ഒന്നാം വർഷ ബിരുദ പ്രവേശനം - 2024; രണ്ടാംഘട്ട അലോട്ട്മെന്റ് പ്രസിദ്ധീകരിച്ചു
202425 അധ്യയന വർഷത്തിലെ ഒന്നാം വർഷ ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് എന്ന വെബ്സൈറ്റിൽ പ്രസിദ്ധീകരിച്ചു. അപേക്ഷകർക്ക് അപേക്ഷാ നന്പറും പാസ്സ് വേർഡും ഉപയോഗിച്ച് പ്രൊഫൈലിൽ ലോഗിൻ ചെയ്ത് അലോട്ട്മെന്റ് പരിശോധിക്കാം. അലോട്ട്മെന്റ് ലഭിച്ചവർ നിശ്ചിത സർവകലാശാല ഫീസ് (ഫീസ് വിശദാംശങ്ങൾ വെബ്സൈറ്റിൽ) ഓണ്ലൈനായി ഒടുക്കി ഫീസ് Transaction Success എന്ന് രേഖപ്പെടുത്തിയിട്ടുള്ള രസീതിന്റെ പ്രിന്റ്ഒൗട്ട് എടുത്ത് സൂക്ഷിക്കണം. നിലവിൽ ഒന്നാം ഘട്ട അലോട്ട്മെന്റ് ലഭിച്ച് ഫീസ് ഒടുക്കിയവർ പ്രൊഫൈൽ മുഖേന വീണ്ടും ഫീസ് ഒടുക്കേണ്ടതില്ല. അലോട്ട്മെന്റ് മെമ്മോയിൽ പറഞ്ഞിരിക്കുന്ന അതാത് തീയതികളിൽ (18.06.2024 to 22.06.2024) യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം കോളജിൽ ഹാജരായി Permanent/Temporary അഡ്മിഷൻ എടുക്കണം. ഈ ഘട്ടത്തിൽ Temporary / Permanent അഡ്മിഷൻ എടുക്കാത്ത വിദ്യാർഥികളെ തുടർന്ന് വരുന്ന മൂന്നാം അലോട്ട്മെന്റിലേക്ക് ഒരു കാരണവശാലും പരിഗണിക്കുന്നതല്ല. അഡ്മിഷൻ ലഭിക്കുന്ന എല്ലാ വിദ്യാർഥികൾക്കും അപാർ (APAAR) ഐ.ഡി. നിർബന്ധമായും ഉണ്ടായിരിക്കേണ്ടതാണ്. ആയതിനാൽ നിലവിൽ അപാർ (APAAR) ഐഡി ഇല്ലാത്ത വിദ്യാർഥികൾ അഡ്മിഷൻ തീയതിക്ക് മുൻപായി www.abc.gov.in എന്ന വെബ്സൈറ്റ് സന്ദർശിച്ച് അപാർ (APAAR) ഐ.ഡി. ജനറേറ്റ് ചെയ്യണം.
പരീക്ഷാഫലം
2023 നവംബറിൽ നടത്തിയ രണ്ടാം സെമസ്റ്റർ എംഎ ഹിസ്റ്ററി, എംഎ സോഷ്യോളജി, എംഎ മ്യൂസിക് (മൃദംഗം) ഡിഗ്രി പരീക്ഷകളുടെ (റെഗുലർ & ഇംപ്രൂവ്മെന്റ്/സപ്ലിമെന്ററി) പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് SLCM വഴി രജിസ്റ്റർ ചെയ്ത (2021 & 2022 അഡ്മിഷൻ) വിദ്യാർഥികൾ www.slcm.keralauniversity.ac.in മുഖേനയും സപ്ലിമെന്ററി (2019 & 2020 അഡ്മിഷൻ) വിദ്യാർഥികൾ exams.keralauniversity.ac.in മുഖേനയും 24 നകം ഓണ്ലൈ നായി അപേക്ഷ സമർപ്പിക്കണം. വിശദവിവരങ്ങൾ വെബ്സൈറ്റിൽ.
ജോബ് ഫെയർ
കേരളസർവകലാശാലയും കാഞ്ഞിരംകുളം ഗവണ്മെന്റ് കെഎൻഎം ആർട്സ് & സയൻസ് കോളജും കേരള നോളജ് ഇക്കണോമി മിഷനും ഇൻഫർമേഷൻ ആൻഡ് കമ്യൂണിക്കേഷൻ ടെക്നോളജി അക്കാദമി ഓഫ് കേരളയുമായി ((ICTAK) സഹകരിച്ച് ഗവണ്മെന്റ് കെഎൻഎം ആർട്സ് & സയൻസ് കോളജിലെ ഓഡിറ്റോറിയത്തിൽ ഒരു ജോബ് ഫെയർ 22നു രാവിലെ 9:00 മുതൽ വൈകുന്നേരം 5:00 വരെ നടത്തുന്നു. ഇരുപതോളം കന്പനികൾ ജോബ്ഫെയറിൽ പങ്കെടുക്കുമെന്ന് പ്രതീക്ഷിക്കുന്നു. ജോബ് ഫെയർ രാവിലെ ഒന്പതിന് കേരളസർവകലാശാല സിൻഡിക്കേറ്റ് അംഗം പ്രഫ.(ഡോ.) കെ.ജി.ഗോപ്ചന്ദ്രൻ ഉദ്ഘാടനം ചെയ്യും.