ബൈ​ബി​ളി​ലെ ഒ​ലി​വും രാ​മാ​യ​ണ​ത്തി​ലെ ശിം​ശി​പ​യും അ​റ​ബി​യി​ലെ ഊ​തും ഒ​ത്തു​ചേ​രു​ന്ന ഒ​രു സ​സ്യ​ത്തോ​ട്ടം ചോ​റ്റാ​നി​ക്ക​ര​യി​ലു​ണ്ട്. ചോ​റ്റാ​നി​ക്ക​ര ക​ണ​യ​ന്നൂ​ർ ഐ​ക്ക​ര​വേ​ലി​ൽ എ​സ​ക്കി​യേ​ൽ പൗ​ലോ​സി​ന്‍റെ കൃ​ഷി​ത്തോ​ട്ട​മാ​ണ് വൈ​വി​ധ്യ​ങ്ങ​ളി​ൽ വൈ​വി​ധ്യ​മൊ​രു​ക്കി ഏ​വ​രു​ടെ​യും ശ്ര​ദ്ധ​യാ​ക​ർ​ഷി​ക്കു​ന്ന​ത്.

ഔ​ഷ​ധസ​സ്യ​ങ്ങ​ളും പ​ച്ച​ക്ക​റി​ക​ളും അ​പൂ​ർ​വ​യി​നം വൃ​ക്ഷ​ങ്ങ​ളും തു​ട​ങ്ങി കൗ​തു​ക​വും വി​ജ്ഞാ​ന​വും പ​ക​രു​ന്ന ഒ​ട്ട​ന​വ​ധി സ​സ്യ​ല​താ​ദി​ക​ളും പ​ക്ഷി​മൃ​ഗാ​ദി​ക​ളു​മാ​ണ് എ​സ​ക്കി​യേ​ലി​ന്‍റെ തോ​ട്ട​ത്തി​ൽ വി​രാ​ജി​ക്കു​ന്ന​ത്.

പി​താ​വ് പ​ക​ർ​ന്നു ന​ൽ​കി​യ​ത്

പി​താ​വ് എ.​സി. പൗ​ലോ​സി​ൽ​നി​ന്നാ​ണ് എ​സ​ക്കി​യേ​ലി​ന് ഔ​ഷ​ധസ​സ്യ​ങ്ങ​ളോ​ട് പ്രി​യം തോ​ന്നി​ത്തു​ട​ങ്ങി​യ​ത്. ഒ​എ​ൻ​ജി​സി ജീ​വ​ന​ക്കാ​ര​നാ​യി​രു​ന്ന പി​താ​വ് ജോ​ലി സം​ബ​ന്ധ​മാ​യി യാ​ത്ര പോ​കു​ന്ന സ്ഥ​ല​ങ്ങ​ളി​ൽ കാ​ണു​ന്ന ഔ​ഷ​ധ സ​സ്യ​ങ്ങ​ളും അ​പൂ​ർ​വ ഇ​നം മ​ര​ങ്ങ​ളു​ടെ തൈ​ക​ളും വീ​ട്ടി​ൽ കൊ​ണ്ടു​വ​ന്നു ന​ട്ടു​പ​രി​പാ​ലി​ക്കു​ന്ന​ത് ക​ണ്ട മ​ക​ന് കൃ​ഷി​യോ​ട് അ​റി​യാ​തെ പ്രി​യം തോ​ന്നി​ത്തു​ട​ങ്ങു​ക​യാ​യി​രു​ന്നു.

റ​ബ​ർ വെ​ട്ടി​മാ​റ്റി ചെ​യ്ത കൃ​ഷി

ല​ക്ഷ​ങ്ങ​ൾ വ​രു​മാ​നം ല​ഭി​ച്ചി​രു​ന്ന മൂ​ന്ന​ര ഏ​ക്ക​ർ പു​ര​യി​ട​ത്തി​ലെ റ​ബ​ർ മ​ര​ങ്ങ​ൾ വെ​ട്ടി​മാ​റ്റി​യാ​ണ് ഐ​ടി പ്ര​ഫ​ഷ​ണ​ലാ​യ എ​സ​ക്കി​യേ​ൽ പൗ​ലോ​സ് വൈ​വി​ധ്യ​മാ​ർ​ന്ന കൃ​ഷി രീ​തി​ക​ൾ പ​രീ​ക്ഷി​ച്ച​ത്. ആ​ദ്യം കൗ​തു​ക​ത്തി​ന് ന​ട്ട ചെ​ടി​ക​ൾ വ​ള​രെ ന​ന്നാ​യി വ​ള​ർ​ന്നു. ഇ​തോ​ടെ എ​സ​ക്കി​യേ​ലി​ന് കൃ​ഷി​യോ​ടു​ള്ള ആ​ഭി​മു​ഖ്യ​വും വ​ർ​ധി​ച്ചു.

ആ​ദ്യം ന​ട്ട രു​ദ്രാ​ക്ഷ​മ​രം ഇ​പ്പോ​ൾ 48 അ​ടി ഉ​യ​ര​ത്തി​ലാ​യി​ക്ക​ഴി​ഞ്ഞു. പു​രാ​ണ​ത്തി​ലെ ശിം​ശി​പ 10 അ​ടി​യും ഉ​യ​ര​ത്തി​ലാ​യി​ട്ടു​ണ്ട്. വീ​ടി​നു ചു​റ്റും തൊ​ടി​യി​ലും പ​റ​ന്പി​ലു​മെ​ല്ലാം ഔ​ഷ​ധ​സ​സ്യ​ങ്ങ​ളും വി​ദേ​ശ ഇ​ന​ത്തി​ൽ​പ്പെ​ട്ട അ​പൂ​ർ​വ ഇ​നം മ​ര​ങ്ങ​ളും നി​റ​ഞ്ഞു നി​ൽ​ക്കു​ന്ന കാ​ഴ്ച ആ​രെ​യും അ​ത്ഭു​ത​പ്പെ​ടു​ത്തു​ന്ന​താ​ണ്.

വീ​ടി​ന്‍റെ പ്ര​വേ​ശ​ന ക​വാ​ട​ത്തി​ന് ഇ​രു​വ​ശ​ത്തും അ​പൂ​ർ​വ ഇ​നം ഔ​ഷ​ധ​സ​സ്യ​ങ്ങ​ളെ പ്ര​ത്യേ​കം സം​ര​ക്ഷി​ച്ചു നി​ർ​ത്തി​യി​രി​ക്കു​ക​യാ​ണ്. 14 വ​ർ​ഷം മു​ൻ​പ് ആ​രം​ഭി​ച്ച ഈ ​കൃ​ഷി​ത്തോ​ട്ടം ഇ​പ്പോ​ൾ ഏ​ക​ദേ​ശം അ​ഞ്ഞൂ​റി​ൽ പ​രം ഔ​ഷ​ധ​സ​സ്യ​ങ്ങ​ളു​ടെ ക​ല​വ​റ​യാ​യി​ക്ക​ഴി​ഞ്ഞു.

ബം​ഗ​ളൂ​രു​വി​ൽ ജോ​ലി ചെ​യ്തി​രു​ന്ന എ​സ​ക്കി​യേ​ൽ വാ​രാ​ന്ത്യ ഒ​ഴി​വു ദി​ന​ങ്ങ​ളി​ൽ നാ​ട്ടി​ലെ​ത്തി​യാ​ണ് ത​ന്‍റെ കൃ​ഷി​ത്തോ​ട്ട​ത്തെ ഈ ​വി​ധം പ​രി​പാ​ലി​ച്ചെ​ടു​ത്ത​ത്. ഇ​പ്പോ​ൾ വ​ർ​ക്ക് ഫ്രം ​ഹോ​മി​ന്‍റെ ഭാ​ഗ​മാ​യി എ​സ​ക്കി​യേ​ലും ഭാ​ര്യ ശ്രീ​ഷ​യും വീ​ട്ടി​ൽ​ത്ത​ന്നെ​യി​രു​ന്നാ​ണ് ജോ​ലി​യും കൃ​ഷി പ​രി​പാ​ല​ന​വും ഒ​രു​മി​ച്ചു കൊ​ണ്ടു പോ​കു​ന്ന​ത്.



ചെ​ടി​ക​ളി​ലെ വൈ​വി​ധ്യം

അ​കി​ൽ, കൃ​ഷ്ണ ആ​ൽ, ക​മ​ണ്ഡ​ലു, ഊ​ത്, കാ​യം, നീ​ർ​മ​രു​ത്, താ​ന്നി, വ​ലം​പി​രി, ഇ​ടം​പി​രി, മു​റി​കൂ​ട്ടി, കോ​ലി​ഞ്ചി ഇ​ങ്ങ​നെ ഒ​ട്ട​ന​വ​ധി​യാ​യ ചെ​ടി​ക​ളാ​ണ് ഇ​വി​ടെ വ​ള​രു​ന്ന​ത്. ഇ​വ​യു​ടെ കൂ​ട്ട​ത്തി​ൽ, തോ​ട്ട​ത്തി​ൽ വ​രു​ന്ന പ്രാ​ണി​ക​ളെ​യും മ​റ്റും ഭ​ക്ഷ​ണ​മാ​ക്കാ​ൻ ഇ​ര​പി​ടി​യ​ൻ സ​സ്യ​വു​മു​ണ്ടി​വി​ടെ.

കാ​യാ​ന്പൂ, ചു​വ​ന്ന​തും ക​റു​ത്ത​തു​മാ​യ ക​റ്റാ​ർ​വാ​ഴ, ഉ​ദ​ര​രോ​ഗ​ങ്ങ​ൾ​ക്ക് ഉ​പ​യോ​ഗി​ക്കു​ന്ന അ​യ്യ​പ്പ​ന, പേ​പ്പ​ട്ടി വി​ഷ​ബാ​ധ​യ്ക്ക് ഉ​പ​യോ​ഗി​ക്കു​ന്ന അം​ഗോ​ലം, രാ​സ്നാ​ദി ചെ​ടി​യാ​യ അ​ര​ത്ത, ചി​ല​ന്തി വി​ഷ​ത്തി​ന് പ്ര​തി​രോ​ധ മ​രു​ന്നാ​യ എ​ട്ടു​കാ​ലി പ​ച്ച, ഗു​ൽ​ഗു​ലു, കു​ട്ടി​ക​ൾ​ക്ക് ആ​രോ​ഗ്യ സം​ര​ക്ഷ​ണ​ത്തി​നു​പ​യോ​ഗി​ക്കു​ന്ന പാ​വ​ട്ടം, മ​ര​മ​ഞ്ഞ​ൾ, അ​ശ്വ​ഗ​ന്ധ തു​ട​ങ്ങി​യ​വ​യെ​ല്ലാം ത​ന്നെ പ്ര​ത്യേ​ക​മാ​യി​ട്ട് സം​ര​ക്ഷി​ച്ചാ​ണ് വ​ള​ർ​ത്തു​ന്ന​ത്.

മു​റി​വു​ണ​ക്കാ​ൻ ഉ​പ​യോ​ഗി​ക്കു​ന്ന ബെ​റ്റാ​ഡി​ൻ പ്ലാ​ന്‍റ് എ​ന്ന അ​പൂ​ർ​വ സ​സ്യ​വും ഇ​വി​ടെ​യു​ണ്ട്. എ​സ​ക്കി​യേ​ലി​ന്‍റെ ഔ​ഷ​ധ തോ​ട്ട​ത്തെ​ക്കു​റി​ച്ച​റി​ഞ്ഞ് വി​വി​ധ സ്ഥ​ല​ങ്ങ​ളി​ൽ നി​ന്നും വൈ​ദ്യ​ൻ​മാ​രും മ​റ്റും മ​രു​ന്നാ​വ​ശ്യ​ത്തി​നാ​യി ഇ​വി​ടെ​യെ​ത്തു​ന്നു​ണ്ട്.

ഒ​ലി​വ്, പി​യ​ർ, മി​റ​ക്കി​ൾ ഫ്രൂ​ട്ട് തു​ട​ങ്ങി ആ​ധു​നി​ക​വും വി​ദേ​ശി​ക​ളു​മാ​യ സ​സ്യ ഫ​ല​വ​ർ​ഗ​ങ്ങ​ളോ​ടൊ​പ്പം നാ​ട​ൻ പ​ഴ​വ​ർ​ഗ​ങ്ങ​ളാ​യ കീ​രി​പ്പ​ഴം, ഞാ​റ​പ്പ​ഴം, ഓ​ട​പ്പ​ഴം, കാ​ര​ക്ക തു​ട​ങ്ങി​യ​വും എ​സ​ക്കി​യേ​ലി​ന്‍റെ പു​ര​യി​ട​ത്തി​ൽ ഇ​ടം​പി​ടി​ച്ചി​ട്ടു​ണ്ട്. വീ​ട്ടാ​വ​ശ്യ​ത്തി​നു​ള്ള പ​ച്ച​ക്ക​റി​ക​ളും എ​സ​ക്കി​യേ​ൽ സ്വ​ന്തം തോ​ട്ട​ത്തി​ൽ​നി​ന്ന് വി​ള​വെ​ടു​ക്കു​ക​യാ​ണ്.

മ​ത്സ്യ​ക്കൃ​ഷി​യും

ഒ​ന്ന​ര ല​ക്ഷം ലി​റ്റ​ർ വെ​ള്ളം കൊ​ള്ളു​ന്ന കു​ള​ത്തി​ൽ മ​ത്സ്യ​ക്കൃ​ഷി​യും ഇ​വി​ടെ ന​ട​ക്കു​ന്നു​ണ്ട്. ഇ​വി​ടെ​നി​ന്നു​ള്ള വെ​ള്ളം ത​ന്നെ തോ​ട്ട​ത്തി​ൽ ന​ന​യ്ക്കാ​നും ഉ​പ​യോ​ഗ​പ്പെ​ടു​ത്തു​ന്ന എ​സ​ക്കി​യേ​ൽ സം​യോ​ജി​ത ജൈ​വ കൃ​ഷി രീ​തി​യാ​ണ് പി​ന്തു​ട​രു​ന്ന​ത്. പോ​ത്ത്, താ​റാ​വ്, ക​രി​ങ്കോ​ഴി, ഫ്ളൈ​യിം​ഗ് ഡ​ക്ക് തു​ട​ങ്ങി​യ​വ​യും എ​സ​ക്കി​യേ​ൽ സം​ര​ക്ഷി​ച്ചു പോ​രു​ന്നു.

താ​ളി​യോ​ല​ക​ളും ഗ്ര​ന്ഥ​ങ്ങ​ളും

കൃ​ഷി​യി​ലു​ള്ള വൈ​വി​ധ്യം കൂ​ടാ​തെ വി​വി​ധ​യി​നം താ​ളി​യോ​ല​ക​ളും ഗ്ര​ന്ഥ​ങ്ങ​ളും പ​ഴ​യ​കാ​ല ശേ​ഖ​ര​ങ്ങ​ളും എ​സ​ക്കി​യേ​ലി​ന്‍റെ കൈ​വ​ശ​മു​ണ്ട്. സ്കൂ​ൾ വി​ദ്യാ​ർ​ഥി​ക​ളാ​യ മ​ക്ക​ൾ സെ​ഫ​ന്യാ​യ്ക്കും സെ​നീ​റ്റ​യ്ക്കും മാ​താ​പി​താ​ക്ക​ളു​ടെ കൃഷിപ്പണികളോട് താൽപര്യമാണ്.

ഷി​ബു ജേ​ക്ക​ബ്