2023 ഡിസംബറിൽ നടത്തിയ നാലാം സെമസ്റ്റർ ബിടെക് (2013 സ്കീം) പരീക്ഷാഫലം പ്രസിദ്ധീകരിച്ചു. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും 2025 ഫെബ്രുവരി 1 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2024 ആഗസ്റ്റിൽ നടത്തിയ ഒന്നാം വർഷ ബിബിഎ ആന്വൽ സ്കീംപ്രൈവറ്റ് രജിസ്ട്രേഷൻ (റെഗുലർ 2023 അഡ്മിഷൻ, ഇംപ്രൂവ്മെന്‍റ്/ സപ്ലിമെന്‍ററി 2022 അഡ്മിഷൻ, സപ്ലിമെന്‍ററി 2020, 2021 അഡ്മിഷൻ, മേഴ്സിചാൻസ് 2016 2018 അഡ്മിഷൻ) പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യ നിർണ്ണയത്തിനുമുള്ള അപേക്ഷകൾ സർവകലാശാല ഓഫീസിൽ സമർപ്പിക്കേണ്ട അവസാന തീയതി ഫെബ്രുവരി 12. വിശദവിവരങ്ങൾ വെബ്സൈറ്റിൽ
ടൈംടേബിൾ
യൂണിവേഴ്സിറ്റി കോളേജ് ഓഫ് എഞ്ചിനീയറിംഗ് കാര്യവട്ടത്തെ മൂന്നാം സെമസ്റ്റർ ബിടെക് (2018 സ്കീം സപ്ലിമെന്‍ററി) ഡിസംബർ 2024പരീക്ഷയുടെ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
പിജി ഡിപ്ലോമ ഇൻ പാലിയോഗ്രാഫി ആൻഡ് കണ്‍സർവേഷൻ ഓഫ് മാനുസ്ക്രിപ്റ്റ്സ്
കോഴ്സിലേക്ക് അപേക്ഷിക്കുവാനുള്ള അവസാന തീയതി ദീർഘിപ്പിച്ചു
ഓറിയന്‍റൽ റിസർച്ച് ഇൻസ്റ്റിറ്റ്യൂട്ട് ആൻഡ് മാനുസ്ക്രിപ്റ്റ്സ് ലൈബ്രറിയിൽ പിജി ഡിപ്ലോമ ഇൻ പാലിയോഗ്രഫി ആൻഡ് കണ്‍സർവേഷൻ ഓഫ് മാനുസ്ക്രിപ്റ്റ്സ് കോഴ്സിലേക്ക് (റെഗുലർ) (20242025 ബാച്ച്) അഡ്മിഷനുള്ള അപേക്ഷ സമർപ്പിക്കുന്നതിനുള്ള അവസാന തീയതി 30 വരെ ദീർഘിപ്പിച്ചു. യോഗ്യത: ഏതെങ്കിലും വിഷയത്തിലുള്ള ബിരുദം. കുറഞ്ഞത് 50% മാർക്കോടെ പാസായിരിക്കണം. അപേക്ഷാ ഫോമും വിശദവിവരങ്ങളും വെബ്സൈറ്റിൽ. ഫോണ്: 04712308421/9495700985.
മനോന്മണീയം സുന്ദരനാർ ഇൻർനാഷണൽ സെന്‍റർ ഫോർ ദ്രവീഡിയൻ
കൾച്ചറൽ സ്റ്റഡീസ് ഫംഗ്ഷണൽ മലയാളം ഓണ്‍ലൈൻ സർട്ടിഫിക്കറ്റ് കോഴ്സ്
കേരളസർവകലാശാലയുടെ കീഴിൽ പ്രവർത്തിക്കുന്ന മനോന്മണീയം സുന്ദരനാർ ഇന്‍റർനാഷണൽ സെന്‍റർ ഫോർ ദ്രവീഡിയൻ കൾച്ചറൽ സ്റ്റഡീസ് 2025 ഏപ്രിൽ 15 മുതൽ 2025 ജൂലൈ 15 വരെ മൂന്ന് മാസത്തെ ഓണ്‍ലൈനായി ഫംഗ്ഷണൽ മലയാളം സർട്ടിഫിക്കറ്റ് കോഴ്സ് നടത്തുന്നു. മലയാളം വായിക്കാനും എഴുതാനും സംസാരിക്കാനും വിവർത്തനം ചെയ്യാനും വിദ്യാർത്ഥികളെ പ്രാപ്തരാക്കുന്ന തരത്തിലാണ് സിലബസ് ആസൂത്രണം ചെയ്തിരിക്കുന്നത്.. മൂന്ന് മാസമാണ് കോഴ്സിന്റെ കാലാവധി. എല്ലാ പ്രവൃത്തി ദിവസങ്ങളിലും വൈകുന്നേരം 6 മുതൽ 8 മണി
വരെയാണ് ക്ലാസ്‌സ്. ഗൂഗിൾ മീറ്റ് വഴിയാണ് ക്ലാസുകൾ കൈകാര്യം ചെയ്യുന്നത്. ഹയർ
സെക്കൻണ്ടറി വിജയമാണ് അടിസ്ഥാന യോഗ്യത. കോഴ്സിൽ പങ്കെടുക്കുന്നതിന് ഉയർന്ന പ്രായപരിധി ഇല്ല. അഡ്മിഷൻ ലഭിച്ച വിദ്യാർത്ഥികൾ കോഴ്സ് ഫീ ആയ 500 / രൂപ കേരളയൂണിവേഴ്സിറ്റി വെബ്സൈറ്റിൽ ഓണ്‍ലൈൻ ആയി അടയ്ക്കണം. അറ്റന്‍റൻസ്, ഗ്രൂപ്പ് വർക്ക്, എഴുത്തുപരീക്ഷ, വാചാ പരീക്ഷ എന്നിങ്ങനെ നൂറ് മാർക്കാണ് ആകെ സ്കോർ. കോഴ്സ് വിജയിക്കുന്നതിന് 50 മാർക്ക് നേടണം. കോഴ്സിൽ ചേരാൻ ആഗ്രഹിക്കുന്നവർ ഫെബ്രുവരി 13, 14, 15 തീയതികളിൽ മൂന്നാർ പഞ്ചായത്ത് ഹാളിൽ അപേക്ഷകൾ നേരിട്ട് സമർപ്പിക്കണം.