രജനികാന്തിന്റെ മകളും സംവിധായികയുമായ ഐശ്വര്യയും നടൻ ധനുഷും വീണ്ടും കുടുംബജീവിതത്തിൽ ഒന്നിക്കുമോയെന്നതാണ് ഇപ്പോൾ ആരാധകർ ഉറ്റുനോക്കുന്നത്. കാരണം വിവാഹമോചനക്കേസിൽ വാദം കേൾക്കാനായി വിളിപ്പിച്ച ദിവസം ഇരുവരും കോടതിയിലെത്തിയില്ലെന്നും അതിനാൽ വീണ്ടും ഒന്നിക്കുന്നതിനുള്ള സൂചനകളാണ് ഇത് നൽകുന്നതെന്നുമാണ് തമിഴ് മാധ്യമങ്ങൾ റിപ്പോർട്ട് ചെയ്യുന്നത്.
കഴിഞ്ഞ ഏപ്രിലിലാണ് ചെന്നൈ കുടുംബ കോടതിയിൽ വിവാഹമോചനത്തിന് ഇരുവരും അപേക്ഷ നൽകിയത്. പരസ്പര സമ്മതത്തോടെയുള്ള വിവാഹമോചനത്തിനാണ് സെക്ഷന് 13 ബി പ്രകാരം ഇരുവരും ചേര്ന്ന് ഹർജി സമർപ്പിച്ചിരിക്കുന്നത്.
2022 ജനുവരിയിൽ വേർപിരിയാനുള്ള തീരുമാനം ഇരുവരും സോഷ്യല് മീഡിയ വഴി പ്രഖ്യാപിച്ചെങ്കിലും തുടര്ന്ന് ഇരു കുടുംബത്തിനിടയിലും പല ചര്ച്ചകളും നടന്നതിനാല് വിവാഹമോചനം ഔദ്യോഗികമായി ഫയല് ചെയ്യുന്നത് വൈകിയെന്നാണ് വാര്ത്ത വന്നത്.
ഇരുവരുടെ വിവാഹമോചന കേസില് വാദം കഴിഞ്ഞ ഒക്ടോബര് ഒൻപതിനാണ് നിശ്ചയിച്ചിരുന്നത്. എന്നാല് ധനുഷും ഐശ്വര്യയും ഈ ദിവസം കോടതിയില് ഹാജരായില്ല. ഇതോടെ ചെന്നൈ പ്രിന്സിപ്പല് ഫാമിലി കോര്ട്ട് ജഡ്ജ് ശുഭദേവി കേസ് ഒക്ടോബര് 19ലേക്ക് മാറ്റി. കക്ഷികളോട് നിര്ബന്ധമായി ഹജരാകാനും ആവശ്യപ്പെട്ടിട്ടുണ്ട്.
ഐശ്വര്യയും ധനുഷും വിവാഹമോചനത്തിനുള്ള തീരുമാനം പുനഃപരിശോധിക്കുകയാണെന്നും ഇതിലേക്ക് നയിച്ചത് രജനികാന്തിന്റെ ആരോഗ്യനിലയും അടുത്തിടെ ഉണ്ടായ ഹൃദയ ചികില്സയുമാണ് എന്നാണ് അനുമാനം.
കുടുംബ തർക്കങ്ങൾ രജനികാന്തിന്റെ ആരോഗ്യപ്രശ്നങ്ങൾക്ക് കാരണമായേക്കാമെന്ന് അടുത്ത വൃത്തങ്ങൾ സൂചിപ്പിക്കുന്നു. ഇതിനാല് അച്ഛന്റെ മനസമാധാനത്തിനായി വിവാഹമോചനം പിൻവലിക്കുന്നതിനെക്കുറിച്ച് ഐശ്വര്യ ആലോചിക്കുന്നതായാണ് റിപ്പോർട്ട്.
കൂടാതെ ഐശ്വര്യയുടെയും ധനുഷിന്റെയും മക്കളും അവരുടെ മാതാപിതാക്കൾ ഒരുമിച്ച് ജീവിക്കാൻ ആഗ്രഹിക്കുന്നു എന്നാണ് വിവരം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.