തഗ്ഗിന് വേണ്ടി സംസാരിക്കുന്നതല്ല നിഖിലയെന്നും കാര്യങ്ങൾ മറച്ചുവെയ്ക്കാതെ സ്ട്രൈറ്റ് ആയി സംസാരിക്കുന്നതുകൊണ്ടാണ് അങ്ങനെ തോന്നുന്നതെന്നും നടൻ നസ്ലിൻ. ഒരാളെയും വേദനിപ്പിക്കാൻ വേണ്ടിയല്ല നിഖില അങ്ങനെ പറയുന്നതെന്നും താരം പറഞ്ഞു.
മലയാള സിനിമയിലെ തഗ്ഗ് റാണി എന്നറിയപ്പെടുന്ന നടിയാണ് നിഖില വിമൽ. അഭിമുഖങ്ങളിൽ നടി നൽകുന്ന മറുപടിയാണ് ഇതിനുള്ള പ്രധാന കാരണം. ചിലർ നിഖിലയുടെ ഈ സ്വഭാവത്തെ പുകഴ്ത്തുമ്പോൾ മറ്റു ചിലർ ഇതിനെ വിമർശിക്കുകയും ചെയ്യുന്നുണ്ട്. ഇതിനുള്ള മറുപടിയാണ് നസ്ലിൻ നൽകിയത്. ഒരു യൂട്യൂബ് ചാനലിന് നൽകിയ അഭിമുഖത്തിലായിരുന്നു നസ്ലീൻ ഇക്കാര്യങ്ങൾ പറഞ്ഞത്.
ഒരിക്കലും തഗ്ഗിന് വേണ്ടി പറയുന്നതല്ല നിഖിലേച്ചി. എനിക്ക് നിഖിലേച്ചിയേയും അവരുടെ അമ്മയേയും കുടുംബത്തേയും നന്നായി അറിയാം. ഇവൾ ചെറുപ്പം മതലേ ഇങ്ങനെയാണെന്നാണ് നിഖിലേച്ചിയുടെ അമ്മ തന്നോട് പറഞ്ഞിട്ടുള്ളത്.
ആ ക്യാരക്ടർ ഇനി മാറ്റാൻ കഴിയില്ല. നിഖില എന്ന വ്യക്തി അങ്ങനെയാണ്. ഒരാളെയും വേദനിപ്പിക്കാൻ വേണ്ടിയല്ല നടി അങ്ങനെ പറയുന്നത്. ഇങ്ങോട്ട് കിട്ടുന്നതായിരിക്കും തിരിച്ച് അങ്ങോട്ടേക്ക് പോകുന്നത്. കാര്യങ്ങള്‍ മറച്ചുവെയ്ക്കാതെ സ്ട്രൈറ്റ് ആയാണ് പറയുന്നത്. അതൊരു നല്ല ക്വാളിറ്റി ആയിട്ടാണ് എനിക്ക് തോന്നിയിട്ടുള്ളതെന്നും നസ്ലിൻ വ്യക്തമാക്കി.
പ്രേമലുവിന് ശേഷം ഗിരീഷ് എ.ഡിയും നസ്‌ലെനും ഒന്നിച്ച ഐ ആം കാതലൻ റിലീസിന് ഒരുങ്ങുകയാണ്. ചിത്രം നവംബർ ഏഴിന് റിലീസ് ചെയ്യും. തല്ലുമാല എന്ന സൂപ്പർ ഹിറ്റ്‌ ചിത്രത്തിന് ശേഷം ഖാലിദ് റഹ്മാൻ സംവിധാനം ചെയ്യുന്ന ആലപ്പുഴ ജിംഖാനയിലാണ് നസ്ലിൻ ഇപ്പോൾ അഭിനയിച്ചുകൊണ്ടിരിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.