Cinema
"അ​ടി നീ​യെ​ങ്കെ...’ മ​റ​ക്കി​ല്ല ഈ ​റ​ഹ്മാ​ൻ ഹി​റ്റ്..!
Saturday, July 29, 2017 10:48 AM IST
സി​നി​മ ത​ക​ർ​ന്ന​ടി​ഞ്ഞാ​ലും സൂ​പ്പ​ർ ഹി​റ്റാ​യി​മാ​റു​ന്ന ചി​ല ഗാ​ന​ങ്ങ​ളു​ണ്ട്. അ​ത്ത​ര​ത്തി​ൽ ഒ​ന്നാ​ണ് 2000ൽ ​പു​റ​ത്തി​റ​ങ്ങി​യ "താ​ജ്മ​ഹ​ൽ’ എ​ന്ന ത​മി​ഴ് ചി​ത്ര​ത്തി​ലെ "അടി നീ​യെ​ങ്കെ’ എ​ന്ന പ്ര​ണ​യ​ഗാ​നം. ഈ​ടു​റ്റ ചി​ത്ര​ങ്ങ​ൾ ഒ​രു​പാ​ടെ​ണ്ണം ത​മി​ഴി​ൽ ഒ​രു​ക്കി​യ ഭാ​ര​തി​രാ​ജ​യു​ടെ സം​വി​ധാ​നം, ഇ​ന്ത്യ​യി​ലെ ത​ന്നെ മി​ക​ച്ച സം​വി​ധാ​യ​ക​രി​ൽ ഒ​രാ​ളാ​യ മ​ണി​ര​ത്ന​ത്തി​ന്‍റെ തി​ര​ക്ക​ഥ.. പ്ര​തി​ഭാ​സ്പ​ർ​ശം വേ​ണ്ടു​വോ​ള​മു​ണ്ടാ​യി​ട്ടും "താ​ജ്മ​ഹ​ൽ’ ബോ​ക്സ് ഓ​ഫീ​സി​ൽ ത​ക​ർ​ന്ന​ടി​ഞ്ഞു. എ​ന്നാ​ൽ എ.​ആ​ർ റ​ഹ്മാ​ൻ എ​ന്ന സം​ഗീ​ത മാ​ന്ത്രി​ക​ൻ ഈ ​ചി​ത്ര​ത്തി​നാ​യി ഒ​രു​ക്കി​യ ഗാ​ന​ങ്ങ​ൾ ഇ​ന്ന് പ്രേ​ക്ഷ​ക മ​ന​സി​ൽ നി​റ​ഞ്ഞു നി​ൽ​ക്കു​ന്നു.

ര​ണ്ടു സ​മു​ദാ​യ​ത്തി​ൽ​പ്പെ​ട്ട​വ​രു​ടെ പ്ര​ണ​യ​മാ​യി​രു​ന്നു താ​ജ്മ​ഹ​ലി​ന്‍റെ ഇ​തി​വൃ​ത്തം.
ഒ​രു മു​ഴു​നീ​ള റൊ​മാ​ന്‍റി​ക് ചി​ത്രം. ഭാ​ര​തി​രാ​ജ​യു​ടെ മ​ക​ൻ മ​നോ​ജും ബോ​ളി​വു​ഡ് താ​രം റി​യ സെ​ന്നു​മാ​ണ് ചി​ത്ര​ത്തി​ലെ മു​ഖ്യ​ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ച്ച​ത്. സി​നി​മ പ​രാ​ജ​യ​പ്പെ​ട്ട​തോ​ടെ മ​നോ​ജി​ന്‍റെ ച​ല​ച്ചി​ത്ര​രം​ഗ​ത്തെ ഭാ​വി​യും ഏ​താ​ണ്ട് അ​വ​സാ​നി​ച്ചു​വെ​ന്നു പ​റ​യാം. എ​ന്നാ​ൽ പ്ര​ണ​യം​വഴി​ഞ്ഞൊ​ഴു​കു​ന്ന "അടി നീ​യെ​ങ്കെ’ എ​ന്ന മെ​ല​ഡി ജ​ന​മ​ന​സു​ക​ളി​ൽ ഇ​ടം നേ​ടു​ക​യാ​യി​രു​ന്നു. ത​മി​ഴ്നാ​ട്ടി​ൽ മാ​ത്ര​മ​ല്ല കേ​ര​ള​ത്തി​ലും ഈ ​ത​മി​ഴ് പാ​ട്ട് ഹി​റ്റാ​യി മാ​റി.




പാ​ട്ടി​നു കേ​ര​ള​ക്ക​ര​യി​ൽ ല​ഭി​ച്ച പ്ര​ചാ​ര​ത്തി​നു മ​റ്റൊ​രു കാ​ര​ണ​വു​മു​ണ്ടാ​യി​രു​ന്നു. പ്ര​ണ​യ ഗാ​ന​ങ്ങ​ളു​ടെ പാ​ട്ടു​കാ​രി, മ​ല​യാ​ളി​ക​ളു​ടെ സ്വ​ന്തം സു​ജാ​ത​യാ​ണ് ഗാ​ന​ത്തി​ന്‍റെ ഫീ​മെ​യി​ൽ വേ​ർ​ഷ​ൻ പാ​ടി അ​ന്വ​ശ​ര​മാ​ക്കി​യ​ത്. ശ്രീ​നി​വാ​സ​ൻ പാ​ടി​യ മ​റ്റൊ​രു വേ​ർ​ഷ​നു​മു​ണ്ടാ​യി​രു​ന്നു ചി​ത്ര​ത്തി​ൽ. ര​ണ്ടു വേ​ർ​ഷ​നും സി​നി​മ​യി​ലെ ര​ണ്ടു വ്യ​ത്യ​സ്ത മൂ​ഹൂ​ർ​ത്ത​ങ്ങ​ളി​ൽ ഉ​ൾ​പ്പെ​ട്ടു.

നാ​യി​കാ​നാ​യ​ക​ൻ​മാ​രു​ടെ പ്ര​ണ​യം മു​ഴു​വ​ൻ പ്ര​തി​ഫ​ലി​പ്പി​ക്കു​ന്ന​താ​യി​രു​ന്നു ഈ ​പാ​ട്ട്. സി​നി​മ​യി​ലെ നൃ​ത്ത​രം​ഗ​ങ്ങ​ൾ​ക്കു വേ​ണ്ടി ച​ടു​ല​താ​ള​മാ​യ 2ന4 ​ലാ​ണ് പാ​ട്ട് ചി​ട്ട​പ്പെ​ടു​ത്തി​യ​ത്. എ​ന്നാ​ൽ താ​ള​ക്കൊ​ഴു​പ്പി​ൽ പാ​ട്ടി​ന്‍റെ മെ​ല​ഡി ഭാ​വം ന​ഷ്ട​പ്പെ​ടാ​തി​രി​ക്കാ​ൻ പ്ര​ത്യേ​കം ശ്ര​ദ്ധി​ച്ചി​ട്ടു​മു​ണ്ട്. റ​ഹ്മാ​ന്‍റെ മ​റ്റു ഗാ​ന​ങ്ങ​ളെ​പ്പോ​ലെ ത​ന്നെ വ​ശ്യ​മാ​യ പ​ശ്ചാ​ത്ത​ല സം​ഗീ​ത​മാ​ണ് ഈ ​ഗാ​ന​ത്തി​നും അ​ക​ന്പ​ടി സേ​വി​ച്ച​ത്. ഇ​ന്ത്യ​യി​ലെ പ​രാ​ന്പ​രാ​ഗ​ത വാ​ദ്യോ​പ​ക​ര​ണ​ങ്ങ​ളാ​യ ’ബാ​സു​രി​യും’ ’എ​ക്ത​ര’​യും ’ബെ​ഹാ​ല’​യു​മെ​ല്ലാം ഗാ​ന​ത്തി​ന്‍റെ ഓ​ർ​ക്ക​സ്ട്രേ​ഷ​ൻ അ​നു​പ​മ​മാ​ക്കി. ചി​ത്ര​ത്തി​ന്‍റെ ഗ്രാ​മീ​ണ പ​ശ്ചാ​ത്ത​ല​ത്തോ​ട് താ​ദാ​ത്മ്യം പ്രാ​പി​ക്കാ​ൻ ഈ ​പ​രാ​ന്പ​രാ​ഗ​ത വാ​ദ്യോ​പ​ക​ര​ണ​ങ്ങ​ൾ പാ​ട്ടി​നു ഏ​റെ സ​ഹാ​യ​ക​മാ​യി എ​ന്നു​വേ​ണം പ​റ​യാ​ൻ.




പാ​ട്ടി​ന്‍റെ ചി​ത്രീ​ക​ര​ണ​ത്തി​ന്‍റെ മ​നോ​ഹാ​രി​ത​യും വി​സ്മ​രി​ക്കാ​ൻ ക​ഴി​യി​ല്ല. പ്ര​കൃ​തി ര​മ​ണീ​യ പ​ശ്ചാ​ത്ത​ല​ത്തി​ലു​ള്ള ലോം​ഗ്-​മീ​ഡി​യം ഷോ​ട്ടു​ക​ളു​ടെ ചാ​രു​ത​യും പാ​ട്ടി​ന്‍റെ വി​ജ​യ​ത്തി​ന് കാ​ര​ണ​മാ​യി. കാ​ന്പു​ള്ള പ്ര​ണ​യവ​രി​ക​ളാ​ണ് ത​മി​ഴ​ക​ത്തി​ന്‍റെ പ്രി​യ​ക​വി വൈ​ര​മു​ത്തു റ​ഹ്മാ​ന്‍റെ ഈ​ണ​ത്തി​നാ​യി എ​ഴു​തി​യ​ത്. ’താ​ജ്മ​ഹ​ൽ, മ​ര​ണ​മ​ട​ഞ്ഞ പ്രി​യ​ത​മ​യ​തു​ടെ ഓ​ർ​മ​യ്ക്കാ​യി ഉ​യ​ർ​ത്തി​യാ​ണെ​ങ്കി​ൽ നീ ​ജീ​വ​നോ​ടെ​യി​രി​ക്കു​ന്പോ​ൾ​ത​ന്നെ നി​ത്യ​പ്ര​ണ​യ​ത്തി​ന്‍റെ താ​ജ​മ​ഹ​ൽ നി​ന​ക്കാ​യി ഞാ​ൻ ഒ​രു​ക്കി. പൊ​ഴി​യു​ന്ന മ​ഴ​യും ന​മ്മു​ടെ പ്ര​ണ​യ​വും ത​മ്മി​ൽ ബ​ന്ധ​പ്പെ​ട്ടി​രി​ക്കു​ന്നു; വൈ​ര​മു​ത്തു​വി​ന്‍റെ വ​രി​ക​ൾ ത​മി​ഴ​കം ഏ​റ്റു​പാ​ടി.

പാ​ട്ടും സി​നി​മ​യും പു​റ​ത്തി​റ​ങ്ങി വ​ർ​ഷ​ങ്ങ​ൾ പ​ല​തു ക​ഴി​ഞ്ഞി​ട്ടും റ​ഹ്മാ​ൻ സ​മ്മാ​നി​ച്ച മെ​ല​ഡി​ക​ളു​ടെ വ​സ​ന്ത​കാ​ല​ത്തി​ൽ വി​രി​ഞ്ഞ ഈ ’​ഇ​ശ​ൽ​പൂ​വി​ന്’ ശ്രോ​താ​ക്ക​ളെ വി​സ്മ​യി​പ്പി​ക്കാ​ൻ ഇ​നി​യും സൗ​ര​ഭ്യം ബാ​ക്കി...

അലക്സ് ചാക്കോ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.