ലൊക്കേഷനിൽ ഡയലോഗ് പഠിക്കുന്ന സമയത്ത് എന്തെങ്കിലും തരത്തിലുള്ള ശബ്ദം കേട്ടാൽ പോലും മമ്മൂട്ടി അസ്വസ്ഥനാകുമെന്നും എന്നാൽ മോഹൻലാൽ നേരെ വിപരീതമാണെന്നും നടൻ സിദ്ദീഖ്.
ഇരുവരും സിനിമയെ സമീപിക്കുന്ന രീതി വളരെ വ്യത്യസ്തമാണെന്നും എന്നാൽ ഒടുവിൽ അഭിനയിച്ചു വരുന്പോൾ അത് വല്ലാതെ നമ്മളെ ആശ്ചര്യപ്പെടുത്തുമെന്നും സിദ്ദീഖ് പറയുന്നു.
ഒരു മാധ്യമത്തിന് നൽകിയ അഭിമുഖത്തിലാണ് സിദ്ദീഖ് ഇരുവരുടയും സിനിമയോടുള്ള സമീപനത്തെക്കുറിച്ചു തുറന്നു പറഞ്ഞത്.
മമ്മൂട്ടി ഓരോ കഥാപാത്രങ്ങളെയും കാണുന്നത് വളരെ സീരിയസ് ആയിട്ടാണെന്നും അതിനനുസരിച്ചാണ് അദ്ദേഹം സംഭാഷണങ്ങളെല്ലാം പഠിക്കുന്നതെന്നും സിദ്ദീഖ് പറയുന്നു. ആ സമയത്ത് എന്തെങ്കിലും രീതിയിലുള്ള ശബ്ദങ്ങൾ ലൊക്കേഷനിലുണ്ടായാൽ മമ്മൂട്ടി വേഗം അസ്വസ്ഥനാകുമെന്നും അത് അദ്ദേഹത്തെ ഇറിടേട്ട് ചെയ്യുമെന്നും സിദ്ദീഖ് പറഞ്ഞു.
എന്നാൽ മോഹൻലാലിനെ സംബന്ധിച്ചിടത്തോളം അതൊന്നും അദ്ദേഹത്തെ ബാധിക്കില്ലെന്നും വളരെ കൂളായിട്ടാണ് എല്ലാത്തിനെയും സമീപിക്കുന്നതെന്നും സിദ്ദീഖ് പറയുന്നു.
ലാൽ ഷോട്ടിന് തൊട്ടുമുൻപ് വരെ തമാശ പറഞ്ഞിരുന്നിട്ട് ആക്ഷൻ പറയുന്പോഴാകും എന്‍റെ ഷർട്ടിന് കുത്തിപ്പിടിക്കുക. അത് രണ്ടുപേരുടെയും സ്വഭാവത്തിന്‍റെ വ്യത്യാസമാണ്. പക്ഷേ അവരുടെ പെർഫോമൻസ് മികച്ചതാണ്. സിദ്ദീഖ് പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.