യുജി, പിജി പ്രോഗ്രാമുകളിലേക്ക് ഒക്ടോബർ 25 വരെ അപേക്ഷിക്കാം
കണ്ണൂർ: ശ്രീനാരായണ ഗുരു ഓപ്പൺ യൂണിവേഴ്സിറ്റിയിലെ ഈ വർഷത്തെ യുജി, പിജി പ്രോഗ്രാമു കളിലേക്ക് അപേക്ഷ ക്ഷണിച്ചു. 16 യുജി പ്രോഗ്രാമുകളിലേക്കും 12 പിജി പ്രോഗ്രാമുകളിലേക്കും ഒക്ടോബർ 25 വരെ അപേക്ഷിക്കാമെന്ന് വിസി പ്രഫ. ഡോ. വി.പി. ജഗതിരാജ് കണ്ണൂരിൽ പത്രസമ്മേളനത്തിൽ അറിയിച്ചു.
ഇതിൽ ആറു യുജി പ്രോഗ്രാമുകൾ ഈ വർഷം മുതൽ നാലുവർഷ ഓണേഴ്സ് ഘടനയിലേക്ക് മാറും. നാലുവർഷ ഓണേഴ്സ് ബിരുദത്തിന് ചേരുന്നവർക്കു മൂന്നു വർഷം കഴിഞ്ഞാൽ നിശ്ചിത ക്രെഡിറ്റ് ലഭിക്കുന്ന മുറയ്ക്കു ഡിഗ്രി സർട്ടിഫിക്കറ്റോടുകൂടി എക്സിറ്റ് ഓപ്ഷൻ നല്കുന്നുണ്ട്.
ബിബിഎ, ബികോം, ബിഎ ഇംഗ്ലീഷ് , ബിഎ മലയാളം, ബിഎ ഹിസ്റ്ററി, ബിഎ സോഷ്യോളജി എന്നീ കോഴ്സുകളാണു നാലുവർഷ ഓണേഴ്സ് ഘടനയിലേക്ക് മാറുന്നത്. യൂണിവേഴ്സിറ്റിയിൽ ബിഎസ് സി ഡാറ്റാ സയൻസ് ആന്ഡ് അനലിറ്റിക്സ്, ബിഎസ്സി മൾട്ടിമീഡിയ എന്നീ ബിരുദ പ്രോഗ്രാമുക ൾ തുടങ്ങാനുള്ള പ്രവർത്തനങ്ങൾ അവസാന ഘട്ടത്തിലാണെന്ന് അധികൃതർ പറഞ്ഞു.