തന്‍റെ വീടിന് മുന്നിൽ മൂന്ന് മാസത്തിലധികം കാത്തു നിന്ന ആരാധകന്‍റെ സ്വപ്നം സാക്ഷാത്കരിച്ചുനൽകി ഷാരുഖ് ഖാൻ. ഝാര്‍ഖണ്ഡില്‍ നിന്നും എത്തിയ ഈ ഷാരുഖ് ആരാധകൻ 95 ദിവസമാണ് മുംബൈയിലെ മന്നത്ത് വീടിന് മുന്നിൽ നിലയുറപ്പിച്ചത്.
തന്‍റെ കമ്പ്യൂട്ടര്‍ സെന്‍റര്‍ അടച്ചിട്ടുകൊണ്ടാണ് ആരാധകന്‍ ഷാരുഖ് ഖാനെ കാണാനായി മുംബൈയിലേക്ക് തിരിച്ചത്. എന്നാൽ താരത്തെ കാണുന്നത് അത്ര എളുപ്പമല്ലാത്തതിനാൽ മുബൈയിലെ മന്നത്ത് വീടിന് മുന്നിൽ തന്നെ നിലയുറപ്പിച്ച് ആരാധകൻ ദിവസങ്ങൾ മുന്നോ‌ട്ട് നീക്കി.
എന്നാൽ താരത്തിന്റെ പിറന്നാളിനോട് അനുബന്ധിച്ച് നടത്തിയ ഫാന്‍സ് മീറ്റില്‍ വച്ച് ഷാരുഖിനെ കാണാൻ ഈ ആരാധകനായി. ആരാധകനൊപ്പമുള്ള താരത്തിന്റെ ചിത്രം ഇപ്പോള്‍ സോഷ്യല്‍ മീഡിയയില്‍ വൈറലാവുകയാണ്.
നവംബര്‍ രണ്ടിനാണ് ഷാരുഖ് ഖാന് 59 വയസായത്. താരത്തിന്റെ പിറന്നാള്‍ ആരാധകര്‍ വന്‍ ആഘോഷമാക്കിയിരുന്നു. പത്താന്‍, ജവാന്‍, ഡങ്കി എന്നീ സിനിമകളിലൂടെ വമ്പന്‍ തിരിച്ചുവരവാണ് 2023ല്‍ താരം നടത്തിയത്. സുജോയ് ഘോഷ് സംവിധാനം ചെയ്യുന്ന കിംഗ് ആണ് താരത്തിന്റെ പുതിയ ചിത്രം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.