മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിക്കുന്ന സിനിമയുടെ ചിത്രീകരണം പൂർത്തിയാക്കി. ഈ ചിത്രത്തിൽ മമ്മൂട്ടി നായകനാണോ പ്രതിനായകനാണോ എന്നറിയാനുള്ള ആകാംഷയിലാണ് ആരാധകർ.
മമ്മൂട്ടിയുടെ സിനിമയിലെ ലുക്കും നാഗർ കോവിലിൽ ചിത്രീകരണത്തിനെത്തിയപ്പോഴുള്ള ലൊക്കേഷൻ സ്റ്റില്ലുമെല്ലാം ആരാധകർക്കിടയിൽ നിമിഷ നേരം കൊണ്ടാണ് വൈറലായത്.
നാഗർകോവിൽ, എറണാകുളം, മൂന്നാർ തുടങ്ങിയ സ്ഥലങ്ങളിൽ വളരെ ചുരുങ്ങിയ സമയത്തിനിടയിലാണ് ചിത്രത്തിന്‍റെ ഷൂട്ടിംഗ് പൂർത്തിയായത്. മെഗാസ്റ്റാർ 428 എന്ന് താൽകാലികമായി പേരിട്ടിരിക്കുന്ന സിനിമയുടെ ബാക്കി അപ്‌ഡേറ്റുകൾ ഉടൻ പുറത്തുവിടും.
ദുൽഖർ സൽമാൻ ചിത്രം കുറുപ്പിന്‍റെ സഹതിരക്കഥാകൃത്തായിരുന്നു ജിതിൻ കെ. ജോസിന്‍റെ ആദ്യ സ്വതന്ത്ര സംവിധാനമാണ് ഇതുവരെ പേരിടാത്ത മമ്മൂട്ടി ചിത്രം.
മമ്മൂട്ടി കമ്പനിയാണ് ചിത്രം നിർമിക്കുന്നത്. ജോമോൻ ടി. ജോൺ ആണ് ചിത്രത്തിന്‍റെ കാമറ. സുഷിൻ ശ്യാം ആണ് സംഗീത സംവിധാനം. ഭീഷ്മ പർവ്വം, കണ്ണൂർ സ്‌ക്വാഡ് എന്നീ സിനിമകൾക്ക് ശേഷം സുഷിൻ - മമ്മൂട്ടി കോംബോ വീണ്ടുമൊന്നിക്കുന്ന ചിത്രം കൂടിയാണിത്.
ഡിനു ഡെന്നീസ് സംവിധാനം ചെയ്ത ബസൂക്ക, ഗൗതം മേനോൻ സംവിധാനം ചെയ്യുന്ന ഡൊമനിക് ആൻഡ് ദ ലേഡിസ് പേഴ്സ് എന്നിവയാണ് മമ്മൂട്ടിയുടെതായി അണിയറയിൽ ഒരുങ്ങുന്ന മറ്റു ചിത്രങ്ങൾ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.