അന്താരാഷ്ട്ര സമ്മേളനം
കാലിക്കട്ട് സർവകലാശാല കൊമേഴ്സ് ആൻഡ് മാനേജ്മെന്റ് സ്റ്റഡീസ് പഠനവകുപ്പ് ‘ഷേപ്പിംഗ് ദി ഫ്യൂച്ചർ മാനേജ്മെന്റ് ട്രെൻഡ്സ് ആൻഡ് ഇൻസൈറ്റ്സ്’ എന്ന വിഷയത്തിൽ ഫെബ്രുവരി 19, 20 തീയതികളിൽ അന്താരാഷ്ട്ര സമ്മേളനം സംഘടിപ്പിക്കും. പഠനവകുപ്പ് സെമിനാർ ഹാളിൽ രാവിലെ പത്ത് മുതൽ വൈകുന്നേരം അഞ്ചു വരെയാണ് സമ്മേളനം. ഡോ. സുനയന ഇഖ്ബാൽ, ഡോ. അക്കാൻഷാ ആരിഫ് (യൂണിവേഴ്സിറ്റി ഓഫ് വെസ്റ്റ് ലണ്ടൻ), ഡോ. നാംദേവ് എം. ഗവാസ് (ഗവ. കോളജ് ഓഫ് ആർട്സ്, സയൻസ് ആൻഡ് കൊമേഴ്സ് സാൻക്വലിം, ഗോവ), ഡോ. മഞ്ജു മഹിപാലൻ (എൻഐടി കാലിക്കട്ട്), ഡോ. സഞ്ജീവനി സെഹ്ഗൽ (യൂണിവേഴ്സിറ്റി ഓഫ് ഡൽഹി), ഡോ. വി.കെ. സുബീഷ് (എസ്എആർബി ടിഎം ഗവ. കോളജ് കൊയിലാണ്ടി) എന്നിവർ പ്രഭാഷണം നടത്തും.
പരീക്ഷാഫലം
മൂന്നാം സെമസ്റ്റർ ബിഎഡ് സ്പെഷ്യൽ എജ്യുക്കേഷൻ ഇന്റലക്ച്വൽ ഡിസെബിലിറ്റി / ഹിയറിംഗ് ഇംപയർമെന്റ് നവംബർ 2024 റഗുലർ പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് മാർച്ച് ഒന്ന് വരെ അപേക്ഷിക്കാം.
ഒന്നാം സെമസ്റ്റർ (സിസിഎസ്എസ്) എംഎസ്സി സ്റ്റാറ്റിസ്റ്റിക്സ് നവംബർ 2024 സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു.
മൂന്നാം സെമസ്റ്റർ (സിബിസിഎസ്എസ് 2023 പ്രവേശനം ) ബിടിഎ നവംബർ 2024 പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 28 വരെ അപേക്ഷിക്കാം.
സൂക്ഷ്മപരിശോധനാഫലം
ആറാം സെമസ്റ്റർ എൽഎൽബി യൂണിറ്ററി ഏപ്രിൽ 2024 റഗുലർ / സപ്ലിമെന്ററി പരീക്ഷകളുടെ സൂക്ഷ്മപരിശോധനാ ഫലം പ്രസിദ്ധീകരിച്ചു.