തേഞ്ഞിപ്പലം: കാലിക്കട്ട് സർവകലാശാലാ സെന്‍റർ ഫോർ ഫിസിക്കൽ എജ്യുക്കേഷനിൽ 2025 2026 അക്കാദമിക വർഷത്തേക്ക് മണിക്കൂറാടിസ്ഥാനത്തിലുള്ള ഗസ്റ്റ് അധ്യാപക നിയമനത്തിന് അപേക്ഷ ക്ഷണിച്ചു. പാർട്ട് ടൈം ഡയറ്റീഷ്യൻ ഇൻ സ്പോർട്സ് ന്യൂട്രീഷ്യൻ ആൻഡ് വെയിറ്റ് മാനേജ്മെന്‍റ്, കമ്പ്യൂട്ടർ സയൻസ് ആൻഡ് ഇൻഫർമേഷൻ ടെക്‌നോളജി, ഇംഗ്ലീഷ്, യോഗ എന്നീ വിഷയങ്ങളിലാണ് നിയമനം. യോഗ്യത: പ്രസ്തുത വിഷയത്തിൽ ബിരുദാനന്തര ബിരുദവും നെറ്റും. അപേക്ഷ വിശദമായ ബയോഡാറ്റ സഹിതം മാർച്ച് 27നകം പ്രിൻസിപ്പൽ, സെന്‍റർ ഫോർ ഫിസിക്കൽ എജ്യുക്കേഷൻ, യൂണിവേഴ്സിറ്റി ഓഫ് കാലിക്കട്ട്, മലപ്പുറം 673 635 എന്ന വിലാസത്തിൽ ലഭ്യമാക്കണം. ഇ മെയിൽ :
[email protected] . ഫോൺ : 9847206592
പരീക്ഷാ അപേക്ഷ എട്ടാം സെമസ്റ്റർ ബിടെക് / പാർട്ട് ടൈം ബിടെക് (2014 പ്രവേശനം) ഏപ്രിൽ 2022 സപ്ലിമെന്‍ററി, സർവകലാശാല എൻജിനീയറിംഗ് കോളജിലെ (സിയു ഐഇടി) എട്ടാം സെമസ്റ്റർ ബിടെക് ( 2015 പ്രവേശനം) ഏപ്രിൽ 2022, (2016 പ്രവേശനം) നവംബർ 2022, (2017 പ്രവേശനം) ഏപ്രിൽ 2023, (2018 പ്രവേശനം) നവംബർ 2023 സപ്ലിമെന്‍ററി പരീക്ഷകൾക്ക് പിഴ കൂടാതെ 27 വരെയും 190 രൂപ പിഴയോടെ ഏപ്രിൽ രണ്ട് വരെയും അപേക്ഷിക്കാം. ലിങ്ക് മാർച്ച് 17 മുതൽ ലഭ്യമാകും.
പരീക്ഷ വിദൂര വിഭാഗം / പ്രൈവറ്റ് രജിസ്‌ട്രേഷൻ വിദ്യാർഥികൾക്കുള്ള ആറാം സെമസ്റ്റർ (2022 പ്രവേശനം) ബി.എ. ‘ PHL 6B 17 Asian Philosophy ’ പേപ്പർ ഏപ്രിൽ 2025 റഗുലർ പരീക്ഷ ഏപ്രിൽ പത്തിന് നടക്കും. സമയം 1.30 മുതൽ 4.15 വരെ.
പരീക്ഷാഫലം മൂന്നാം സെമസ്റ്റർ (സിസിഎസ്എസ് 2023 പ്രവേശനം ) എംഎസ്‌സി അപ്ലൈഡ് സുവോളജി നവംബർ 2024 പരീക്ഷയുടെ ഫലം പ്രസിദ്ധീകരിച്ചു.
മൂന്നാം സെമസ്റ്റർ (സിബിസിഎസ്എസ്) ഇന്‍റഗ്രേറ്റഡ് എംഎസ്‌സി ബോട്ടണി വിത് കംപ്യൂട്ടേഷണൽ ബയോളജി, സ്റ്റാറ്റിസ്റ്റിക്‌സ്, സൈക്കോളജി, ഇന്‍റഗ്രേറ്റഡ് എംഎ ഇംഗ്ലീഷ് ആൻഡ് മീഡിയ സ്റ്റഡീസ്, മലയാളം, പൊളിറ്റിക്സ് ആൻഡ് ഇന്‍റർനാഷണൽ റിലേഷൻസ്, സോഷ്യോളജി (2020 പ്രവേശനം) നവംബർ 2023, (2021 മുതൽ 2023 വരെ പ്രവേശനം) നവംബർ 2024 റഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 25 വരെ അപേക്ഷിക്കാം.
വിദൂര വിഭാഗം നാലാം സെമസ്റ്റർ ( 2019 പ്രവേശനം ) എംഎ സാൻസ്ക്രിറ്റ് ലാംഗ്വേജ് ആൻഡ് ലിറ്ററേച്ചർ ജനറൽ സെപ്റ്റംബർ 2023 ഒറ്റത്തവണ റഗുലർ സപ്ലിമെന്‍ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 26 വരെ അപേക്ഷിക്കാം.