ​ര​വും ആ​ദ്യ​ത്തെ വ​ള​പ്ര​യോ​ഗ​ത്തി​നു ശേ​ഷം ഓ​രോ മാ​സം ഇ​ട​വി​ട്ട് ര​ണ്ട് തു​ല്യ ഭാ​ഗ​ങ്ങ​ളാ​യി ന​ൽ​കേ​ണ്ട​താ​ണ്. ക​ള​പ​റി​ക്ക​ലും മ​ണ്ണ​ണ​ച്ചു​കൊ​ടു​ക്ക​ലും രാ​സ​വ​ള​പ്ര​യോ​ഗ​ത്തോ​ടൊ​പ്പം ചെ​യ്യേ​ണ്ട​താ​ണ്.

മാ​തൃ​ചെ​ടി​യു​ടെ ചു​വ​ട്ടി​ലു​ള്ള ചെ​റി​യ ആ​രോ​ഗ്യ​ക​ര​മ​ല്ലാ​ത്ത കി​ളി​ർ​പ്പു​ക​ൾ ര​ണ്ടാ​മ​ത്തെ ക​ള​പ​റി​യ്ക്ക​ലും ഇ​ട​കി​ള​യ്ക്ക​ലി​നോ​ടൊ​പ്പം മാ​റ്റേ​ണ്ട​താ​ണ്.

സി​ടി​സി​ആ​ർ​ഐ വി​ക​സി​പ്പി​ച്ചെ​ടു​ത്ത ക​സ്റ്റ​മൈ​സ്ഡ് വ​ള​ങ്ങ​ൾ ഹെ​ക്ട​റി​ന് 600 കി​ലോ​ഗ്രാം എ​ന്ന തോ​തി​ൽ ര​ണ്ടു ത​വ​ണ​ക​ളാ​യി ന​ൽ​കി​യാ​ൽ മ​റ്റ് വ​ള​ങ്ങ​ൾ ഒ​ഴി​വാ​ക്കാം.

ജൈ​വ​കൃ​ഷി

ജൈ​വ​കൃ​ഷി​യ്ക്കാ​യി വി​ത്ത് ചേ​ന്പ് ചാ​ണ​കം, വേ​പ്പി​ൻ​പി​ണ്ണാ​ക്ക്, സ്യൂ​ഡോ​മോ​ണ​സ് ഫ്ളൂ​റ​സെ​ൻ​സ് (5 ഗ്രാം ​ഒ​രു കി​ലോ വി​ത്തി​ന്) എ​ന്നി​വ ക​ല​ർ​ന്ന മി​ശ്രി​ത​ത്തി​ൽ മു​ക്കി ത​ണ​ലി​ൽ സൂ​ക്ഷി​ക്ക​ണം. എ​ന്നി​ട്ട് അ​പ്ര​കാ​രം ത​യാ​റാ​ക്കി​യ വി​ത്ത് ന​ടാ​നാ​യി ഉ​പ​യോ​ഗി​ക്കു​ക.

ഒ​രു ഹെ​ക്ട​ർ സ്ഥ​ല​ത്തേ​ക്ക് കാ​ലി​വ​ളം 15 ട​ണ്‍ (400 ഗ്രാം ​ഒ​രു ചെ​ടി​ക്ക്), വേ​പ്പി​ൻ​പി​ണ്ണാ​ക്ക് ഒ​രു ട​ണ്‍ ഒ​രു ഹെ​ക്ട​റി​ന് (25- 30 ഗ്രാം ​ഒ​രു ചെ​ടി​ക്ക്), ജീ​വാ​ണു​വ​ള​ങ്ങ​ളാ​യ അ​സോ​സ്പൈ​റി​ല്ലം, ഫോ​സ്ഫ​റ​സ് ബാ​ക്ടീ​രി​യ എ​ന്നി​വ ഹെ​ക്ട​റി​ന് 3 കി​ലോ​ഗ്രാം വീ​ത​വും മൈ​ക്കോ​റൈ​സ 5 കി​ലോ​ഗ്രാ​മും ചേ​ർ​ക്ക​ണം.

വി​ത്ത് ചേ​ന്പ് ന​ടു​ന്ന​തി​നോ​ടൊ​പ്പം പ​യ​ർ വി​ത്തു​ക​ൾ ഇ​ട​ക​ളി​ൽ പാ​കി 45-60 ദി​വ​സം ക​ഴി​യു​ന്പോ​ൾ മ​ണ്ണി​നോ​ടൊ​പ്പം ചേ​ർ​ക്ക​ണം. കൂ​ടാ​തെ 2 ട​ണ്‍ ചാ​രം പ​ച്ചി​ല വ​ള​ത്തോ​ടൊ​പ്പം ചേ​ർ​ക്കാ​ൻ ശ്ര​ദ്ധി​ക്ക​ണം. ചേ​ന്പി​ലെ ഇ​ല​ക​രി​ച്ചി​ൽ രോ​ഗ​ത്തി​നെ​തി​രെ മു​ക്ത​കേ​ശി ഇ​നം ന​ടു​ന്ന​താ​ണ് ന​ല്ല​ത്.

കൂ​ടാ​തെ ട്രെെ​ക്കോ​ഡെ​ർ​മ ആ​സ്പെ​റെ​ല്ലം പോ​ഷി​പ്പി​ച്ച ചാ​ണ​ക​പ്പാ​ലി​ൽ ത​യ്യാ​റാ​ക്കി​യ വി​ത്ത് ചേ​ന്പ് ന​ടാ​നാ​യി ഉ​പ​യോ​ഗി​ക്കു​ക. വെ​ർ​മി​കം​പോ​സ്റ് 100 ഗ്രാം ​ചെ​ടി​യൊ​ന്നി​ന് ഇ​ടു​ക. ക​രു​ത​ൽ ന​ട​പ​ടി​യാ​യി വെ​ർ​മി​വാ​ഷ് 100 മി​ല്ലി ലി​റ്റെ​ർ ഒ​രു ലി​റ്റ​ർ വെ​ള്ള​ത്തി​ന് എ​ന്ന ക​ണ​ക്കി​ൽ ര​ണ്ടാ​ഴ്ച ഇ​ട​വി​ട്ട് ത​ളി​യ്ക്കു​ക.

അ​ല്ലെ​ങ്കി​ൽ അ​കോ​മി​ൻ 3 മി​ല്ലി ഒ​രു ലി​റ്റ​റി​ന് എ​ന്ന തോ​തി​ലോ പൊ​ട്ടാ​സി​യം ഫോ​സ്ഫോ​ണേ​റ്റ് 3 മി​ല്ലി ഒ​രു ലി​റ്റ​റി​ന് എ​ന്ന തോ​തി​ലോ ന​ട്ടു ഒ​രു മാ​സം ക​ഴി​ഞ്ഞ്, ര​ണ്ടാ​ഴ്ച​യി​ൽ ഒ​രി​ക്ക​ൽ നാ​ലു മാ​സം വ​രെ ത​ളി​ക്കാ​വു​ന്ന​താ​ണ്. വെ​ണ്ട വി​ള ഇ​ട​വി​ള​യാ​യോ പ​രി​ക്ര​മ​വി​ള​യാ​യോ ചേ​ന്പി​നോ​ടൊ​പ്പം കൃ​ഷി​ചെ​യ്യു​ന്ന​താ​ണ് ന​ല്ല​ത്.

ജ​ല​സേ​ച​നം

മ​ഴ​യെ ആ​ശ്ര​യി​ച്ച് ചേ​ന്പ് കൃ​ഷി​ചെ​യ്യു​ന്പോ​ൾ ജ​ല​സേ​ച​നം ന​ൽ​കേ​ണ്ട​തി​ല്ല. എ​ന്നാ​ൽ മ​ഴ കു​റ​യു​ന്പോ​ഴോ, ഇ​ല്ലാ​ത്ത​പ്പോ​ഴോ 130-175 ലി​റ്റ​ർ വെ​ള്ളം ഒ​രു ദി​വ​സം ഒ​രു സെ​ന്‍റി​ന് ന​ൽ​കേ​ണ്ട​താ​ണ്.

വി​ള സ​ന്പ്ര​ദാ​യ​ങ്ങ​ൾ

വ​ള​ർ​ച്ച​യു​ടെ പ്രാ​രം​ഭ​ഘ​ട്ട​ത്തി​ൽ വി​വി​ധ ഹ്ര​സ്വ​കാ​ല വി​ള​ക​ളാ​യ പ​ച്ച​ക്ക​റി​ക​ൾ (മു​ള​ക്, ത​ക്കാ​ളി), ഇ​ല​ക്ക​റി​ക​ൾ (ചീ​ര, മ​ല്ലി),പ​യ​ർ വ​ർ​ഗ​ത്തി​ൽ​പ്പെ​ട്ട ഉ​ഴു​ന്ന്, ചെ​റു​പ​യ​ർ മു​ത​ലാ​യ​വ ഇ​ട​വി​ള​യാ​യി കൃ​ഷി ചെ​യ്യാം.

കേ​ര​ള​ത്തി​ൽ ചേ​ന്പ് സാ​ധാ​ര​ണ​യാ​യി വാ​ഴ, തെ​ങ്ങ്, ക​മു​ക് എ​ന്നി​വ​യ്ക്കി​ട​യി​ൽ ഇ​ട​വി​ള​യാ​യി കൃ​ഷി ചെ​യ്തു​വ​രു​ന്നു.

ചു​രു​ക്ക​ത്തി​ൽ ഹെ​ക്ട​റി​ന് 2.5 ല​ക്ഷം-2.8 ല​ക്ഷം രൂ​പ ലാ​ഭം പ്ര​തീ​ക്ഷി​ക്കാ​വു​ന്ന കേ​ര​ള​ത്തി​ന്‍റെ കാ​ലാ​വ​സ്ഥ​യ്ക്കും മ​ണ്ണി​നും വി​ള​സ​ന്പ്ര​ദാ​യ​ങ്ങ​ൾ​ക്കും യോ​ജി​ച്ച ഒ​രു കി​ഴ​ങ്ങ് വി​ള​യാ​ണ് ചേ​ന്പ്.