സമൂഹമാധ്യമത്തിൽ പങ്കുവയ്ക്കുന്ന തന്‍റെ പോസ്റ്റുകളെ വിമർശിക്കുന്നവരോട് കുറിക്ക് കൊള്ളുന്ന മറുപടിയുമായി സംഗീതസംവിധായകൻ ഗോപി സുന്ദർ. താൻ ആരുടെ കൂടെ ഒരു ചിത്രമെടുത്താലും അത് കാമുകിയാണെന്ന് പ്രചരിപ്പിക്കുന്നവർക്കുള്ള മറുപടിയാണ് പുതിയ ചിത്രം.
ഇത്തവണ വളർത്തുനായ കല്യാണിക്കൊപ്പമാണ് ഗോപി ചിത്രമിട്ടിരിക്കുന്നത്. ‘ഇവളാണ് എന്‍റെ കല്യാണിക്കുട്ടി’ എന്നു പറഞ്ഞാണ് ഗോപി സുന്ദർ നായയെ പരിചയപ്പെടുത്തിയത്.
‘ആരുടെ കൂടെ ഫോട്ടോ എടുത്താലും അവരെ എല്ലാം എന്‍റെ പുതിയ കാമുകിമാരായി കാണുന്ന എല്ലാ മുഖമില്ലാത്ത കമന്‍റോളികള്‍ക്കും നന്ദി. ഇവളാണ് എന്‍റെ കല്യാണിക്കുട്ടി’ ഗോപി സുന്ദര്‍ ഫെയ്‌സ്ബുക്കില്‍ കുറിച്ചു.
കമന്‍റിലൂടെ വിമർശിക്കുന്നവർക്ക് ഗോപി സുന്ദർ മറുപടിയും നൽകി. ഏത് പെൺ സുഹൃത്തുക്കൾക്കൊപ്പമുള്ള ചിത്രങ്ങൾ പങ്കുവച്ചാലും തെറ്റായ രീതിയിലാണ് അത് വ്യാഖ്യാനിക്കപ്പെടാറുള്ളത്.
പതിവായി സമൂഹമാധ്യമങ്ങളിൽ വിമർശനങ്ങളും പരിഹാസങ്ങളും നേരിടുന്ന സെലിബ്രിറ്റിയാണ് ഗോപി സുന്ദർ. തന്‍റെ മുൻ പ്രണയബന്ധങ്ങളുടെയും വേർപിരിയലുകളുടെയും പേരിലാണ് പലപ്പോഴും അദ്ദേഹം സൈബർ ആക്രമണങ്ങൾക്ക് വിധേയനാകുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.