ഫഹദ് ഫാസിൽ നായകനാകുന്ന ട്രാൻസിന്‍റെ റിലീസ് പ്രഖ്യാപിച്ചു. സിനിമ ഫെബ്രുവരി 14ന് തീയറ്ററുകളിലെത്തും. 2019 ഡിസംബർ 20ന് ചിത്രം റിലീസ് ചെയ്യുമെന്നാണ് ആദ്യം അറിയിച്ചിരുന്നത്. പിന്നീട് റിലീസ് നീട്ടുകയായിരുന്നു. അൻവർ റഷീദാണ് ചിത്രം സംവിധാനം ചെയ്യുന്നത്.
മുൻപ് പുറത്തുവിട്ട സിനിമയുടെ പോസ്റ്ററുകൾക്കെല്ലാം മികച്ച പ്രതികരണമാണ് ലഭിച്ചിരുന്നത്. നസ്രിയ നസീം ആണ് സിനിമയിലെ നായിക. സൗബിൻ, വിനായകൻ, ചെമ്പൻ വിനോദ്, ദിലീഷ് പോത്തൻ, അർജുൻ അശോകൻ, ശ്രീനാഥ് ഭാസി എന്നിവരും സിനിമയിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു. അൻവർ റഷീദ് എന്‍റർടെയ്ൻമെന്‍റിന്‍റെ ബാനറിലാണ് ചിത്രം നിർമിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.