ഓണേഴ്‌സ് ബിരുദം; ആദ്യ സെമസ്റ്റര്‍ മൂല്യനിര്‍ണയം തുടങ്ങി
എംജി സര്‍വകലാശാല 2024 ജൂലൈയില്‍ ആരംഭിച്ച ഓണേഴ്‌സ് ബിരുദ പ്രോഗ്രാമുകളുടെ (എംജിയുയുജിപി ഓണേഴ്‌സ്) ഒന്നാം സെമസ്റ്റര്‍ പരീക്ഷാ മൂല്യനിര്‍ണയം അതത് കോളജുകളില്‍ ക്രമീകരിച്ച കേന്ദ്രീകൃത മൂല്യനിര്‍ണയ ക്യാമ്പുകളില്‍ ആരംഭിച്ചു.
സര്‍വകലാശാലയില്‍നിന്ന് നിയോഗിച്ച ഉദ്യോഗസ്ഥരുടെ മേല്‍നോട്ടത്തിലാണ് ക്യാമ്പുകള്‍ പ്രവര്‍ത്തിക്കുന്നത്. മൂല്യനിര്‍ണയത്തിന് മുന്നോടിയായി ഓരോ കോളജിലെയും എംജിയുയുജിപി കോഓര്‍ഡിനേറ്റര്‍മാരായ അധ്യാപകര്‍ക്ക് സര്‍വകലാശാല പരിശീലനം നല്‍കിയിരുന്നു. വൈസ് ചാന്‍സലര്‍ ഡോ. സി.ടി. അരവിന്ദകുമാര്‍ കോളജ് പ്രിന്‍സിപ്പല്‍മാരുമായി സംവദിക്കുകയും മൂല്യനിര്‍ണയം സംബന്ധിച്ച സംശയ നിവാരണം നടത്തുകയും ചെയ്തു.
ഒന്നാം സെമസ്റ്റര്‍ പരീക്ഷയുടെ ഫലത്തിനൊപ്പം വിദ്യാര്‍ഥികളുടെ കോഴ്‌സ് ഔട്ട്കം നേട്ടത്തിന്റെ ആര്‍ജ്ജിത ശതമാനം കൂടി ഉള്‍പ്പെടുത്തിയ മാര്‍ക്ക് ലിസ്റ്റുകളായിരിക്കും നല്‍കുകയെന്ന് പരീക്ഷാ കണ്‍ട്രോളര്‍ ഡോ. സി.എം. ശ്രീജിത്ത് അറിയിച്ചു.
പ്രാക്ടിക്കല്‍
മൂന്നാം സെമസ്റ്റര്‍ സിബിസിഎസ്(പുതിയ സ്‌കീം, 2023 അഡ്മിഷന്‍ റെഗുലര്‍, 2022 അഡ്മിഷന്‍ ഇംപ്രൂവ്‌മെന്റ്, 2018 മുതല്‍ 2022 വരെ അഡ്മിഷനുകള്‍ റീ അപ്പിയറന്‍സ് ഒക്ടോബര്‍ 2024) പരീക്ഷയുടെ ബിഎ കഥകളി സംഗീതം, മദ്ദളം പ്രാക്ടിക്കല്‍ പരീക്ഷകള്‍ ഡിസംബര്‍ 16 മുതലും ബിഎ മോഹിനിയാട്ടം പ്രാക്ടിക്കല്‍ പരീക്ഷകള്‍ ജനുവരി ഏഴു മുതലും തൃപ്പൂണിത്തുറ ആര്‍എല്‍വി കോളജ് ഓഫ് മ്യൂസിക് ആന്‍ഡ് ഫൈന്‍ ആര്‍ട്‌സില്‍ നടക്കും. ടൈം ടേബിള്‍ വെബ്‌സൈറ്റില്‍.
മൂന്നാം സെമസ്റ്റര്‍ എംഎസ്്‌സി ആര്‍ട്ടിഫിഷ്യല്‍ ഇന്റലിജന്‍സ് സിഎസ്എസ് (2023 അഡ്മിഷന്‍ റെഗുലര്‍, 2019 മുതല്‍ 2022 വരെ അഡ്മിഷനുകള്‍ റീ അപ്പിയറന്‍സ് ഒക്ടോബര്‍ 2024) പ്രാക്ടിക്കല്‍ പരീക്ഷകള്‍ 16 മുതല്‍ നടക്കും. ടൈം ടേബിള്‍ വെബ്‌സൈറ്റില്‍.
അഞ്ചാം സെമസ്റ്റര്‍ ബിവോക്ക് ബ്രോഡ്കാസ്റ്റിംഗ് ആന്‍ഡ് ജേര്‍ണലിസം (2022 അഡ്മിഷന്‍ റെഗുലര്‍, 2018 മുതല്‍ 2021 വരെ അഡ്മിഷനുകള്‍ റീ അപ്പിയറന്‍സ്പുതിയ സ്‌കീം ഒക്ടോബര്‍ 2024) പ്രാക്ടിക്കല്‍ പരീക്ഷകള്‍ ജനുവരി മൂന്നിന് കളമശേരി സെന്റ് പോള്‍സ് കോളജില്‍ നടക്കും. വിശദ വിവരങ്ങള്‍ സര്‍വകലാശാലാ വെബ് സൈറ്റില്‍.