മണിരത്നം ചിത്രങ്ങൾ വേണ്ടെന്നു വച്ചതാണ് തന്റെ ജീവിതത്തിൽ സംഭവിച്ച ഏറ്റവും വലിയ നഷ്ടമെന്ന് നടി ഐശ്വര്യ ഭാസ്കരൻ. സൂപ്പർഹിറ്റ് ചിത്രങ്ങളായ ദളപതി, റോജ, തിരുടാ തിരുടാ എന്നിവയാണ് ഐശ്വര്യ വേണ്ടെന്ന് വച്ചത്.
ആദ്യം മണി അങ്കിള് (മണിരത്നം) വിളിച്ചത് ദളപതിക്കായാണ്. ശോഭന ചെയ്ത വേഷം ചെയ്യാന്. അപ്പോൾ ഒരു പടം കമ്മിറ്റ് ചെയ്തിരുന്നു. മുത്തശി ഡേറ്റ് ഇല്ലെന്ന് പറഞ്ഞ് ഒഴിവാക്കി. രണ്ടാമത് നഷ്ടപ്പെട്ട പടം റോജയാണ്. ആ സമയത്ത് എന്റെ മുത്തശി ഒരു തെലുങ്ക് സിനിമയില് അഭിനയിക്കാന് അഡ്വാന്സ് വാങ്ങിയിരുന്നു.
ഹൈദരാബാദ് പോകാന് നില്ക്കുമ്പോഴാണ് കുളു മണാലിയില് 40 ദിവസത്തെ ഡേറ്റ് ചോദിച്ചത്. തെലുങ്ക് ചിത്രത്തില്നിന്ന് അഡ്വാന്സ് വാങ്ങിയത് കൊണ്ട് വരാന് സാധിക്കില്ലെന്ന് പറഞ്ഞു. മുത്തശിയാണ് ഡേറ്റ് നോക്കിയിരുന്നത്. എനിക്ക് ഒന്നും അറിയില്ല. തെലുങ്ക് ചിത്രത്തിന്റെ പ്രൊഡ്യൂസറും ഡിസ്ട്രിബ്യൂട്ടറും തമ്മിലുള്ള പ്രശ്നത്തില് നാല് ദിവസംകൊണ്ട് ആ സിനിമയുടെ ചിത്രീകരണം നിന്നുപോയി.
കോയമ്പത്തൂരില് വച്ചാണ് സിനിമ കണ്ടത്. പടം കണ്ട് കഴിഞ്ഞ് കാറില് ആരും ഒന്നും മിണ്ടിയില്ല. ഞാന് ഒന്നും മിണ്ടാതെ വീട്ടിലെത്തി. ചെരുപ്പ് വച്ച് തലയില് അടിച്ചു. മുത്തശി ഓടി വന്നു എന്നെ തടഞ്ഞു. വേണ്ട അടിക്കരുതെന്ന് മുത്തശ്ശി പറഞ്ഞു.
ഞാന് മുത്തശിയോട് പറഞ്ഞു നിങ്ങളെ അടിക്കാന് എനിക്ക് പറ്റില്ലല്ലോ അതുകൊണ്ട് ഞാന് എന്നെ തന്നെ അടിക്കട്ടെ. ഇത് പോലെ ഹിറ്റാകുമെന്ന് കരുതിയില്ല. ദളപതിയിലെ ചെറിയ കഥാപാത്രമാണ് നഷ്ടമായത്. എങ്കിലും അത് പ്രാധാന്യമുള്ളതായിരുന്നു.
മൂന്നാമത് നഷ്ടപ്പെട്ടത് തിരുടാ തിരുടായായിരുന്നു. തിരുടാ തിരുടായില് മണിസാര് വിളിച്ചപ്പോള് ഹിന്ദി സിനിമ ഗർദിഷിലേക്ക് ഓഫര് വന്നിരിക്കുകയായിരുന്നു. തിരുടാ തിരുടാ പോയതോടെ ഈ ജന്മത്തില് അദ്ദേഹം ഇനി വിളിക്കില്ലല്ലോ എന്ന ചിന്തയായി. ഞാന് എന്റെ ഡേറ്റ് നോക്കാതിരുന്നതിനാലാണ് ഈ ചിത്രങ്ങളെല്ലാം എനിക്കു നഷ്ടപ്പെട്ടത്. ഐശ്വര്യ പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.