സംസ്കൃത സര്‍വകലാശാലയില്‍ പിജി സീറ്റ് ഒഴിവുകള്‍
കൊച്ചി: സംസ്കൃത സര്‍വകലാശാലയുടെ കാലടി മുഖ്യകാമ്പസില്‍ എംഎസ്‌സി (സൈക്കോളജി), എംഎസ്‌സി (സൈക്കോളജി ആന്‍ഡ് ഡിസാസ്റ്റര്‍ മാനേജ്‌മെന്‍റ്), എംഎസ്‌സി (ജ്യോഗ്രഫി), എംഎസ്‌സി (ജ്യോഗ്രഫി ആന്‍ഡ് ഡിസാസ്റ്റര്‍ മാനേജ്‌മെന്‍റ്), എംഎ (ഫിലോസഫി) പ്രോഗ്രാമുകളില് എസ്‌സി, എസ്ടി വിഭാഗങ്ങള്‍ക്ക് സംവരണം ചെയ്തിരിക്കുന്ന ഒഴിവുകളിലേക്കും എംഎ (ഫിലോസഫി) പ്രോഗ്രാമില് ഒഴിവുള്ള രണ്ട് ജനറല്‍ സീറ്റുകളിലേക്കും പ്രവേശനത്തിനായി സ്‌പോട്ട് അഡ്മിഷന്‍ നടത്തുന്നു.
പ്രവേശന പരീക്ഷയുടെ അടിസ്ഥാനത്തില്‍ തയാറാക്കുന്ന റാങ്ക് ലിസ്റ്റില്‍നിന്നാണ് പ്രവേശനം നടത്തുക. പ്രവേശന പരീക്ഷ ഇന്നു രാവിലെ 11ന് അതത് പഠനവകുപ്പുകളില്‍ നടത്തും. താത്പര്യമുള്ള യോഗ്യരായ വിദ്യാര്‍ഥികള്‍ അസല്‍ സര്‍ട്ടിഫിക്കറ്റുകളുമായി ഹാജരാകണമെന്ന് സര്‍വകലാശാല അറിയിച്ചു.