പുതയിടൽ മണ്ണിനു മുകളിൽ ജൈവ വസ്തുക്കൾ വിതറുന്ന രീതിയാണു പുതയിടൽ. രണ്ടു തരം പുതയിടലുണ്ട്. പയറുവർഗങ്ങൾ, പുല്ലുകൾ തുടങ്ങിയ വിളകൾ ഉപയോഗിച്ചുള്ള പുതയിടലും പുല്ല്, ഇലകൾ തുടങ്ങിയ ജൈവ വസ്തുക്കൾ ഉപയോഗിച്ചുള്ള പുതയിടലും.
മണ്ണിൽ നിന്നു ജല ബാഷ്പീകരണം കുറയ്ക്കുകയും വായു സഞ്ചാരം കൂട്ടുകയും ഫലഭൂയിഷ്ഠത വർധിപ്പിക്കുകയും ചെയ്യുന്നു. കളകൾ വളരാതിരിക്കുവാനും പുതയിടൽ സഹായിക്കും.
കീടരോഗ നിയന്ത്രണത്തിനായി അഗ്ന്യാസ്ത്രം, നീമാസ്ത്രം, ബ്രഹ്മാസ്ത്രം എന്നിവയാണ് ഉപയോഗിക്കുന്നത്. വെള്ളീച്ചകൾ, തണ്ടു തുരപ്പൻ, നീര് ഊറ്റി കുടിക്കുന്ന പ്രാണികൾ പുഴുക്കൾ എന്നിവയെ നിയന്ത്രിക്കാൻ ഇവ ഇലകളിലേക്ക് തളിക്കുക.
അഗ്ന്യാസ്ത്രം: 20 ലിറ്റർ ഗോമൂത്രത്തിൽ കുഴന്പ് പരുവത്തിൽ വേപ്പില (1 കിലോ), വെളുത്തുള്ളി (250 ഗ്രാം), പച്ചമുളക് (500 ഗ്രാം), പുകയില പൊടി (500 ഗ്രാം), 200 ഗ്രാം മഞ്ഞൾപൊടി എന്നിവ ചേർത്ത് തിളപ്പിക്കുക.
ബ്രഹ്മാസ്ത്രം: വേപ്പ്, ഉറുമാന്പഴം, പേര, സീതാപഴം തുടങ്ങിയ ഇലകളുടെ സത്ത് 2 കിലോ വീതം 20 ലിറ്റർ ഗോമൂത്രത്തിൽ ചേർത്ത് നന്നായി ഇളക്കി വയ്ക്കുക.
നീമാസ്ത്രം: 200 ലിറ്റർ വെള്ളത്തിലേക്ക് 10 ലിറ്റർ ഗോമൂത്രവും രണ്ട് കിലോഗ്രാം ചാണകവും 10 കിലോഗ്രാം വേപ്പില കുഴന്പും ചേർത്ത് നന്നായി ഇളക്കുക.
അഗ്ന്യാസ്ത്രത്തിനും ബ്രഹ്മാസ്ത്രത്തിനും ഒരേ ഉപയോഗ രീതിയാണ്. 68 ലിറ്റർ ലായനി 200 ലിറ്റർ വെള്ളത്തിൽ ചേർത്ത് വിളകളിലേക്ക് തളിക്കുക. നീമാസ്ത്രവും അതുപോലെതന്നെ ഉപയോഗിക്കാം.
മുകളിൽ പറഞ്ഞ എല്ലാ ലായനികളും 48 മണിക്കൂർ അടച്ചു വച്ച് അരിച്ചതിനു ശേഷം മാത്രം ഉപയോഗിക്കുക. 6 മാസം വരെ സൂക്ഷിച്ചു വയ്ക്കാം. അനാവശ്യമായ ഒരു ചെലവും സീറോ ബജറ്റ് പ്രകൃതി കൃഷിയിൽ വരുന്നില്ല.
അതുകൊണ്ടാണ് ഇതിനെ ചെലവില്ലാക്കൃഷി രീതി എന്ന് അറിയപ്പെടുന്നത്. സീറോ ബജറ്റ് പ്രകൃതി കൃഷി കർഷകർക്ക് സാന്പത്തികമായി ലാഭകരമാണെന്ന് തെളിയിക്കപ്പെട്ടിട്ടുണ്ട്.
ഫോണ്: 80896 82091
ആദർശ് ബി. സജീവ് വെള്ളായണി കാർഷിക കോളജ്