കേരളത്തിലെ നവോത്ഥാന നായകരിൽ ഒരാളായ അയ്യാങ്കാളിയായി മമ്മൂട്ടി എത്തിയേക്കില്ല. അയ്യങ്കാളിയുടെ ജീവിതകഥയെ ആസ്പദമാക്കി ഒരുങ്ങുന്ന കതിരവൻ എന്ന ചിത്രത്തിന്‍റേതായി ആദ്യമിറക്കിയ പോസ്റ്ററിൽ മമ്മൂട്ടിയുടെ ചിത്രമായിരുന്നു വന്നത്.
എന്നാൽ മലയാളത്തിലെ മറ്റൊരുആക്ഷൻ ഹീറോ നായകനാവുമെന്ന് സംവിധായകൻ അരുൺ രാജ് അറിയിച്ചു. മമ്മൂട്ടി ചിത്രത്തിൽ നിന്നും പിൻമാറിയതായാണ് റിപ്പോർട്ട്.
സംവിധായകൻ അരുൺ രാജ് തന്നെയായിരുന്നു നേരത്തെ മമ്മൂട്ടി അയ്യൻങ്കാളിയായി എത്തുമെന്ന് പ്രഖ്യാപനം നടത്തിയത്. താരാ പ്രൊഡക്ഷൻസിന്റെ ബാനറിൽ ജഗതമ്പി കൃഷ്ണയാണ് കതിരവൻ നിർമിക്കുന്നത്. താരാ പ്രൊഡക്ഷൻസിന്റെ ആദ്യ നിർമാണ സംരംഭമാണിത്.
അരുൺ രാജ് സംവിധാനവും കാമറയും കൈകാര്യം ചെയ്യുന്ന ചിത്രത്തിന്‍റെ കഥ, തിരക്കഥ സംഭാഷണം എന്നിവ പ്രദീപ് കെ. താമരക്കുളമാണ്. അരുൺരാജ് സംവിധാനം ചെയ്യുന്ന രണ്ടാമത്തെ ചിത്രം കൂടിയാണിത്. എഡ്വിന്‍റെ നാമം എന്ന ചിത്രമാണ് അരുൺ രാജ് ഇതിന് മുമ്പ് സംവിധാനം ചെയ്ത ചിത്രം.
മെമ്മറി ഓഫ് മർഡർ, വെൽക്കം ടു പാണ്ടിമല എന്നീ ചിത്രങ്ങളുടെ കാമറയും അരുൺരാജ് ആയിരുന്നു. വിനോദ് പറവൂർ ആണ് ചിത്രത്തിന്‍റെ പ്രൊഡക്ഷൻ കൺട്രോളർ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.