തേഞ്ഞിപ്പലം: കാലിക്കട്ട് സർവകലാശാല ഹിന്ദി പഠനവകുപ്പിൽ സ്പോക്കൺ ഹിന്ദി സർട്ടിഫിക്കറ്റ് കോഴ്‌സിന് ഏതാനും സീറ്റൊഴിവുണ്ട്. യോഗ്യത: പത്താം ക്ലാസ്. കോഴ്സ് ഫീസ്: 1325 രൂപ. പ്രായപരിധിയില്ല. താത്പര്യമുള്ളവർ എസ്എസ്എൽസി സർട്ടിഫിക്കറ്റ് സഹിതം 30 ന് രാവിലെ 11ന് പഠനവകുപ്പിൽ ഹാജരാകണം. ഫോൺ: 0494 2407392.
ഓഡിറ്റ് കോഴ്സ് പരീക്ഷാ അപേക്ഷ
കാലിക്കട്ട് സർവകലാശാല വിദൂര ഓൺലൈൻ വിദ്യാഭ്യാസ കേന്ദ്രത്തിനു കീഴിലെ ബിഎ, ബികോം ബിബിഎ (സിബിസിഎസ്എസ് 2022 പ്രവേശനം ) വിദ്യാർഥികൾക്കുള്ള ഒന്ന്, രണ്ട് സെമസ്റ്റർ ഓഡിറ്റ് കോഴ്സ് സപ്ലിമെന്‍ററി പരീക്ഷയ്ക്കും മൂന്ന്, നാല് സെമസ്റ്റർ ഓഡിറ്റ് കോഴ്സ് റഗുലർ പരീക്ഷയ്ക്കും ഓൺലൈനായി ഫെബ്രുവരി 17 വരെ രജിസ്റ്റർ ചെയ്യാം. വിശദമായ സമയക്രമവും ഓൺലൈൻ പരീക്ഷയുടെ ലിങ്കും പിന്നീട് വെബ്സൈറ്റിൽ പ്രസിദ്ധീകരിക്കും https://sde.uoc.ac.in/. ഫോൺ: 0494 2400288, 2407356.
പ്രാക്ടിക്കൽ പരീക്ഷ
മൂന്നാം സെമസ്റ്റർ ബിവോക് മൊബൈൽ ആപ്ലിക്കേഷൻ ഡെവലപ്മെന്‍റ് നവംബർ 2024 പ്രാക്ടിക്കൽ പരീക്ഷകൾ ഫെബ്രുവരി 24ന് തുടങ്ങും. കേന്ദ്രം: അമൽ കോളജ് ഓഫ് അഡ്വാൻസ്ഡ് സ്റ്റഡീസ്, ശാന്തിഗ്രാമം നിലമ്പൂർ.
മൂന്നാം സെമസ്റ്റർ (2023 ബാച്ച്) ബിവോക് ജെമ്മോളജി നവംബർ 2024 പ്രാക്ടിക്കൽ പരീക്ഷകൾ ജനുവരി 30ന് തുടങ്ങും. കേന്ദ്രം: സെന്‍റ് അലോഷ്യസ് കോളജ്, എൽതുരുത്ത്. വിശദമായ സമയക്രമം വെബ്സൈറ്റിൽ.
ഒറ്റത്തവണ റെഗുലർ സപ്ലിമെന്‍ററി പരീക്ഷ
എല്ലാ അവസരങ്ങളും നഷ്ടമായവർക്കുള്ള അഞ്ചാം സെമസ്റ്റർ ബിടെക് (2000 മുതൽ 2003 വരെ പ്രവേശനം), പാർട്ട് ടൈം ബിടെക് (2000 മുതൽ 2008 വരെ പ്രവേശനം) സെപ്റ്റംബർ 2022 ഒറ്റത്തവണ റെഗുലർ സപ്ലിമെന്‍ററി പരീക്ഷകൾ ഫെബ്രുവരി 28ന് തുടങ്ങും. കേന്ദ്രം: ടാഗോർ നികേതൻ, കാലിക്കട്ട് സർവകലാശാല ക്യാമ്പസ്. വിശദമായ സമയക്രമം വെബ്സൈറ്റിൽ.
പരീക്ഷാഫലം
രണ്ടാം സെമസ്റ്റർ (സിസിഎസ്എസ് പിജി 2019 പ്രവേശനം ) എംബിഎ സെപ്റ്റംബർ 2023 ഒറ്റത്തവണ റെഗുലർ സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു.
ഒന്നാം സെമസ്റ്റർ (സിബിസിഎസ്എസ്) എംവോക് സോഫ്റ്റ്‌വെയർ ഡെവലപ്മെന്‍റ് വിത് സ്പെഷ്യലൈസേഷൻ ഇൻ ഡാറ്റാ അനലറ്റിക്സ് നവംബർ 2024 റഗുലർ ( 2023 പ്രവേശനം ) / സപ്ലിമെന്‍ററി ( 2022 പ്രവേശനം ) പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ഫെബ്രുവരി നാല് വരെ അപേക്ഷിക്കാം.
അഞ്ചാം സെമസ്റ്റർ (2021 പ്രവേശനം മാത്രം ) മൂന്നു വർഷ എൽഎൽബി യൂണിറ്ററി ഡിഗ്രി മെയ് 2024 സേവ് എ ഇയർ (സേ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ഫെബ്രുവരി ആറ് വരെ അപേക്ഷിക്കാം.
വിദൂരവിഭാഗം മൂന്നാം സെമസ്റ്റർ (സിബിസിഎസ്എസ്) ബികോം, ബിബിഎ നവംബർ 2024 റെഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ഫെബ്രുവരി പത്ത് വരെ അപേക്ഷിക്കാം.
രണ്ടാം സെമസ്റ്റർ ബിബിഎ എൽഎൽബി ഹോണേഴ്‌സ് ഏപ്രിൽ 2024 (2019 മുതൽ 2023 വരെ പ്രവേശനം), നവംബർ 2024 (2016 മുതൽ 2018 വരെ പ്രവേശനം) റഗുലർ / സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ഫെബ്രുവരി 11 വരെ അപേക്ഷിക്കാം.
സിണ്ടിക്കേറ്റ് യോഗം
തേഞ്ഞിപ്പലം: ജനുവരി 27ന് നടത്താനിരുന്ന് മാറ്റിവച്ച കാലിക്കട്ട് സർവകലാശാല സിണ്ടിക്കേറ്റ് യോഗം 30ന് രാവിലെ പത്തിന് സിണ്ടിക്കേറ്റ് കോൺഫറൻസ് ഹാളിൽ ചേരും.